EKSODOS 11:10 - Khasi CL Bible (BSI)

¹⁰ U Moses bad u Aaron ki la leh ïa kine ki kambah baroh ha khmat u Pharaoh, hynrei U Trai u la pynmutlop ïa u, bad um shym la shah ïa ki Israel ban mihnoh na ka ri jong u.

KA BAIBL

¹⁰ U Moses ruh bad u Aaron ki la leh ïa kine ki dak khyllah baroh ha khmat u Pharaoh: te U Trai u la pyneh ïa ka dohnud u Pharaoh, ba kumta un ym pyllait noh ïa ki khun Israel na ka ri jong u.

EKSODOS 11:10 ပူးပေါင်းရင်းမြစ်များ

Ka Kitab U Job 9:4

U Blei u long uba stad bad uba donbor katta katta; ym don u briew uba lah ban ïeng pyrshah ïa u.

EKSODOS 10:20

Hynrei U Trai u pynmutlop ïa u Pharaoh, bad kumta um shym pyllait ïa ki Israel ban leit.

EKSODOS 10:27

U Trai u la pynmutlop ïa u Pharaoh, bad um shym la shah ïa ki ban leit.

EKSODOS 12:1

U Trai u kren ha u Moses bad u Aaron ha Ijipt:

EKSODOS 3:19

Nga tip ba u Pharaoh un ym shah ïa phi ban leit lymda la pynbor ïa u ban leh kumta.

EKSODOS 4:21

U Trai u la ong biang ha u Moses, “Mynta ba me leit phai sha Ijipt, da kynmaw ban leh ha khmat u Pharaoh ïa ki kambah baroh kiba nga la ai ha me ïa ka bor ban leh. Hynrei ngan pynmutlop ïa u Pharaoh, bad un ym shah ïa u paidbah ban leit.

EKSODOS 7:3

Hynrei ngan pynmutlop ïa u Pharaoh, bad un ym shahshkor ïa me, kam pher katno kiei kiei kiba shyrkhei ba nga leh ha ka ri Ijipt. Nangta ngan wallam ka jingpynshitom kaba tyngeh ha ka Ijipt bad ngan ïalam ïa ki jait jong ki briew jong nga na ka ri Ijipt.

EKSODOS 9:12

Hynrei U Trai u la pynmutlop ïa u Pharaoh bad, kumba u la lah ong, u Pharaoh um shym shahshkor ïa u Moses bad u Aaron.

ISAÏAH 63:17

Balei me shah ba ngin sakma na ki lynti jong me? Balei ba me pynlong mutlop ïa ngi ba ngin phai lyndet na me? To wan phai noh, na ka bynta kito kiba shakri ïa me, na ka bynta u paidlang uba la ju long u jong me.

ÏOANNIS 12:40

“U Blei u la pynmatlah ïa ki khmat jong ki bad u la khang khyrdep ïa ki jingmut jong ki, ba ki khmat jong ki kin ym ïohi, bad ba ki jingmut jong ki kin ym shemphang, bad kin ym phai sha nga, ong U Blei, ïa nga ba ngan pynkhiah ïa ki.”

Ka Shithi U Paul Sha Ki Nong Rom 9:18

Kumta te, U Blei u isynei ïa uno uno uba u kwah, bad u pyneh dohnud ïa uno uno uba u kwah.

Ka Shithi U Paul Sha Ki Nong Rom 9:22

Bad kane ka long kumjuh ïa kaei kaba U Blei u la leh. U la kwah ban pynpaw ïa ka jingbitar jong u bad ban pynpaw ïa ka bor jong u. Hynrei u la long uba ïaishah haduh katta katta ïa kito kiba long ka daw jong ka jingbitar jong u, kiba la don ha ka lynti sha ka jingshah pynjot.

DEUTERONOMI 2:30

“Hynrei u syiem Sihon um shah ïa ngi ban ïaid lynti na ka ri jong u. Naba U Trai U Blei jong phi u la pyneh ïa ka mynsiem jong u bad u la pynlong mutlop ïa u, khnang ba ngin ïoh jop bad shim ïa ri jong u ïa kaba ngi dang bat haduh mynta.

JOSHUA 11:20

U Trai u la pynlong ïa ki ban kut jingmut ban ïaleh ïa ki Israel, ba kumta kin shah pynrem sha ka jingpynjot thiaw bad ba baroh kin shah pynïap khlem ka jingisynei. Kane ka long kaba U Trai u la hukum ïa u Moses.

1 SAMUEL 6:6

Balei phin pyneh ïa la ki dohnud kumba leh u Pharaoh bad ki nong Ijipt? Wat klet kumno U Blei u la pynlong ki bieit ïa ki haduh ba kin da shah ïa ki Israel ban mihnoh na Ijipt.