EKSODOS 12:16 - Khasi CL Bible (BSI)

¹⁶ Ha ka sngi kaba nyngkong bad kumjuh ruh ha ka sngi kaba hynñiew, phi dei ban ïakynduh lang ban mane Blei. Phim bit ban trei ei ei ha kita ki sngi, hynrei phi lah ban pynkhreh jingbam.

KA BAIBL

¹⁶ Ha kata ka sngi banyngkong te kan long ka jingïaseng bakyntang, bad ha kata ka sngi bahynñiew ruh ka jingïaseng bakyntang ïa phi: wat leh ka kam ei ei ruh ha ki, tang ïa kaba u briew baroh u bam, tang ïa kata hi lah ban leh.

EKSODOS 12:16 ပူးပေါင်းရင်းမြစ်များ

EKSODOS 16:23

bad u la ong ha ki, “U Trai u la hukum ba lashai ka dei ka sngi shongthait ïa kaba la pynkyrpang sha u. Shet mynta kat ïa kaba phi dei ban shet, bad pynthnam kat ïa kaba phi dei ban pynthnam. Sa buh kyrpang kat ïa kaba tam bad tyngkai ïa ka na ka bynta lashai.”

EKSODOS 16:29

Kynmaw ba ma nga, U Trai nga la ai ha phi ïa ka sngi shongthait, bad dei namar kata ba ha ka sngi kaba hynriew nga ai jingbam ïa phi kat ban biang na ka bynta ar sngi. Baroh phin ïashong ha ka jaka ba phi don ha ka sngi kaba hynñiew, bad phim dei ban mih na la ïing.”

EKSODOS 16:5

Ha ka sngi kaba hynriew, ki dei ban lum ar shah ban ïa kaba ki ju lum man ka sngi bad pynkhreh ïa ka.”

EKSODOS 20:10

hynrei ka sngi kaba hynñiew ka dei ka sngi shongthait ba la pynkyntang sha nga. Ha kata ka sngi phim bit ban leh ïa kano kano ka kam — ma phi, ne ki khun jong phi, ne ki mraw jong phi, ne ki jingri jong phi, ne ki nongwei kiba shong basah ha ka ri jong phi.

EKSODOS 34:18

“Rakhe ïa ka Jingkhawai Niam U Kpu Bakhlem Thiat. Kumba nga la hukum ïa phi, bam ïa u kpu bakhlem thiat hynñiew sngi lynter ha u bnai Abib, namar dei ha uta u bnai ba phi la mihnoh na ka ri Ijipt.

ISAÏAH 1:13

Ka long ka bymmyntoi ban wallam ïa ki jingainguh jong pha. Nga la sngewjli da ka jingiw jong ka jingiwbih ba pha thang. Ngam lah shah ïa ki Jingkhawai Niam Bnai Thymmai jong pha, ïa ki Sabbaton jong pha bad ïa ki jingïaseng jong pha; la pyntngit ïa ki baroh da ki pop jong pha.

LEBITIKOS 23:21

Ha kata ka sngi, wat trei ei ei kumba phi ju trei man la ka sngi, hynrei ïalumlang ban mane Blei. Ki khun ki ksiew jong phi ki dei ban leh ïa kane ka hukum pateng la pateng shano shano ba ki don.

LEBITIKOS 23:27

“Ka sngi kaba shiphew jong u bnai uba hynñiew ka long ka sngi ka jingpyndep ïa ka jinglehniam kaba man ka snem ban weng noh ïa ki pop ki briew. Wat bam ei ei ruh em ha kata ka sngi; ïalumlang ban mane Blei, bad kñia ïa ka jingainguh bam ha U Trai.

LEBITIKOS 23:35

Ha ka sngi nyngkong na kita ki sngi, ïalumlang ban mane Blei, bad wat trei ei ei kumba phi ju trei man la ka sngi.

JINGKHEIÑ 28:18

Ha ka sngi kaba nyngkong jong ka Jingkhawai Niam, phi dei ban ïalumlang ban mane Blei, bad phim dei ban treikam ei ei ha kata ka sngi.

JINGKHEIÑ 28:25

Ha ka sngi kaba hynñiew ïalumlang ban mane Blei, bad wat treikam ei ei.

JINGKHEIÑ 28:26

Ha ka sngi kaba nyngkong jong ka Jingkhawai Niam ka Jingot, haba phi wanrah ïa ka jingainguh da u kew thymmai sha U Trai, phi dei ban ïalumlang ban mane Blei, bad phim dei ban treikam ei ei.

JINGKHEIÑ 29:1

Ha ka sngi kaba nyngkong jong u bnai uba hynñiew phi dei ban ïalumlang ban mane Blei, bad wat trei kano kano ka kam. Ha kata ka sngi put ïa ki turoi.

JINGKHEIÑ 29:12

Ïalumlang ban mane Blei ha ka sngi kaba khatsan jong u bnai uba hynñiew. Rakhe ïa kane ka Jingkhawai Niam ha kaba ai burom ïa U Trai hynñiew sngi lynter, bad wat trei kano kano ka kam.

ÏOANNIS 19:31

Nangta ki nongsynshar jong ki Jiw ki la pan na u Pilat ban shah ïa ki ban pynkheiñ ïa ki kjat jong kita ki briew kiba la shah sahnarphna, bad ban pynhiar noh ïa ki met jong ki na ki diengphna. Ki la kyrpad ïa kane namar ba ka la dei ka Sngi Thohdieng, bad kim kwah ba ki met kin sah kumta ha ki diengphna ha ka sngi Sabbaton, naba ka sngi Sabbaton ka long kyrpang kaba khuid.

DEUTERONOMI 16:8

Nangta sa hynriew sngi phin bam ïa u kpu khlem thiat, bad ha ka sngi kaba hynñiew ïalumlang ban mane ïa U Trai U Blei jong phi, bad wat trei ei ei ha kata ka sngi.