EKSODOS 12:15 - Khasi CL Bible (BSI)

¹⁵ U Trai u la ong, “Hynñiew sngi lynter phin ym bam ïa u kpu ba la khleh thiat — bam tang ïa u kpu bakhlem thiat. Ha ka sngi kaba nyngkong phi dei ban bret noh ïa u thiat baroh na ïing jong phi, namar lada uno uno u bam ïa u kpu ba la khleh thiat ha kita ki hynñiew sngi, yn ym kheiñ shuh ïa u kum uwei na ki briew jong nga.

KA BAIBL

¹⁵ Hynriew sngi phin bam ïa u kpu khlem thiat; ha ka sngi nyngkong to bred noh ïa u thiat na ki ïing jong phi: naba uno uno ruh uba bam ïa u kpu ba dei thiat naduh kata ka sngi banyngkong haduh ka sngi ka bahynñiew, ïa kata ka mynsiem yn ot noh na ki Israel.

EKSODOS 12:15 ပူးပေါင်းရင်းမြစ်များ

JENESIS 17:14

Ïa uno uno u shynrang u bym shym la otsher yn nym ñiew shuh kum uwei na ki briew jong nga, namar ba um shym la bat ïa ka jutang bad nga.”

2 KHRONIKL 30:21

Haduh hynñiew sngi ki briew kiba la ïalumlang ha Jerusalem, ki la rakhe ïa ka Jingkhawai Niam U Kpu Bakhlem Thiat da ka jingkmen kaba khraw; bad man la ka sngi ki Lebi bad ki lyngdoh ki la ïaroh ïa U Trai da la ka bor baroh.

ESRA 6:22

Hynñiew sngi ki rakhe da ka jingkmen ïa ka Jingkhawai Niam U Kpu Bakhlem Thiat. Ki la dap da ka jingkmen namar U Trai u la pynlong ïa u patsha jong ka Assyria ban lehsbun ïa ki, ba u kyrshan ïa ki ha ka jingtrei jong ki ha ka jingtei pat ïa ka Templ jong U Blei ki Israel.

EKSODOS 12:8

Ha kata ka miet, ïa ka doh dei ban syang, bad bam ïa ka lem bad u kpu khlem thiat bad ki jhur kthang.

EKSODOS 13:3

U Moses u kren ha u paidbah, “Kynmaw ïa kane ka sngi — ka sngi ha kaba phi mihnoh na ka ri Ijipt, ka ri ha kaba phi long ki mraw. Kane ka dei ka sngi ba U Trai u la ïalam noh ïa phi da ka borbah jong u. Wat bam ïa u kpu ba la khleh thiat.

EKSODOS 23:15

Ha u bnai Abib, u bnai ha uba phi la mihnoh na ka ri Ijipt, rakhe ïa Ka Jingkhawai Niam U Kpu Bakhlem Thiat ha ka rukom kaba nga la hukum ïa phi. Ha ki hynñiew sngi jong kane ka Jingkhawai Niam, wat bam ïa uno uno u kpu ba la khleh thiat. Wat ju wan mane ïa nga khlem da wallam kano kano ka jingainguh.

EKSODOS 30:33

Uno uno uba khleh ïa kaba kum kane, ne uba pyndonkam ïa ka wat tang khyndiat ruh ha uno uno u briew u bym dei u lyngdoh, yn ym kheiñ shuh ïa u kum uwei na ki briew jong nga!’ ”

EKSODOS 30:38

Ïa uno uno uba shna ïa kaba kum kane ka jingiwbih yn ym kheiñ shuh kum uwei na ki briew jong nga.”

EKSODOS 31:14

Phin sumar ïa ka sngi shongthait namar ka long kaba kyntang. Uno uno u bym sumar ïa ka un shah pynïap.

EKSODOS 34:18

“Rakhe ïa ka Jingkhawai Niam U Kpu Bakhlem Thiat. Kumba nga la hukum ïa phi, bam ïa u kpu bakhlem thiat hynñiew sngi lynter ha u bnai Abib, namar dei ha uta u bnai ba phi la mihnoh na ka ri Ijipt.

EKSODOS 34:25

“Wat ainguh da u kpu ba la khleh thiat haba phi kñia ïa uno uno u jingri ha nga. Wat pynsah haduh mynstep ïa ka doh kñia ba la pyndonkam ha ka Jingkhawai Niam Ka Jinglait.

