EKSODOS 1:7 - Khasi CL Bible (BSI)

⁷ hynrei ki khun ki ksiew jong ki, ki la ïaroi shikatdei eh; ki la nang bun nang bun, bad ki la nang khlaiñ haduh ba kata ka ri ka la khapngiah da ki.

KA BAIBL

⁷ Bad ki khun Israel ki la ïaroi, bad ki la ïaroi kyrhai, ki la ïaman bun eh, bad ki la nang khraw bor ruh shikatdei; te la pyndap ïa kata ka ri da ki.

EKSODOS 1:7 ပူးပေါင်းရင်းမြစ်များ

JENESIS 1:20

Nangta U Blei u la hukum, “Ai ba ki um kin dap da kiba bun ki kynja jingthaw ba-im, bad ai ba ka suiñ kan dap da ki sim.”

JENESIS 1:28

U la thaw ïa ki, shynrang bad kynthei, u la kyrkhu ïa ki, bad u la ong, “To phin ïoh bun ki khun ki kti, ba ki nonghiarpateng jong phi kin shong kin sah ha kylleng ka pyrthei bad wallam ïa ka hapoh ka jingsynshar jong ki. Nga buh ïa phi ban khmih ïa ki dohkha, ki sim, bad ïa baroh ki mradkhlaw.

JENESIS 12:2

Ngan ai ïa me bun ki khun ki ksiew, bad kin sa long ka jaitbynriew kaba khraw. Ngan kyrkhu ïa me bad ngan pyndonnam ïa ka kyrteng jong me, ba kumta men sa long ka jingkyrkhu.

JENESIS 13:16

Ngan ai ha me bun ki khun ki ksiew ba yn ym don mano mano ba lah ban ñiew ïa ki baroh; kan kham jem ban ñiew ïa ki phngit pui pui ha ka khyndew!

JENESIS 15:5

U Trai u ïalam ïa u shabar bad u ong, “Khmih ïa ka sahit bneng, bad pyrshang ñiew ïa ki khlur; men ïoh bun ki khun ki ksiew kat kita.”

JENESIS 17:16

Ngan kyrkhu ïa ka, bad ngan ai khun shynrang ïa me na ka. Ngan kyrkhu ïa ka, bad kan long ka kmie jong ki jaitbynriew; bad yn don ruh napdeng ki khun ki ksiew ki ban long ki syiem.”

JENESIS 22:17

nga kular ba ngan ai ha me ïa ki khun ki ksiew kat ki khlur ka sahit bneng, lane kat ki symboh shyiap harud ka duriaw. Ki khun ki ksiew jong me kin jop ïa ki nongshun jong ki.

JENESIS 26:22

U la kynriah noh nangta bad tih ïa kawei pat ka pukri. Ym shym don jingïakajia shuh ïa kata, kumta u khot kyrteng ïa ka, “Ka Jinglaitluid.” U ong, “Mynta te U Trai u la ai jinglaitluid ïa ngi ban shong ban sah ha kane ka jaka, bad ngin sa nang roi ha kane ka ri.”

JENESIS 26:4

Ngan ai ha me ïa ki khun ki ksiew kat ki khlur ha ka sahit bneng, bad ngan ai ha ki ïa kane ka ri baroh. Ki jaitbynriew baroh kin kyrpad ïa nga ba ngan kyrkhu ïa ki kumba nga la kyrkhu ïa ki khun ki ksiew jong me.

JENESIS 28:14

Kin man bun kum ki phngit pui pui ha ka khyndew. Kin pynïar ïa la u pud u sam ha ki liang baroh; bad da me bad ki khun ki ksiew jong me ngan kyrkhu ïa ki jaitbynriew baroh.

JENESIS 35:11

Bad U Blei u ong ha u, “Nga long U Blei Badonbor Baroh. To nang ïoh bun ki khun ki kti. Ki jaitbynriew kin hiarpateng na me, bad men long u kpa tymmen jong ki syiem.

