EKSODOS 10:22 - Khasi CL Bible (BSI)

²² U Moses u rah ïa la ka kti shajrong, bad kumta ka ri Ijipt baroh kawei ka la dum ngaiñ lai sngi lynter.

KA BAIBL

²² Bad u Moses u la rah ïa la ka kti sha bneng; te ka la long ka jingdum tliw tliw lai sngi ha ka ri Ijipt baroh;

EKSODOS 10:22 ပူးပေါင်းရင်းမြစ်များ

SALM 105:28

U Blei u la phah ïa ka jingdum ha ka ri, hynrei ki nong Ijipt kim shym la kohnguh ïa ka hukum jong u.

EKSODOS 20:21

Hynrei ki paidbah ki dang ïeng hi sha jngai, bad tang u Moses uba la leit sha jan u lyoh uba rben ha uba U Blei u don.

ISAÏAH 8:22

lane peit shlip ha ka khyndew, pynban kin ym ïohi ei ei hynrei ka jingjynjar bad ka jingdum, ka jingdum kaba pyntriem sha kaba la beh ïa ki.

ESEKIEL 32:7

Ynda nga pynjot ïa me, ngan tap ïa ka sahit bneng bad pyndum ïa ki khlur. Ka sngi kan buhrieh sha lyndet ki lyoh, bad u bnai un ym ai jingshai.

ESEKIEL 32:8

Ngan pynlip ïa baroh ki jingshai jong ka bneng, bad ngan pyndum ngaiñ ïa ka pyrthei jong me ha ka jingdum, ma nga, U Trai Nongsynshar nga la kren.

JOEL 2:2

Kan sa long ka sngi kaba dum bad kaba pynlong jingkhuslai, ka sngi kaba ïong bad ba-dum lyoh. Ka kynhun bakhraw jong ki puit ka tur kum ka jingdum kaba pyiar halor ki lumbah. Ym ju don mynno mynno ruh kum kane, bad yn ym don shuh lano lano ruh.

JOEL 2:31

Ïa ka sngi yn pyndum, bad u bnai un kylla saw kum ka snam shuwa kata ka sngi bakhraw bad bashyrkhei jong U Trai kan wan.

AMOS 4:13

U Blei u long uta uba la thaw ïa ki lumbah bad uba pynlong ïa ki lyer. U pynpaw ïa la ki jingmut ha u briew; u pynkylla ïa ka sngi sha ka miet. U ïaid ha kiba kynjang jong ka pyrthei. Kane ka long ka kyrteng jong u: U Trai U Blei Badonbor Baroh!

AMOS 4:7

Nga la khang ïa u slap haba ki jingthung ki dang donkam eh ïa u. Nga la pynhap slap ha kawei ka nongbah, hynrei ym ha kawei pat. U slap u la hap ha kawei ka lyngkha hynrei kawei pat ka lyngkha ka la tyrkhong.

DEUTERONOMI 4:11

“Ïathuh ha ki khun ki kti jong phi kumno phi leit ïeng ha trai uta u lum ha uba u lyoh tdem uba ïong synñia u tap bad na uba ka ding kaba rhem ka klang shaduh suiñbneng.

DEUTERONOMI 5:22

“Kine ki long ki hukum ïa kiba U Trai u la ai ha phi baroh mynba phi ïalumlang ha uta u lum. U la kren da ka sur kaba donbor napdeng kata ka ding bad u lyoh uba rben, mynba u ai ïa ki ha phi khlem da bynrap ïa kiwei pat. Nangta u thoh ïa ki ha ki ar tylli ki mawlyngkniap bad u ai ïa ki ha nga.

JINGPYNPAW 16:10

Nangta u angel uba san u la theh noh ïa ka pliang jong u ha ka khet jong u mradkhlaw. Ka jingdum ka la tap ïa ka hima jong u mradkhlaw, bad ki briew ki la dait ïa la ki thylliej namar ka jingpang jong ki,