EKSODOS 10:9 - Khasi CL Bible (BSI)

⁹ U Moses u la jubab, “Ngin ïaleit lut baroh, kynthup ki khun jong ngi haduh ki tymmen jong ngi. Ngin ïalam ïa ki khun shynrang bad ki khun kynthei jong ngi, lem bad ki langbrot bad ki blang, bad ki masi jong ngi, namar ngi dei ban pynlong ka jingkhawai ban pyndonburom ïa U Trai.”

KA BAIBL

⁹ Te u Moses u la ïathuh, “Ngin ïaleit bad ki samla bad ki tymmen jong ngi, lem bad ki khun jong ngi ruh shynrang bad kynthei, lem bad ki langbrot bad ki masi jong ngi ruh de ngin leit; naba ngi donkam ban rakhe Ka Jingkhawai Niam ïa U Trai.”

EKSODOS 10:9 ပူးပေါင်းရင်းမြစ်များ

JENESIS 50:8

Ki ba-ha-ïing ha-sem jong u, ki hynmen ki para jong u, bad ki ba-ha-ïing ha-sem baroh jong u kpa jong u, ki ïaleit ryngkat bad u. Kiba sah ha Goshen ki long tang ki khun rit, bad ki langbrot, ki blang, bad kiwei kiwei de ki jingri jong ki.

EKSODOS 10:10

U Pharaoh u ong, “Nga smai da U Trai ba lano lano ruh ngan ym shah ïa phi ban ïalam ïa ki kynthei bad ïa ki khun jong phi! Ka paw shai mynta ba phi don ka jingïasylla ban ïeng ïaleh pyrshah.

EKSODOS 10:26

Em, ngin ïalam ïa ki mrad jong ngi lem bad ngi; yn ym don kawei ruh ïa ka ban iehnoh shadien. Ngin sa jied hi ïa ki mrad da kiba ngin mane ïa U Trai U Blei jong ngi. Bad katba ngim pat poi hangta, ngin ym tip ki jingri kiba kumno ngin kñia ha u.”

EKSODOS 12:32

Ïalam ïa la ki langbrot, ki blang, bad ki masi, bad khie mihnoh. Duwai ruh na ka bynta ka jingkyrkhu halor jong nga.”

EKSODOS 12:37

Ki Israel ki mihnoh bad ki ïaid da ka kjat na Rameses haduh Sukkoth. Ki ïadon baroh kumba hynriew lakh ngut ki rangbah, nalor ki kynthei bad ki khynnah.

EKSODOS 12:38

Kiwei ki briew ruh kiba bun lem bad ki langbrot, ki blang, bad ki masi, ki leit ryngkat bad ki.

EKSODOS 13:6

Hynñiew sngi lynter phin ïabam ïa u kpu bakhlem thiat, bad ha ka sngi kaba hynñiew phin pynlong ïa ka Jingkhawai Niam ban pyndonburom ïa U Trai.

EKSODOS 3:18

“Ki briew jong nga kin shahshkor ïa kaei kaba me ong ha ki. Nangta me dei ban leit bad ki nongïalam jong ki Israel sha u Pharaoh bad ong ha u, ‘U Trai, U Blei jong ki Hebru, u la pynpaw ïa lade ha ngi. Mynta shah ïa ngi ban leit lai sngi lynti sha ka ri shyiap ban ai jingkñia ha U Trai, U Blei jong ngi.’

EKSODOS 5:1

Nangta u Moses bad u Aaron ki leit sha u Pharaoh, bad ki la ong, “U Trai, U Blei ki Israel, u ong, ‘Shah ïa ki briew jong nga ban leit, khnang ba kin ïoh pynlong ïa ka Jingkhawai Niam ha ka ri shyiap ban pyndonburom ïa nga.’ ”

EKSODOS 5:3

U Moses bad u Aaron ki la jubab, “U Blei jong ki Hebru u la pynpaw ïa lade ha ngi. Shah ïa ngi ban leit lai sngi sha ka ri shyiap ban ai jingkñia ha U Trai uba U Blei jong ngi. Lada ngim leh kumta, un sa pynïap ïa ngi da ka jingpang lane da ka thma.”

PROBERB 3:9

To burom ïa U Trai da kaba ai ha u ka jingainguh da kiei kiei kiba bha tam ba ka lyngkha jong phi ka pynmih.

EKLESIASTIS 12:1

Kumta to kynmaw ïa la U Nongthaw katba phi dang samla ha shuwa ka jingwan kito ki sngi bad ki snem ba-dum ha kaba phin ong, “ngam sngewtynnat ïa ka jingim.”

JINGKHEIÑ 29:12

Ïalumlang ban mane Blei ha ka sngi kaba khatsan jong u bnai uba hynñiew. Rakhe ïa kane ka Jingkhawai Niam ha kaba ai burom ïa U Trai hynñiew sngi lynter, bad wat trei kano kano ka kam.

EPHESOS 6:4

Phi ruh ki kmie ki kpa, wat leh ïa la ki khun ha kata ka rukom ban pynbitar ïa ki, pynban to pynheh pynsan ïa ki ha ka jingsneng bad jinghikai ba kynja mynsiem.

JOSHUA 24:15

Te lada phim mon ban shakri ïa u, jied ha kane hi ka sngi ïano phin shakri, ïa ki blei ba ki kpa tymmen jong phi ki la mane ha Mesopotamia, ne ïa ki blei jong ki Amor, kiba ha ka ri jong ki phi shong phi sah mynta. Hynrei ma nga bad ka ïing jong nga, ngin shakri ïa U Trai.”