JENESIS 46:3

“Nga long U Blei, U Blei jong u kpa jong me,” u ong. “Wat sheptieng ban leit hiar sha Ijipt; hangta ngan pynlong ïa ki khun ki ksiew jong me ka jaitbynriew kaba khraw.

JENESIS 47:27

Ki Israel ki shong ki sah ha ri Ijipt ha thain Goshen, ha kaba ki ïoh ban lum ka spah ka phew, bad ki nang ïaroi parum pareh.

JENESIS 48:16

To u angel uba la pyllait ïa nga na ka jingsniew baroh, un kyrkhu ïa ki! To ka kyrteng jong nga, bad ka jong ki kpa jong nga, u Abraham bad u Isaak, Kan ïai im lyngba kine ki khun! To kin don bun ki khun ki kti bad ki khun ki ksiew kiba bun!”

JENESIS 48:4

U la ong ha nga, ‘Ngan ai ha me bun ki khun ki ksiew ba kumta ki nongmih pateng jong me kin sa long ki jaitbynriew kiba bun. Ngan ai ïa kane ka ri ha ki khun ki ksiew jong me ba kan long ka ri kynti jong ki junom.’ ”

JENESIS 9:1

U Blei u la kyrkhu ïa u Noah bad ïa ki khun shynrang jong u, bad u ong ha ki, “To phin ïoh bun ki khun ki kti, ba ki khun ki ksiew jong phi kin sah ha kylleng ka pyrthei.

NEHEMAÏAH 9:23

Me ai ïa ki, ki khun kiba bun kat ki khlur ha sahit bneng, bad me la shah ïa ki ban jop bad ban shong ban sah ha ka ri kaba me la kular ha ki kpa tymmen ban ai ha ki.

SALM 105:24

U Trai u la ai shibun ki khun ïa ki briew jong u bad pynlong ïa ki kiba kham khlaiñ ban ïa ki nongshun jong ki.

SALM 107:38

U kyrkhu ïa ki briew jong u, bad ki don bun ki khun ki kti; u pynlong ba ki jingri jingdup jong ki kin ym duna.

EKSODOS 1:12

Pynban katba ki Israel ki nang shah pynshitom beiñ, katta ruh ki nang ïaroi bad ki nang saphriang kylleng ka ri.

EKSODOS 12:37

Ki Israel ki mihnoh bad ki ïaid da ka kjat na Rameses haduh Sukkoth. Ki ïadon baroh kumba hynriew lakh ngut ki rangbah, nalor ki kynthei bad ki khynnah.

EKSODOS 5:5

Phi mynta phi la kham ïabun paid ban ïa ki nong Ijipt. Bad mynta phi kwah ban sangeh trei!”

ESEKIEL 16:7

Nga la pynlong ïa pha ban san kum u jingthung baplung. Pha la nang khlaiñ bad jrong bad pha la long ka kynthei samla. Ka shadem jong pha ka la wandur itynnat, bad u shñiuh jong pha u la san, hynrei pha long kaba lyngkhuit.

KI KAM 13:17

U Blei jong ki paid Israel u la jied ïa ki kpa tymmen jong ngi bad u la pynlong ka jaitbynriew kaba khraw ïa une u paid ha ka por ba ki la im kum ki nongwei ha ka ri Ijipt. U Blei u la ïalam noh ïa ki na ka ri Ijipt da ka bor bakhraw jong u,

DEUTERONOMI 10:22

Mynba ki kpa tymmen jong phi ki leit sha Ijipt, ki ïadon baroh tang hynñiewphew ngut; hynrei mynta U Blei u la pynroi ïa phi kat ki khlur ha ka sahit bneng.

DEUTERONOMI 26:5

nangta, hangta ha khmat ka jingdon ryngkat U Trai phin ong ïa kine ki ktien: ‘U kpa tymmen jong nga u dei u nong Aram uba ïaidwir, uba la leit ïalam ïa la ki ba-ha-ïing ha-sem sha Ijipt ban shong ban sah. Ki ïadon tang khyndiat eh mynba ki ïadon hangta, hynrei ki la man long ka jaitbynriew kaba bun paid bad kaba khrawbor.