EKSODOS 10:7 - Khasi CL Bible (BSI)

⁷ Ki rangbah synshar jong u Pharaoh ki la ong ha u, “Sa katno te une u briew un pynjynjar ïa ngi? Pyllait noh ïa ki Israel, khnang ba kin ïoh mane ïa U Trai U Blei jong ki. Hato phim pat sngewthuh ba ka Ijipt ka la jot?”

KA BAIBL

⁷ Te ki shakri u Pharaoh ki la ïa-ong ha u, “Slem katno une u briew un long ka jingriam ïa ngi? To pyllait noh ïa kita ki briew, ba kin ïoh shakri ïa U Trai U Blei jong ki: balei mem pat tip ba la pynjot ïa ka ri Ijipt?”

EKSODOS 10:7 ပူးပေါင်းရင်းမြစ်များ

SALM 107:34

U pynlong ïa ka khyndew basboh ban kylla ri khlaw mluh namar ka jingbymman jong kito kiba shong hangta.

EKSODOS 12:33

Kita ki nong Ijipt ki la kyrpad jur ïa ki Israel ban pynstet bad mihnoh na kata ka ri. “Ngin sa ïap lut lada phim leit noh,” ki ong.

EKSODOS 23:33

Wat shah ba kita ki briew kin shong kin sah ha ka ri jong phi; lada phi leh kumta, kin pynlong ïa phi ban leh pop pyrshah ïa nga. Lada phi mane ïa ki blei jong ki, kan long ka jingriam ka ban pynïap duh ïa phi.”

EKSODOS 7:5

Te ki nong Ijipt kin tip ba nga long U Trai, haba nga rah ïa la ka kti pyrshah ïa ki bad ïalam noh ïa ki Israel na ka ri jong ki.”

EKSODOS 8:19

Te kita ki nongleh myntor ki ong ha u Pharaoh, “U Blei u la leh ïa kane.” Hynrei u Pharaoh u dang mutlop bad kumba U Trai u la lah ong, um shym la shahshkor ïa u Moses bad u Aaron.

PROBERB 29:6

Ki briew basniew ki ngat ha la ki jong ki pop, katba ki briew bahok ki kmen bad ki laitluid.

EKLESIASTIS 7:26

Nga la shem ïa kaei kaei kaba kham kthang ban ïa ka jingïap — ka kynthei kaba long kum ka jingriam. Ka jingieit ba ka ai ïa phi kan kem ïa phi kum ka jar, bad ki kti jong ka sawdong jong phi kin bat ïa phi kum u kynjri. U briew uba pynsngewbha ïa U Blei u lah ban lait, hynrei kan kem ïa u nongpop.

ISAÏAH 14:20

Namar me la pynjot pynpra ïa ka ri, bad pynïap ïa la ki briew, ïa me yn ym tep kum ïa kiwei pat ki syiem. Ym don mano mano na ka longïing basniew jong me ban lait im.

ISAÏAH 51:9

A Trai to khie bad ïarap ïa ngi! Pyndonkam ïa la ka bor bad pynim ïa ngi; pyndonkam ïa ka kum ha ka por mynbarim. Dei ma me uba la ot lyngkhot lyngkhai ïa u Rahab u mrad duriaw bakynsha.

JEREMAÏAH 48:4

“Ïa ka Moab la pynjot; ha sngap ïa ki khynnah ba ki ïam.

JEREMAÏAH 51:8

Ka Babilonia kynsan kynsan ka kyllon bad la pynjot noh! To ïam namar jong ka! Pynïoh dawai na ka bynta ki jingmong jong ka, bad lehse yn lah ban pynkhiah.

SEPHANAÏAH 1:18

Ha ka sngi haba U Trai un pyn-i ïa ka jingbitar shla jong u, wat ka rupa bad ka ksiar jong ki baroh kan ym lah ban pynim ïa ki. Ïa ka pyrthei baroh kawei yn pynjot da ka ding ka jingbitar jong u. Un pynkut — ka jingkut kaba kynsan — ïa uwei pa uwei uba im ha ka pyrthei.

1 KORINTH 7:35

Nga ong ïa kane namar nga kwah ban ïarap ïa phi. Ngam shym pyrshang ban buh ha phi ïa ki jingpyrkhing. Pynban, nga kwah ïa phi ban leh ïa kaei kaba dei bad kaba biang, bad ban aiti lut ïa lade ha ka kam U Trai khlem kano kano ka jingteh.

JOSHUA 23:13

to tip skhem ba U Trai U Blei jong phi un ym beh shuh ïa kine ki jaitbynriew na khmat jong phi katba phi nang ïaid sha khmat. Pynban, kin long ka jingmynsaw ïa phi kum ka shangkhawiah lane ka thliew bad kaba pang shikatdei eh kum ka jingsympat ha ka ingdong jong phi lane ki shiah ha ki khmat jong phi. Bad kane kan neh tad haduh ba ym don shuh uwei ruh napdeng jong phi uba dang lait im ha kane ka ri kaba bha ïa kaba U Trai U Blei jong phi u la ai ha phi.

1 SAMUEL 18:21

U ong ha lade, “Ngan ai ïa ka Mikhal ha u Dabid: ngan pyndonkam ïa ka ban riam ïa u, bad un sa shah pynïap ha ki Philistia.” Kumta ha ka sien kaba ar u Saul u ong ha u Dabid, “Men sa long u pyrsa kurim jong nga.”

1 SAMUEL 5:11

Kumta sa shisien pat ki khot lang ïa ki syiem Philistia baroh bad ki ong, “Pynphai noh ïa kane ka Synduk ka Jutang jong U Blei ki Israel sha ka jaka jong ka, ba kumta kan ym pynïap ïa ngi bad ïa ki longïing jong ngi.” La don ka jingkulmar baroh kawei ka nongbah namar ba U Blei u la pynshitom jur ïa ki.