EKSODOS 12:13 - Khasi CL Bible (BSI)

¹³ Ka snam ha ki shawkad kan long ka dak ban pyn-i ïa ki ïing ha kiba phi shong. Haba nga ïohi ïa kata ka snam, ngan ïaid lait na phi, bad ngan ym ktah ïa phi haba nga pynshitom ïa ki nong Ijipt.

KA BAIBL

¹³ Kata ka snam te kan sa long ka dak ïa phi ha ki ïing ha kiba phi don: bad haba nga ïohi ïa kata ka snam, ngan ïaid palat ïa phi, bad kata ka jingpynïap kan ym long ïa ka ban pynjot ïa phi, haba nga shoh ïap ïa ka ri Ijipt.

EKSODOS 12:13 ပူးပေါင်းရင်းမြစ်များ

JENESIS 17:11

Naduh mynta me dei ban otsher ïa u khunlung baroh haba u la dap phra sngi, kynthup ruh ïa ki mraw kiba la kha ha ki longïing longsem jong me bad ïa ki mraw kiba me la thied na ki nongwei. Kane kan pyn-i ba ka don ka jutang hapdeng jong nga bad me.

EKSODOS 12:11

Phi dei ban ïabam kyrkieh ïa ka, namar phi dei ban riam na ka bynta ban leit jingleit, lem bad ki juti ha ki kjat jong phi bad u diengduh ha ka kti jong phi. Ka dei ka Jingkhawai Niam Ka Jinglait ban pyndonburom ïa nga, U Trai.

EKSODOS 12:23

Haba U Trai u ïaid lyngba ïa ka ri Ijipt ban pynïap ïa ki nong Ijipt, un ïohi ïa ka snam ha u bim bad ha ki shawkad bad un ym shah ïa u Angel jong ka Jingïap ban rung shapoh ki ïing jong phi bad pynïap ïa phi.

EKSODOS 12:7

Ki briew ki dei ban shim khyndiat na ka snam bad tah ïa ka ha ki shawkad bad ha khlieh jingkhang jong kita ki ïing ha kiba kin ïabam ïa kita ki mrad.

ESEKIEL 9:4

“Khie ïaid lyngba ïa ka nongbah Jerusalem bad buh dak ha ka shyllangmat jong uwei pa uwei uba shem jynjar bad khuslai namar ki kiei kiei baroh kiba ijli kiba la leh ha ka nongbah.”

1 THESSALONI 1:10

bad ban ap ïa U Khun jong u ban wan na bneng — U Jisu, U Khun jong u, ïa uba u la pynmihpat na ka jingïap bad uba pyllait im ïa ngi na ka jingbitar jong U Blei ka ban sa wan.

HEBRU 11:28

Dei ka jingngeit kaba la pynlong ïa u ban pynskhem ïa ka Jingkhawai Niam Ka Jinglait, bad hukum ban synreit ïa ka snam ha ki jingkhang, ba u Angel jong ka Jingïap un ym pynïap ïa ki khun shynrang ba la kha nyngkong jong ki Israel.

JOSHUA 2:12

Mynta to smai da u ba phin lehbha ïa ka longïing jong nga kumba nga la leh ïa phi, bad ai ha nga katto katne ka dak ba nga lah ban shaniah ïa phi.

JOSHUA 2:18

Kane ka dei kaba pha dei ban leh. Haba ngi wan hiarthma ïa ka ri jong pha, teh ïa une u 'saisaw ha ka jingkhangïit na kaba pha la pynhiar shapoh ïa ngi. Lumlang ha ïing jong pha ïa la ka kmie bad u kpa, ki hynmen ki para shynrang, bad ki ba-ha-ïing ha-sem jong pha baroh.

1 ÏOANNIS 1:7

Hynrei, lada ngi ïaid ha ka jingshai — kumba ma u, u long ha ka jingshai — te ngi don ka jingïasyllok paralok hi, bad ka snam U Jisu, U Khun jong u, ka pynkhuid ïa ngi na ka pop baroh.