EKSODOS 10:3 - Khasi CL Bible (BSI)

³ Kumta u Moses bad u Aaron ki leit sha u Pharaoh, bad ki ong ha u, “U Trai, U Blei jong ki Hebru, u ong, ‘Sa katno te men kyntait ban pyndem ha nga? Pyllait ïa ki briew jong nga ba kin ïoh mane ïa nga.

KA BAIBL

³ Te u Moses bad u Aaron ki la ïawan ha u Pharaoh, bad ki la ong ha u, “Kumne u ong U Trai U Blei jong ki Hebru, ‘Slem katno ba men ym kohnguh ban pynrit ïa lade ha khmat jong nga? to pyllait noh ïa u paidbah jong nga, ba kin ïoh shakri ïa nga.

EKSODOS 10:3 ပူးပေါင်းရင်းမြစ်များ

1 SYIEM 18:21

U Elijah u leit sha u paidbah bad ong, “Sa katno slem ba phin pynbeit ïa ki jingmut jong phi? Lada U Trai u dei U Blei, mane ïa u; hynrei lada u Baal u dei U Blei, mane ïa u!” Hynrei u paidbah u la shu sngap jar.

1 SYIEM 21:29

“Me la ïohi ne em kumno u Ahab u la pynrit ïa lade ha khmat jong nga? Namar ba u la leh kumne, ngan ym pynjot ïa u katba u dang im; kan long ha ka pateng u khun jong u, ba ngan wallam ka jingjot ha ka longïing jong u Ahab.”

2 SYIEM 22:19

bad kylla-kaba-mut bad pynrit ïa lade ha khmat jong nga, kad ïa ki jaiñ jong phi bad ïam, haba phi ïohsngew kumno nga byrngem ban pynshitom ïa ka Jerusalem bad ki briew jong ka. Ngan pynlong ïa ka kaba ishyrkhei ban peit, ka jaka ha kaba ïa ka kyrteng jong ka, ki briew kin pyndonkam kum ka jingtim. Hynrei nga la ïohsngew ïa ka jingduwai jong phi,

2 KHRONIKL 33:12

Ha ka jingshitom jong u, u la pynrit ïa lade, u phai sha U Trai U Blei jong u, bad u kyrpad ïa ka jingïarap jong u.

2 KHRONIKL 33:19

Ka jingduwai u syiem bad ka jingjubab U Blei ïa ka, bad ka jingthoh shaphang ki pop kiba u la leh ha shuwa ba un kylla-kaba-mut — ka jingsniew kaba u la leh, ki jaka mane blei thala bad ki durblei jong ka blei Asherah kaba u la thaw bad ki bleithaw kiba u la mane — baroh la buh jingthoh ha Ka Histori jong ki Nongïathuhlypa.

2 KHRONIKL 34:27

bad to kylla-kaba-mut bad pynrit ïa lade ha khmat jong nga, da kaba kad ïa la ki jaiñ bad da kaba ïam, haba me ïohsngew kumno nga la byrngem ban pynshitom ïa ka Jerusalem bad ïa ki briew jong ka.

2 KHRONIKL 7:14

lada ki duwai sha nga bad ki kylla-kaba-mut bad phai noh na ki kam bymman ba ki leh, te ngan shahshkor ïa ki na bneng, ngan map ïa ki pop jong ki, bad ngan pynmanbha biang ïa ka ri jong ki.

Ka Kitab U Job 42:6

Kumta nga la sngewlehrain ïa baroh kaba nga la ong bad nga kylla-kaba-mut ha u pui pui bad u dpei.

EKSODOS 10:4

Lada me dang ïai kyntait, te ngan wallam ïa ki puit ha ka ri jong me.

EKSODOS 16:28

Nangta U Trai u ong ha u Moses, “Sa katno shuh phi ki briew phin dang kyntait ban kohnguh ïa ki hukum jong nga?

EKSODOS 4:23

Nga la ong ïa me ban shah ïa u khun jong nga ban leit, khnang ba un ïoh mane ïa nga, hynrei me la kyntait. Mynta te ngan pynïap ïa u khun nyngkong jong me.’ ”

EKSODOS 5:1

Nangta u Moses bad u Aaron ki leit sha u Pharaoh, bad ki la ong, “U Trai, U Blei ki Israel, u ong, ‘Shah ïa ki briew jong nga ban leit, khnang ba kin ïoh pynlong ïa ka Jingkhawai Niam ha ka ri shyiap ban pyndonburom ïa nga.’ ”

EKSODOS 9:17

Pynban me dang sngew hangamei, bad me kyntait ban pyllait ïa ki briew jong nga.

