EKSODOS 12:14 - Khasi CL Bible (BSI)

¹⁴ Phi dei ban rakhe ïa kane ka sngi kum ka Jingkhawai Niam ban pynkynmaw ïa phi ïa kaei kaba nga, U Trai, nga la leh. Rakhe ïa ka pateng la pateng bynriew.”

KA BAIBL

¹⁴ “ ‘Kane ka sngi ruh kan long ïa phi ka jingpynkynmaw, bad phin rakhe ruh ïa ka kum Ka Jingkhawai Niam ïa U Trai: ha ki pateng la pateng jong phi phin rakhe ïa ka keiñ kum Ka Jingkhawai Niam da ka hukum kaba ha la ka rta.

EKSODOS 12:14 ပူးပေါင်းရင်းမြစ်များ

2 SYIEM 23:21

U syiem Josaïah u hukum ïa ki briew ban rakhe ïa ka Jingkhawai Niam Ka Jinglait kum ka jinglehburom ïa U Trai U Blei jong ki, kumba la thoh ha ka Kitab ka Jutang.

SALM 111:4

U Trai um shah ïa ngi ban klet noh ïa ki jingleh baphylla jong u; u long uba bha sbun bad uba isynei.

SALM 135:13

A Trai, ïa me yn pynbna borabor kum U Blei; ki pateng bynriew baroh kin kynmaw ïa me.

EKSODOS 12:17

Rakhe ïa kane ka Jingkhawai Niam, namar dei ha kane ka sngi ba nga la ïalam noh ïa ki jait jong phi na ka ri Ijipt. Pateng la pateng phi dei ban rakhe ïa kane ka sngi kum ka Jingkhawai Niam.

EKSODOS 12:24

Ma phi bad ki khun ki kti jong phi, phin bud pyrkhing junom ïa kine ki jingbuhbeit ryntih.

EKSODOS 12:43

U Trai u ong ha u Moses bad u Aaron, “Kine ki long ki jingbuhbeit ryntih ïa ka Niam Ka Jinglait: U nongwei um bit ban bam ïa ka jingbam kaba ïadei bad ka Niam Ka Jinglait;

EKSODOS 12:6

Nangta, ha ka janmiet jong ka sngi kaba khatsaw jong une u bnai, ki paid Israel baroh kin ïa-pynïap ïa kita ki mrad.

EKSODOS 23:15

Ha u bnai Abib, u bnai ha uba phi la mihnoh na ka ri Ijipt, rakhe ïa Ka Jingkhawai Niam U Kpu Bakhlem Thiat ha ka rukom kaba nga la hukum ïa phi. Ha ki hynñiew sngi jong kane ka Jingkhawai Niam, wat bam ïa uno uno u kpu ba la khleh thiat. Wat ju wan mane ïa nga khlem da wallam kano kano ka jingainguh.

EKSODOS 27:21

U Aaron bad ki khun shynrang jong u ki dei ban pynïeng ïa ka sharak hapoh ka Ïingjaiñ ka Jingdon Ryngkat jong nga shabar jong ka pyrda kaba don ha khmat jong ka Synduk ka Jutang. Hangta ha ka jingdon ryngkat jong nga dei ban pynmeh ïa ka naduh janmiet haduh mynstep. Ïa kane ka hukum dei ban sumar junom da ki Israel bad ki khun ki ksiew jong ki.

EKSODOS 5:1

Nangta u Moses bad u Aaron ki leit sha u Pharaoh, bad ki la ong, “U Trai, U Blei ki Israel, u ong, ‘Shah ïa ki briew jong nga ban leit, khnang ba kin ïoh pynlong ïa ka Jingkhawai Niam ha ka ri shyiap ban pyndonburom ïa nga.’ ”

ESEKIEL 46:14

Nangta ruh ar kilo u kew yn ai kum ka jingainguh man ka step, ryngkat bad shi litar ka umphniang Olib ban khleh bad u kew. Ki aiñ jong kane ka jingainguh sha U Trai kin long na ka bynta junom.

LEBITIKOS 23:6

Ha ka sngi kaba khatsan uta u bnai, ka Jingkhawai Niam U Kpu Bakhlem Thiat ka sdang; hynñiew sngi lynter phim dei ban bam ïa u kpu ba la khleh thiat.

SEKHARAÏAH 6:14

Ka pansngiat kan long ka jingpynsah kynmaw ha ka Templ jong U Trai ha ka jingñiewburom ïa u Heldai, u Tobijah, u Jedaïah, bad u Josaïah.”

JINGKHEIÑ 10:8

Ki khun shynrang u Aaron, ki lyngdoh, ki dei ban put ïa ki turoi. “Ïa kane ka aiñ harum dei ban batskhem ha ki por ban wan baroh.

JINGKHEIÑ 15:15

Pateng la pateng, kijuh ki jingbuhbeit ryntih ki teh ïa phi bad ïa ki nongwei kiba shong basah bad phi. Ma phi bad ma ki phi ïalong kumjuh ha khmat U Trai.

JINGKHEIÑ 16:40

Kane ka la long ka jingmaham ïa ki Israel ba uno uno u bym shym la hiarpateng na u Aaron um bit ban wan sha ka duwan ban thang jingiwbih ha khmat U Trai, lym kumta un shah pynjot thiaw kum u Korah bad ki nongbud jong u. Ïa kane baroh la leh kumba U Trai u la hukum ïa u Eleasar da u Moses.

JINGKHEIÑ 18:8

U Trai u ong ha u Aaron, “Da kynmaw ba nga la ai ha me ïa ki jingainguh kiba kyrpang kiba la ai ïa nga ki bym dei kiba la thang kum ki jingkñia. Nga la ai ïa ki ha me bad ha ki khun ki ksiew jong me kum ka bynta ba la ai ha me junom la junom.

MATHAÏOS 26:13

Mynta, nga pynthikna ïa phi ba hangno hangno haba yn ïalap ïa kane ka Gospel ha kylleng ka pyrthei, ïa kaei kaba ka la leh yn ïathuh ïa ka ban kynmaw ïa ka.”

LOUKAS 22:19

Nangta u la shim shi lyngkhot u kpu, bad U la ainguh ha U Blei, U la kdiah ïa u, bad U la ai ïa u ha ki, da kaba ong, “Une u long ka met jong nga, ïa kaba la ai na ka bynta jong phi. To leh ïa kane ban kynmaw ïa nga.”

DEUTERONOMI 16:1

“Burom ïa U Trai U Blei jong phi da kaba phi rakhe ïa ka Niam Ka Jinglait ha u bnai Abib, naba dei ha kawei ka miet jong uta u bnai ba u la pyllait ïa phi na Ijipt.

DEUTERONOMI 16:11

Lehkmen ha khmat U Trai ryngkat bad ki khun ki kti jong phi, ki shakri shakor jong phi, bad ki Lebi, ki nongwei, ki khunswet, bad ki riewkynthei kiba shong ha ki shnong jong phi. Leh ïa kane ha kata ka jaka mane Blei.

DEUTERONOMI 6:8

Kum ka dak ka jingpynkynmaw, teh ïa ki ha ki ksang'ti jong phi bad deng ïa ki ha ki shyllangmat jong phi.

JOSHUA 4:7

phin ïathuh ïa ki ba ka um jong ka Jordan ka la sangeh ban tuid haba ka Synduk ka Jutang U Trai ka jam ïa ka wah. Kine ki maw kin ïai pynkynmaw ïa ki paid Israel shaphang kaei kaba la jia hangne.”

1 SAMUEL 30:25

U Dabid u la buh ïa kane kum ka aiñ bad la ju bud ha Israel hadien kata.