EKSODOS 11:8 - Khasi CL Bible (BSI)

⁸ U Moses u pynkut da kaba ong, “Ki rangbah synshar jong phi baroh kin sa wan sha nga bad dem khrup ha khmat jong nga, bad kin sa kyrpad ïa nga ban ïalam noh ïa ki briew jong nga baroh bad ban mihnoh. Hadien kata ngan sa leit.” Nangta u Moses u mihnoh na u Pharaoh da ka jingbitar bakhraw.

KA BAIBL

⁸ Te kine ki shakri jong me baroh kin ïawan hiar ha nga, bad kin ïanguh ïa nga, kin da ïa-ong, ‘To leit mih noh phi, bad une u paidbah baroh uba bud ïa me:’ hadien kata te, ngan sa mih noh.” Te u la leit mih noh na u Pharaoh ha ka jingbitar bakhraw.

EKSODOS 11:8 ပူးပေါင်းရင်းမြစ်များ

1 SYIEM 20:10

“Ngan wallam bun ki rangbah ban pynjot ïa kane ka nongbah jong me bad ban rah mar shi kham ka khyndew ha ki kti jong ki. Ai ba ki blei kin shoh ïap ïa nga lada ngam leh kumta!”

2 SYIEM 3:9

Kumta u syiem Joram bad ki syiem ka Judah bad Edom ki la ïamih. Hadien ka jingïaid kaba hynñiew sngi, ki la kyrduh um, bad ym don ei ei shuh na ka bynta ki rangbah lane na ka bynta ka kynhun ki mrad.

NEHEMAÏAH 5:6

Haba nga ïohsngew ïa ki jingujor jong ki, nga la bitar bad kut jingmut ban leh ei ei.

SALM 6:1

A Trai, wat bitar bad dumok ïa nga! wat pynshitom ïa nga ha ka jingbitar jong me!

EKSODOS 10:29

“Ka dei kaba phi ong,” U Moses u jubab. “Phin ym ïohi shuh ïa nga lano lano.”

ISAÏAH 49:23

Ki syiem kin long kum ki kpa ïa pha; ki mahadei kum ki kmie. Kin dem khrup ha khmat jong pha bad kin burom ïa pha; da kaba pynrit kin pyn-i burom ïa pha. Te phan tip ba nga long U Trai; uba ap ïa ka jingïarap jong nga un ym duh jingkyrmen.”

ISAÏAH 49:26

Ngan pynlong ïa kiba banbeiñ ïa pha ban ïa-pynïap para ma ki; kin shu buaid ha kaba pynïap briew bad ha ka jingbitar. Nangta u bynriew baroh un tip ba nga long U Trai, uta uba pynim ïa pha bad uba pyllaitluid ïa pha. Kin tip ba nga long U Blei bakhlaiñbor jong ki Israel.”

ESEKIEL 3:14

Ka bor jong U Trai ka la wan ha nga da ka borbah, bad katba U Mynsiem jong u, u rah noh ïa nga, nga la sngewkthang bad sngewbitar.

DANIEL 3:19

Te u Nebukhadnessar u la bitar, bad ka durkhmat jong u ka la kiew sawlep da ka jingbitar ïa u Shadrakh, u Meshakh, bad u Abednego. Kumta u la hukum ïa ki rangbah jong u ban pynkhluit ïa ka lawar ding hynñiew shah ban ïa kaba mynshuwa.

JINGKHEIÑ 12:3

(U Moses u long u briew uba sngewrit; uba kham sngewrit ban ïa uno uno u briew ha ka pyrthei.)

MARKOS 3:5

U Jisu u la bitar katba u la peit sawdong ïa ki, hynrei ha ka kajuh ka por u la sngewsih na ka bynta jong ki, namar ba ki eh mynsiem bad leh bymdei. Te u la ong ha uta u briew, “Rah ïa la ka kti.” U la rah ïa ka, bad ka la khiah bha pat.

DEUTERONOMI 29:24

Te ka pyrthei baroh kawei kan sa kylli, ‘Balei keiñ U Trai u la leh haduh katne ïa ka ri jong ki? Na ka daw aïu mo ba u bitar shla haduh katne?’

DEUTERONOMI 32:24

Kin ïap na ka jingthngan bad ka jingpang shit; kin ïap na ki jingpang kiba ishyrkhei. Te ngan phah ki mradkhlaw ban kynrup ïa ki, bad ki bseiñ kiba don bih ban puh ïa ki.

HEBRU 11:27

Dei ka jingngeit kaba la pynlong ïa u Moses ban mihnoh na ka ri Ijipt khlem da sheptieng ïa ka jingbitar u Pharaoh. Ka la long kumba u la ïohi ïa U Blei u bym lah ban ïohi, u la kyntait ban phai dien.

JINGPYNPAW 3:9

Shahshkor! Na ka bynta kato ka kynhun kaba dei ka jong u Soitan, kito kiba lamler kiba kam ba ki dei ki Jiw hynrei kim dei, ngan pynlong ïa ki ban wan bad dem khrup ha ki kjat jong pha. Baroh kin tip ba nga ieit ïa pha.

NONGBISHAR 4:10

U Barak u la khot ïa ki jait Sebulun bad Naphtali sha Kedesh, bad shiphew hajar ngut ki rangbah ki la bud ïa u. Ka Deborah ka la leit bad u.

NONGBISHAR 8:5

Haba ki poi ha Sukkoth, u ong ha ki rangbah jong kata ka nongrit, “Sngewbha ai ïa ki rangbah jong nga katto katne ki kpu. Ki la thait ïan, bad nga dang beh ïa u Sebah bad u Salmunna, ki syiem Midian.”