LEBITIKOS 17:10

Lada uno uno u Israel, lane uno uno u nongwei uba wan shong hapdeng jong ki, u bam ïa ka doh kaba dang don snam ha ka, U Trai un phai pyrshah ïa u bad yn ym ñiew shuh ïa u kum uwei na ki briew jong U Blei.

LEBITIKOS 17:14

Ka jingim jong uwei pa uwei u jingthaw uba im ka don ha ka snam, bad dei namar kata ba U Trai u la ong ha ki paid Israel ba kim dei ban bam ïa kano kano ka doh kaba dang don snam ha ka, bad ba ïa uno uno uba leh kumta yn ym ñiew shuh ïa u kum uwei na ki briew jong U Blei.

MALAKHI 2:12

To ai ba U Trai un weng noh na ka jaitbynriew Israel ïa kito kiba la leh ïa kane, bad ban ym shah ïa ki lano lano ruh ban ïashim bynta ha ki jingainguh kiba ka hima jong ngi ka wallam sha U Trai Badonbor Baroh.

JINGKHEIÑ 28:17

Ha ka sngi kaba khatsan, ka sngi ha kaba ka Jingkhawai Niam kaba neh hynñiew sngi ka sdang; ha kata ka por dei ban bam tang ïa u kpu ba la shet khlem thiat.

JINGKHEIÑ 9:13

Hynrei lada uno uno na phi uba long bymkhuid bad u bym shym leit jingleit bad u bym rakhe ïa ka Jingkhawai Niam Ka Jinglait, yn ym ñiew shuh kum ki briew jong nga, namar um shym wanrah jingainguh sha nga ha ka por ba la buh. Uta u dei ban shahshitom namar ka pop jong u.

MATHAÏOS 16:12

Nangta ki synran ki la shemphang ba um shym la maham ïa ki ban sumar ïa lade na u thiat uba pyndonkam ha u kpu, hynrei na ka jinghikai ki Pharisi bad ki Saddusi.

LOUKAS 12:1

Katba da ki hajar ngut ki briew ki dang ïalumlang, ba kumta ki la ïa-ïuh para ma ki, U Jisu u la ong nyngkong ha la ki synran, “To sumar na u thiat jong ki Pharisi — nga mut ïa ka jingarsap jong ki.

LOUKAS 2:43

Haba ka Jingkhawai Niam ka la kut, ki la khreh ban leit phai noh sha ïing, hynrei u khynnah Jisu u la sah ha Jerusalem.

KI KAM 12:3

Haba u la ïohi ba kane ka la pynsngewbha ïa ki Jiw, u la thew ruh ban kem sa ïa u Petros. (Kane ka la jia ha ka por ka Jingkhawai Niam U Kpu Bakhlem Thiat).

GALATIA 5:12

Nga da kwah eh ba ki briew kiba pynkulmar ïa phi kin leit baroh shi lynter lynti; ai ba kin nang ïaid bad pynthohbria ïa lade!

DEUTERONOMI 16:3

Haba phi bam ïa kane ka jingbam, wat bam ïa u kpu ba la khleh thiat. Hynñiew sngi phin bam ïa u kpu khlem thiat, kumba phi la bam mynba phi la dei ban mihnoh kyrkieh na Ijipt. Bam ïa une u kpu — yn khot ïa u, u kpu ka jingshah shitom — ba katba phi dang im phin ïai kynmaw ïa kata ka sngi mynba phi mihnoh na Ijipt, kata ka jaka ka jingshah shitom.

DEUTERONOMI 16:5

“Kñia ïa ki jingainguh na ka bynta ka Niam Ka Jinglait ha kata ka jaka mane Blei ba U Trai un jied — ym hawei pat ha kata ka ri ba U Trai U Blei jong phi un ai ha phi. Leh ïa kata ha ka por sep sngi, kaba ïadei bad ka por ba phi mih na Ijipt.

DEUTERONOMI 16:8

Nangta sa hynriew sngi phin bam ïa u kpu khlem thiat, bad ha ka sngi kaba hynñiew ïalumlang ban mane ïa U Trai U Blei jong phi, bad wat trei ei ei ha kata ka sngi.