EKSODOS 12:27 - Khasi CL Bible (BSI)

²⁷ Phin jubab, ‘Ka long ka jingkñia jong ka Niam Ka Jinglait ban pyndonburom ïa U Trai, naba u la ïaid lait ïa ki ïing jong ki Israel ha ka ri Ijipt. U la pynïap ïa ki nong Ijipt, hynrei u la pyllait im ïa ngi.’ ” Ki Israel ki la dem khohsiew bad ki la mane.

KA BAIBL

²⁷ Ba phin ïathuh, ‘Ka long ka jingkñia ka jinglait jong U Trai, uba la ïaid palat ïa ki ïing jong ki khun Israel ha ka ri Ijipt, mynba u la shoh ïap ïa ki Ijipt, bad u la pyllait ïa ki ïing jong ngi.’ ” Te uta paidbah u la nguh bad u la mane ruh.

EKSODOS 12:27 ပူးပေါင်းရင်းမြစ်များ

1 KHRONIKL 29:20

Nangta u Dabid u la hukum ïa u paidbah, “Ïaroh ïa U Trai U Blei jong phi!” Bad kiba la ïalumlang baroh ki la ïaroh ïa U Trai, U Blei jong ki kpa tymmen jong ki, bad ki la pyndem la ki khlieh bad ai burom ïa U Trai bad ruh ïa u syiem.

2 KHRONIKL 20:18

Nangta u syiem Jehoshaphat u dem ngon, ka khmat jong u kaba dei ha ka khyndew, bad baroh u paidbah u dem ryngkat bad u bad mane ïa U Trai.

2 KHRONIKL 29:30

U syiem bad ki nongïalam jong ka jaitbynriew ki bthah ïa ki Lebi ban rwai ha U Trai ïa ki jingrwai ïaroh ba la thoh da u Dabid bad u Asaph, u nongïathuhlypa. Kumta uwei pa uwei u la rwai da ka jingkmen bakhraw katba ki dem khohsiew bad ki mane ïa U Blei.

NEHEMAÏAH 8:6

U Esra u ong, “Ïaroh ïa U Trai, U Blei uba khraw!” Baroh u paidbah u rah la ki kti shajrong bad ong, “Amen! Amen!” Ki dem khohsiew ha ka jingshakri, ki phai ki khmat jong ki sha khyndew.

SALM 44:1

Da la ki jong ki shkor ngi la ïohsngew ïa ka, A Blei — ki kpa tymmen jong ngi ki la ïathuh ïa ngi shaphang jong ka, shaphang kiei kiei kiba khraw kiba me la leh ha ka por jong ki, ha ki sngi ba-mynshuwa eh:

SALM 78:5

U la ai ïa ki aiñ ha ki paid Israel, bad ïa ki hukum ha ki khun ki ksiew jong u Jakob. U la bthah ïa ki kpa tymmen jong ngi ban hikai ïa ki aiñ jong u ha ki khun jong ki,

EKSODOS 10:2

bad ba phi lah ban ïathuh ha ki khun ki ksiew jong phi kumno nga la pynpaw bieit ïa ki nong Ijipt haba nga leh ïa kine ki kambah. Phi baroh phin tip ba nga long U Trai.”

EKSODOS 12:11

Phi dei ban ïabam kyrkieh ïa ka, namar phi dei ban riam na ka bynta ban leit jingleit, lem bad ki juti ha ki kjat jong phi bad u diengduh ha ka kti jong phi. Ka dei ka Jingkhawai Niam Ka Jinglait ban pyndonburom ïa nga, U Trai.

EKSODOS 12:23

Haba U Trai u ïaid lyngba ïa ka ri Ijipt ban pynïap ïa ki nong Ijipt, un ïohi ïa ka snam ha u bim bad ha ki shawkad bad un ym shah ïa u Angel jong ka Jingïap ban rung shapoh ki ïing jong phi bad pynïap ïa phi.

EKSODOS 12:28

Nangta ki la leit bad leh kumta kumba U Trai u la hukum ïa u Moses bad u Aaron.

EKSODOS 13:14

Hadien habud, ynda u khun jong phi u kylli ïa phi ka mut aïu kane ka jingrakhe, phin jubab ïa u, ‘Da kaba pyndonkam ïa la ka borbah, U Trai u la ïalam noh ïa ngi na ka ri Ijipt, ka ri ha kaba ngi la long ki mraw.

EKSODOS 13:8

Ha kaba sdang jong ka Jingkhawai Niam, pynsngewthuh ha ki khun shynrang jong phi ba phi leh ïa kane baroh namar kaei kaba U Trai u la leh ha phi mynba phi mihnoh na ka ri Ijipt.

EKSODOS 34:25

“Wat ainguh da u kpu ba la khleh thiat haba phi kñia ïa uno uno u jingri ha nga. Wat pynsah haduh mynstep ïa ka doh kñia ba la pyndonkam ha ka Jingkhawai Niam Ka Jinglait.

EKSODOS 34:8

U Moses u pynkloi ban nguh dem haduh khyndew bad u la mane.

EKSODOS 4:31

Ki paidbah ki la ngeit, bad haba ki ïohsngew ba U Trai u la wan sha ki bad ba u la ïohi kumno ki la shah lehbeiñ tyngeh, ki la nguh la dem bad ki la ïamane ruh.

1 KORINTH 5:7

Phi dei ban weng noh ïa u thiat barim jong ka pop ba kumta phin long khuid nadong shadong. Te phin long kum kawei pat ka jingkhleh jong u kpu im uba khlem don thiat, kumba da shisha nga tip phi long kumta. Naba ïa ka Jingkhawai Niam Ka Jinglait la pynkhreh, mynta ïa U Khrist, u khunlangbrot ka Jinglait jong ngi, la lah kñia.

DEUTERONOMI 16:2

Leit sha kata ka jaka mane Blei kaba U Trai un jied, bad kñia hangta kawei ka langbrot lane kawei ka masi jong phi na ka bynta ka Niam Ka Jinglait khnang ban pyndonburom ïa U Trai U Blei jong phi.

DEUTERONOMI 16:5

“Kñia ïa ki jingainguh na ka bynta ka Niam Ka Jinglait ha kata ka jaka mane Blei ba U Trai un jied — ym hawei pat ha kata ka ri ba U Trai U Blei jong phi un ai ha phi. Leh ïa kata ha ka por sep sngi, kaba ïadei bad ka por ba phi mih na Ijipt.