EKSODOS 10:16 - Khasi CL Bible (BSI)

¹⁶ Nangta u Pharaoh u phah khot kyrkieh ïa u Moses bad u Aaron, bad u ong, “Nga la leh pop pyrshah ïa U Trai U Blei jong phi, bad ïa phi ruh.

KA BAIBL

¹⁶ Ynda kumta, u Pharaoh u la khot ïa u Moses bad ïa u Aaron da kaba kyrkieh; bad u la ong, “Nga la leh pop ïa U Trai U Blei jong phi, bad ïa phi ruh.

EKSODOS 10:16 ပူးပေါင်းရင်းမြစ်များ

2 SAMUEL 19:20

Nga tip, kynrad, ba nga la leh pop, bad dei kane keiñ balei ba nga long uba nyngkong na ki jait bashaphang shatei ban wan bad ïakynduh ïa U Syiem Kynrad ha kane ka sngi.”

2 SAMUEL 24:10

Hynrei hadien ba u Dabid u la dep shim ïa ka jingkheiñbriew, ka jingïatiplem jong u ka la sdang ban pynshitom ïa u, bad u ong ha U Trai, “Nga la leh ïa ka pop kaba shyrkhei ha kaba leh ïa kane! Sngewbha map ïa nga. Nga la leh bieit.”

2 SAMUEL 24:17

U Dabid u la ïohi ïa u angel uba u pynïap ïa ki briew, bad u ong ha U Trai, “Dei ma nga uba la leh pop. Nga dei uta uba la leh bakla. Kine ki briew bapli ki la leh aïu? Me dei ban pynshitom ïa nga bad ïa ka longïing jong nga.”

EKSODOS 8:25

Te u Pharaoh u la phah khot ïa u Moses bad u Aaron, bad u la ong, “Khie leit bad ai jingkñia ha U Blei jong phi hangne ha kane ka ri.”

EKSODOS 8:8

U Pharaoh u la phah khot ïa u Moses bad ïa u Aaron, bad u ong, “To kyrpad ïa U Trai ba un shim noh ïa kine ki jakoid, bad ngan sa pyllait ïa ki briew jong phi ba kin ïoh kñia ainguh ha U Trai.”

EKSODOS 9:27

U Pharaoh u la phah khot ïa u Moses bad u Aaron, bad u ong ha ki, “Ha kane ka sien nga la leh pop; U Trai u leh ïa kaba dei; ma nga bad ki briew jong nga ngi la leh bakla.

PROBERB 28:13

Phin ym long uba jop ha ka jingim lada phi pyrshang ban buhrieh ïa la ki pop. Phla ïa ki bad iehnoh ïa ki; te U Blei un pyn-i ka jingisynei ïa phi.

JINGKHEIÑ 21:7

Uta u paidbah u ïawan sha u Moses bad u ong, “Ngi la leh pop haba ngi la kren pyrshah ïa U Trai bad ïa phi ruh. Mynta to duwai ha U Trai ba un shim noh ïa kine ki bseiñ.” Kumta u Moses u la duwai na ka bynta uta u paidbah.

JINGKHEIÑ 22:34

U Balaam u phai ktien, “Nga la leh pop. Ngam shym tip ba me ïeng hapdeng lynti ban khang ïa nga; hynrei mynta, lada kam dei ïa nga ban leit, ngan leit phai noh sha la ïing.”

MATHAÏOS 27:4

“Nga la leh pop da kaba nga shetkylla ïa u briew uba lui lui ban ïap!” u la ong. “Kan ïadei aïu kata bad ngi?” ki la jubab. “Kata ka dei ka kam jong me!”

1 SAMUEL 15:24

“Ho-oid, nga la leh pop,” u Saul u jubab. “Ngam shym kohnguh ïa ka hukum U Trai bad ïa ki jingsneng pyn-i jong phi. Nga la sheptieng ïa ki rangbah jong nga bad nga la leh ïa kaei kaba ki kwah.

1 SAMUEL 15:30

“Nga la leh pop,” u Saul u jubab. “Hynrei la kumno kumno pyn-i ka jingñiewkor ïa nga ha khmat ki nongïalam jong ki briew jong nga bad ki Israel baroh. Ïaleit phai ryngkat bad nga, ba ngan lah ban mane ïa U Trai U Blei jong phi.”

1 SAMUEL 26:21

U Saul u jubab, “Nga la leh bakla; wan phai pat ko Dabid, u khun jong nga. Namar ba phi la kheiñ kor ïa ka jingim jong nga ha kane ka miet, lano lano ngan ym pynmynsaw shuh ïa phi. Nga la leh bieit shisha, bad nga la bakla palat.”