EKSODOS 11:6 - Khasi CL Bible (BSI)

⁶ Kan don ka jinglynñiar kaba jam ha kylleng ka ri Ijipt, ka bym pat ju don mynno mynno kaba kum kata lane ka ban ym don shuh lano lano.

KA BAIBL

⁶ Kan sa long te ka jinglynñiar bakhraw ha ka ri Ijipt baroh kawei, kat kata ym pat ju don, lymne kat kata ruh yn ym long shuh.

EKSODOS 11:6 ပူးပေါင်းရင်းမြစ်များ

EKSODOS 11:7

Hynrei wat u ksew ruh un ym wiar ïa ki Israel lane ïa ki jingri jingdup jong ki. Te men tip ba nga U Trai nga pynïapher hapdeng ki nong Ijipt bad ki Israel.’ ”

EKSODOS 12:30

Ha kata ka miet, la pynkyndit ïa u Pharaoh, ïa ki rangbah synshar jong u, bad ïa baroh ki nong Ijipt. Ka jinglynñiar kaba jam ka la don ha kylleng ka ri Ijipt, namar ym shym don kawei ruh ka ïing kaba ym don u khun uba khlem ïap.

EKSODOS 3:7

Nangta U Trai u ong, “Nga la ïohi haduh katno la pynshitom beiñ ïa ki briew jong nga ha Ijipt; nga la ïohsngew ruh ba ki ud ban ïohlait noh na ki nongpyntrei mraw jong ki. Nga tip ïa ki jingshah shitom jong ki baroh,

EKSODOS 9:18

Lashai hamar kane ka por, ngan pynhap da u phria uba jur, uba kat uta ka ri Ijipt kam pat ju tip mynno mynno ha ka histori jong ka.

PROBERB 21:13

Lada phi kyntait ban shahshkor ïa ka jingud kiba duk, ïa ka jingkyang jingïarap jong phi hi yn ym don ba ïohsngew.

ISAÏAH 15:8

Ha kylleng ki pud jong ka Moab la ïohsngew ïa ka jingkyang. La ïohsngew ha ki shnong jong ka Eglaim bad Beerelim.

ISAÏAH 19:16

Ka por ka wan haba ki briew jong ka Ijipt kin long kiba khawpud kum ki kynthei. Kin khynñiuh ha ka jingsngewtriem haba ki ïohi ba U Trai Badonbor Baroh u la kner ïa la ka kti ban pynshitom ïa ki.

JEREMAÏAH 31:15

U Trai u ong, “La ïohsngew ïa ka jingsawa ha Ramah, ka jingsawa jong ka jingïam kthang. Ka Rakhel ka ïam namar ki khun jong ka; ki la ïap noh, bad kam treh ba yn pyntngen ïa ka.

SNGEWSYNEI 3:8

Nga kyang jam ban ïoh jingïarap, hynrei U Blei u kyntait ban shahshkor;

AMOS 5:17

Yn don ka jinglynñiar ha ki bri sohwaiñ baroh. Baroh kane kan jia namar ba nga wan ban pynshitom ïa phi.” U Trai u la kren.

SEPHANAÏAH 1:10

“Ha kata ka sngi,” ong U Trai, “phin ïohsngew ïa ka jingsawa ka jingïam ha ka Khyrdop Dohkha ha Jerusalem. Phin ïohsngew ka jingud ha ka bynta bathymmai jong ka nongbah bad ka jingsawa bajam jong ka jingkhyllem ha ki lumrit.

LOUKAS 13:28

A katno phin ïam bad kyr-iat ïa la ki bniat haba phi ïohi ïa u Abraham, u Isaak, bad u Jakob, bad baroh ki nongïathuhlypa ha ka Hima U Blei, katba ïa phi la bret noh shabar!