EKSODOS 11:3 - Khasi CL Bible (BSI)

³ U Trai u pynlong ïa ki nong Ijipt ba kin sngewburom ïa ki Israel. Shisha, ki rangbah synshar bad ki briew baroh ki ñiew ba u Moses u dei u briew uba khraw katta katta.

KA BAIBL

³ U Trai ruh u la ai ha uta u paidbah ka jingsngewbha ha khmat ki Ijipt. U Moses ruh u la long u briew bakhraw eh ha ka ri Ijipt, ha khmat ki shakri u Pharaoh, bad ha khmat ki briew baroh.

EKSODOS 11:3 ပူးပေါင်းရင်းမြစ်များ

JENESIS 12:2

Ngan ai ïa me bun ki khun ki ksiew, bad kin sa long ka jaitbynriew kaba khraw. Ngan kyrkhu ïa me bad ngan pyndonnam ïa ka kyrteng jong me, ba kumta men sa long ka jingkyrkhu.

JENESIS 39:21

Hynrei U Trai u don ryngkat lem bad u Joseph bad kyrkhu ïa u, ba kumta u nongap byndi u la sngewbha eh ïa u.

2 SAMUEL 7:9

Nga la don ryngkat bad me kat shaba me leit, bad nga la jop ïa ki nongshun jong me baroh katba me nang ïaid shaphrang. Ngan pynlong ïa me uba pawnam kat ki nongïalam kiba khraw tam ha ka pyrthei.

ESTHER 9:4

Ka long kaba la tip ha kylleng sawdong ka hima ba u Mordekai u long mynta u briew uba donbor ha ka ïingsyiem bad u nang khrawbor.

SALM 106:46

U la pynlong ïa baroh ki nongbanbeiñ jong ki ban sngewsynei ïa ki.

EKSODOS 12:35

Ki Israel ki la leh kumba u Moses u la lah ong; bad ki la pan na ki nong Ijipt ïa ki jingdeng ksiar bad ki jingdeng rupa, bad ïa ki jaiñkup jaiñsem de.

EKSODOS 12:36

U Trai u pynlong ïa ki nong Ijipt ba kin ñiewburom ïa ki Israel bad ba kin ai kat ïa kaba ki pan. Dei da kumne ba ki Israel ki rah noh ïa ka spah ki nong Ijipt.

EKSODOS 3:21

“Ngan pynlong ruh ïa ki nong Ijipt ba kin sngewburom ïa phi khnang ba ynda ki briew jong nga kin mih, kin ym mihnoh thylli.

ISAÏAH 60:14

Ki khun shynrang jong kito kiba la banbeiñ ïa pha kin sa wan ban dem khrup ban burom ïa pha. Baroh kito kiba la ju ibeiñ ïa pha kin dem ngon ha ki kjat jong pha. Kin khot ïa pha, ‘Ka Nongbah U Trai,’ ‘Ka Seïon, ka nongbah U Blei U Bakhuid ki Israel.’

KI KAM 7:22

La hikai ïa u ha ka jingstad baroh jong ki nong Ijipt bad u la long u briew uba khraw ha ki ktien bad ki kam.

DEUTERONOMI 34:10

Ym pat ju don u nongïathuhlypa ha Israel uba kum u Moses; U Trai u ïakren bad u markhmat.

DEUTERONOMI 34:11

Ym don uwei pat u nongïathuhlypa uba la leh ïa ki kambah bad ki kamphylla kum kito kiba U Trai u la phah ïa u Moses ban leh ha u syiem ka Ijipt, ha ki rangbah synshar jong u, bad ha ka ri hi baroh kawei.

JOSHUA 4:14

Kaei kaba U Trai u la leh ha kata ka sngi, ka la pynlong ïa ki paid Israel ban ñiew ïa u Joshua u riewkhraw. Ki burom ïa u shi lynter ka jingim jong u, kumba ki la burom ïa u Moses.

JINGPYNPAW 3:9

Shahshkor! Na ka bynta kato ka kynhun kaba dei ka jong u Soitan, kito kiba lamler kiba kam ba ki dei ki Jiw hynrei kim dei, ngan pynlong ïa ki ban wan bad dem khrup ha ki kjat jong pha. Baroh kin tip ba nga ieit ïa pha.