EKSODOS 12:19 - Khasi CL Bible (BSI)

^19-20 Hynñiew sngi lynter ym dei ban lap ïa u thiat ha ki ïing jong phi; namar lada uno uno u bam ïa u kpu uba la khleh thiat la u dei u nongwei ne u traishnong, yn ym kheiñ shuh ïa u kum uwei na ki briew jong nga.”

KA BAIBL

¹⁹ Hynñiew sngi wat ai ba yn shem ïa u thiat ha ki ïing jong phi: naba uno uno ruh uba bam ïa u kpu ba dei thiat, ïa kata ka mynsiem yn ot noh na ka jingïalang ki khun Israel, la u long u nongwei, ne u trai-shnong.

EKSODOS 12:19 ပူးပေါင်းရင်းမြစ်များ

EKSODOS 12:15

U Trai u la ong, “Hynñiew sngi lynter phin ym bam ïa u kpu ba la khleh thiat — bam tang ïa u kpu bakhlem thiat. Ha ka sngi kaba nyngkong phi dei ban bret noh ïa u thiat baroh na ïing jong phi, namar lada uno uno u bam ïa u kpu ba la khleh thiat ha kita ki hynñiew sngi, yn ym kheiñ shuh ïa u kum uwei na ki briew jong nga.

EKSODOS 12:43

U Trai u ong ha u Moses bad u Aaron, “Kine ki long ki jingbuhbeit ryntih ïa ka Niam Ka Jinglait: U nongwei um bit ban bam ïa ka jingbam kaba ïadei bad ka Niam Ka Jinglait;

EKSODOS 12:48

Lada u nongwei uba shong basah bad phi u kwah ban rakhe ïa ka Jingkhawai Niam Ka Jinglait ban pyndonburom ïa U Trai, nyngkong eh phi dei ban otsher shuwa ïa ki shynrang baroh na ka ïing jong u. Hadien kata, lah ban kheiñ ïa u kum u traishnong, bad nangta u lah ban ïashim bynta ha ka Jingkhawai Niam.

EKSODOS 13:3

U Moses u kren ha u paidbah, “Kynmaw ïa kane ka sngi — ka sngi ha kaba phi mihnoh na ka ri Ijipt, ka ri ha kaba phi long ki mraw. Kane ka dei ka sngi ba U Trai u la ïalam noh ïa phi da ka borbah jong u. Wat bam ïa u kpu ba la khleh thiat.

EKSODOS 13:7

Ha kita ki hynñiew sngi, phim dei ban bam ïa u kpu ba la khleh thiat; ym dei ban don u thiat ne u kpu ba la khleh thiat hangno hangno ha ka ri jong phi.

EKSODOS 23:15

Ha u bnai Abib, u bnai ha uba phi la mihnoh na ka ri Ijipt, rakhe ïa Ka Jingkhawai Niam U Kpu Bakhlem Thiat ha ka rukom kaba nga la hukum ïa phi. Ha ki hynñiew sngi jong kane ka Jingkhawai Niam, wat bam ïa uno uno u kpu ba la khleh thiat. Wat ju wan mane ïa nga khlem da wallam kano kano ka jingainguh.

EKSODOS 30:33

Uno uno uba khleh ïa kaba kum kane, ne uba pyndonkam ïa ka wat tang khyndiat ruh ha uno uno u briew u bym dei u lyngdoh, yn ym kheiñ shuh ïa u kum uwei na ki briew jong nga!’ ”

EKSODOS 34:18

“Rakhe ïa ka Jingkhawai Niam U Kpu Bakhlem Thiat. Kumba nga la hukum ïa phi, bam ïa u kpu bakhlem thiat hynñiew sngi lynter ha u bnai Abib, namar dei ha uta u bnai ba phi la mihnoh na ka ri Ijipt.

LEBITIKOS 23:5

“Ka Niam Ka Jinglait, ïa kaba ju rakhe ban pyndonburom ïa U Trai, ka sdang ha ka por sep sngi ha ka sngi kaba khatsaw jong u bnai uba nyngkong.

JINGKHEIÑ 9:13

Hynrei lada uno uno na phi uba long bymkhuid bad u bym shym leit jingleit bad u bym rakhe ïa ka Jingkhawai Niam Ka Jinglait, yn ym ñiew shuh kum ki briew jong nga, namar um shym wanrah jingainguh sha nga ha ka por ba la buh. Uta u dei ban shahshitom namar ka pop jong u.

DEUTERONOMI 16:3

Haba phi bam ïa kane ka jingbam, wat bam ïa u kpu ba la khleh thiat. Hynñiew sngi phin bam ïa u kpu khlem thiat, kumba phi la bam mynba phi la dei ban mihnoh kyrkieh na Ijipt. Bam ïa une u kpu — yn khot ïa u, u kpu ka jingshah shitom — ba katba phi dang im phin ïai kynmaw ïa kata ka sngi mynba phi mihnoh na Ijipt, kata ka jaka ka jingshah shitom.