EKSODOS 1:20 - Khasi CL Bible (BSI)

^20-21 Namar ba kita ki nongpynkha khun ki sheptieng ïa U Blei, u ruh u pynmanbha ïa ki, bad u ai ha ki ba kin don la ki khun ki kti. Ki Israel ruh ki nang roi bad ki nang khlaiñ.

KA BAIBL

²⁰ Namar kata, U Blei u la leh bha ïa kita ki nongbat khun: bad kita ki briew ki la nang roi, bad ki la nang khraw bor de shikatdei.

EKSODOS 1:20 ပူးပေါင်းရင်းမြစ်များ

SALM 103:11

Kumba ka suiñbneng ka jrong na ka khyndew, kumta ka khraw ka jingieit jong u ïa kito kiba pyndonburom ïa u.

SALM 111:5

U pynbiang jingbam ïa kito kiba pyndonburom ïa u; um ju klet ïa ka jutang jong u.

SALM 145:19

U pyndap ïa ki jingdonkam jong kito kiba pyndonburom ïa u; u sngew ïa ki jingkyang jong ki bad u pynim ïa ki.

SALM 61:5

Me la ïohsngew ïa ki kular jong nga, A Blei, bad me la ai ha nga ïa kaei kaba dei ka jong kito kiba pyndonburom ïa me.

SALM 85:9

Da shisha u kloi ban pynim ïa kito kiba pyndonburom ïa u, bad ka jingdon ryngkat kaba pynim jong u kan ïoh shongsah ha ka ri jong ngi.

EKSODOS 1:12

Pynban katba ki Israel ki nang shah pynshitom beiñ, katta ruh ki nang ïaroi bad ki nang saphriang kylleng ka ri.

EKSODOS 1:19

Kita ki nongpynkha khun ki jubab, “Ki kynthei Hebru kim long kum ki kynthei Ijipt; ki kha suk ïa ki khun, bad katba ngin da poi ma ngi, ki la lah kha.”

EKSODOS 1:7

hynrei ki khun ki ksiew jong ki, ki la ïaroi shikatdei eh; ki la nang bun nang bun, bad ki la nang khlaiñ haduh ba kata ka ri ka la khapngiah da ki.

PROBERB 11:18

Ki briew kiba bymman da shisha kim ïohnong ei ei, hynrei lada phi leh ïa kaei kaba dei, ka pynthikna ba phin ïoh ïa ka bainong.

PROBERB 19:17

Haba phi ai ha kiba duk, ka long kumba phi ai kylliang sha U Trai, bad U Trai un sa siew pat ïa phi.

EKLESIASTIS 8:12

U nongpop u lah ban leh shispah tylli ki kam runar bad u dang im. O! ho-oid, nga tip ïa kaei ba ki ong: “Lada phi kohnguh ïa U Blei, kiei kiei baroh kin bit kin biang,

ISAÏAH 3:10

Ki briew kiba hok kin kmen, bad kiei kiei baroh kin bit kin biang ïa ki. Kin ïoh ban lehkmen ïa kaei kaba ki la trei.

MATHAÏOS 10:42

Phi lah ban sngewthikna ba uno uno uba ai dih wat shi khuri ka umkhriat ha uwei uba rit tam na kine ki nongbud jong nga namar ba u dei u nongbud jong nga, un ïohpdiang da shisha ïa ka bainong.”

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

LOUKAS 1:50

na kawei ka pateng bynriew sha kawei pat u pyn-i ka jingisynei ha kito kiba pyndonburom ïa u.

HEBRU 6:10

U Blei um dei uba bishar bymhok. Un ym klet ïa ka kam kaba phi la leh lane ïa ka jingieit kaba phi la pynpaw na ka bynta jong u da ka jingïarap kaba phi la ai bad dang ïai ïarap ïa ki parabangeit.