EKSODOS 12:21 - Khasi CL Bible (BSI)

²¹ U Moses u khot ïa ki nongïalam baroh jong ki Israel, bad u ong ha ki, “Phi baroh phin jied ïa la u khunlangbrot ne u khunblang bad pynïap ïa u, khnang ba ki ba-ha-ïing ha-sem jong phi kin ïoh ban rakhe ïa ka Niam Ka Jinglait.

KA BAIBL

²¹ Ynda kumta, u Moses u la khot ïa ki tymmen basan baroh ki Israel, bad u la ong ha ki, “To kem, shim ruh ïa u khun langbrot sha lade katba kum ki ïing ki ïing jong phi, bad to pynïap ïa ka jinglait.

EKSODOS 12:21 ပူးပေါင်းရင်းမြစ်များ

2 SYIEM 23:21

U syiem Josaïah u hukum ïa ki briew ban rakhe ïa ka Jingkhawai Niam Ka Jinglait kum ka jinglehburom ïa U Trai U Blei jong ki, kumba la thoh ha ka Kitab ka Jutang.

ESRA 6:20

Baroh ki lyngdoh bad ki Lebi ki pynkhuid ïa lade bad ki khuid kat kum ka jinglehniam. Ki Lebi ki pynïap ïa ki mrad na ka bynta ki jingkñia ka Niam Ka Jinglait ïa ki briew kiba la wan phai, ki lyngdoh, bad na ka bynta ïa lade.

EKSODOS 12:11

Phi dei ban ïabam kyrkieh ïa ka, namar phi dei ban riam na ka bynta ban leit jingleit, lem bad ki juti ha ki kjat jong phi bad u diengduh ha ka kti jong phi. Ka dei ka Jingkhawai Niam Ka Jinglait ban pyndonburom ïa nga, U Trai.

EKSODOS 12:3

Ai ïa kine ki jingbthah ha u paid Israel baroh: ha ka sngi kaba shiphew jong une u bnai, uwei pa uwei u rangbah un jied ïa u khunlangbrot lane ïa u khunblang na ka bynta la ka jong ka ïing.

EKSODOS 17:5

U Trai u ong ha u Moses, “Ïalam bad me katto katne ngut ki nongïalam jong ki Israel, bad leit sha shuwa jong u paidbah. Rah ruh ïa u diengduh da uba me la shoh ïa ka wah Nile.

EKSODOS 19:7

Kumta u Moses u wan hiar bad u la khot lang ïa ki nongïalam jong ki Israel, bad ïathuh ha ki ïa kaei kaei baroh kaba U Trai u la hukum ïa u.

EKSODOS 3:16

Khie leit lumlang ïa ki tymmen ki san jong ki Israel bad ïathuh ha ki ba nga U Trai, U Blei jong ki kpa tymmen jong ki, U Blei jong u Abraham, U Isaak, bad u Jakob, nga la mihpaw ha me. Ïathuh ruh ha ki ba nga la wan jngoh ïa ki, bad nga la ïohi aïu ki nong Ijipt ki la leh ïa ki.

JINGKHEIÑ 11:16

U Trai u ong ha u Moses, “Lumlang hynñiewphew ngut ki rangbah badonburom ïa kiba la ñiew kum ki nongïalam jong u paidbah, wan ïalam ïa ki sha nga ha ka Ïingjaiñ ka Jingdon Ryngkat jong nga bad ong ba kin ïeng hangta hajan jong me.

HEBRU 11:28

Dei ka jingngeit kaba la pynlong ïa u ban pynskhem ïa ka Jingkhawai Niam Ka Jinglait, bad hukum ban synreit ïa ka snam ha ki jingkhang, ba u Angel jong ka Jingïap un ym pynïap ïa ki khun shynrang ba la kha nyngkong jong ki Israel.

JOSHUA 5:10

Katba ki Israel ki dang shong dara ha Gilgal ha ka pyntha hajan ka Jerikho, ki la rakhe ïa ka Jingkhawai Niam Ka Jinglait ha ka janmiet jong ka sngi kaba khatsaw jong u bnai.