PROBERB 1:22

“A, phi ki briew kiba bieit! Slem katno keiñ phi dang kwah ban sah bieit? Sa katno keiñ phin dang kmen ha kaba krenbeiñ ïa ka jingtip? Hato phim kwah ban ïoh jinghikai?

PROBERB 1:24

Nga ïai pyrta ïa phi, nga da khot sngewbha ba phin wan, hynrei phim sngap. Phim shahshkor satia ïa nga.

PROBERB 18:12

Ym don uno uno uba ïoh burom lymda u long uba sngewrit; ki briew kiba meng ki don ha ka lynti sha ka jingjot.

ISAÏAH 1:5

Balei phi ïai ïeng ïaleh pyrshah ïa u? Hato phi kwah ban shah pynshitom kham palat shuh shuh? Ko Israel, ka khlieh jong phi ka la shah tap lypa da ki jingmong, bad ka dohnud bad jingpyrkhat jong phi ki pang.

ISAÏAH 2:11

Ka sngi kan wan ha kaba yn pynkut ïa ka jingsarong ba kynja briew bad yn pynjot thiaw ïa ka jinglehmeng ba kynja briew. Nangta tang ïa U Trai hi yn kyntiew burom.

JEREMAÏAH 13:10

Kine ki briew basniew ki la kyntait ban kohnguh ïa nga. Ki la long kiba mutlop bad bymman kumba ki la ju long, bad ki la mane bad shakri ïa kiwei ki blei. Kumta te, ki la long kum kine ki patlun lyngkot ki bym long shuh ban pyndonkam.

JEREMAÏAH 13:18

U Trai u la ong ha nga, “To ïathuh ïa u syiem bad ïa ka kmie jong u ban wan hiar na ki khet jong ki, namar ba ki pansngiat ba-itynnat jong ki, ki la hap noh na ki khlieh jong ki.

JEREMAÏAH 50:29

“To ong ïa ki nongsiatkhnam ban tur ïaleh ïa ka Babilon. Phah ïa baroh kiba nang ban pyndonkam ïa ka ryntieh bad ïa u khnam. Kerkut ïa ka nongbah bad wat ai ba yn don ba lait phet. Siew kylliang pat ïa kiei kiei baroh ba ka la leh, bad leh ïa ka kumba ka la leh ïa kiwei, namar ba ka la leh da ka jingsarong pyrshah ïa nga, U Bakhuid ki Israel.

ESEKIEL 5:6

Hynrei ka Jerusalem ka la ïaleh pyrshah ïa ki hukum jong nga, ka da pynpaw ba ka long kaba kham sniew ban ïa kiwei pat ki ri, ka la long bymkohnguh kham palat ïa ki ri kiba don sawdong jong ka. Ka Jerusalem ka la kyntait ïa ki hukum jong nga bad kam kohnguh satia ïa ki aiñ jong nga.

DANIEL 5:22

“Hynrei ma phi, u khun jong u, phim shym la pynrit ïa lade, wat la phi la tip ïa kane baroh.

JINGKHEIÑ 14:27

“Slem sa katno ba kine ki riewbymman kin khñium pyrshah ïa nga? Nga la ïohsngew shibun ïa kine ki jingkhñium!

Ka Shithi U Paul Sha Ki Nong Rom 2:4

Lane lehse phi ibeiñ ïa ka jingsbun bakhraw jong u, ka jingshah laitluid, bad ka jingïaishah. Da shisha phi tip ba U Blei u long uba sbun, namar u pyrshang ban ïalam ïa phi ban kylla-kaba-mut.

HEBRU 12:25

Te, to sumar bad wat kyntait ban shahshkor ïa uta uba kren. Kita kiba kyntait ïa uta uba ïathuh ïa ka khubor ba kynja bneng ha pyrthei kim shym lait im. Sa katno tam ma ngi, ngin ïohlait im, te, lada ngi phai noh na uta uba kren na bneng.

JAKOB 4:10

To phin pynrit ïa lade ha khmat U Trai, bad un pynkhraw ïa phi.

1 PETROS 5:6

To phin pynrit ïa lade, namarkata, hapoh ka kti badonbor U Blei, khnang ba un ïoh kyntiew ïa phi shajrong ha ka por kaba biang jong u hi.