EKSODOS 1:17 - Khasi CL Bible (BSI)

¹⁷ Hynrei kita ki nongpynkha khun ki dei kiba sheptieng ïa U Blei; kumta kim shym kohnguh ïa u, hynrei ki shah ba ki khun shynrang kin im.

KA BAIBL

¹⁷ Hynrei, kita ki nongbat khun ki la sheptieng ïa U Blei, bad kim shym leh kumba uta u syiem ka ri Ijipt u la hukum ïa ki, hynrei, ki la ri im ïa ki khun shynrang.

EKSODOS 1:17 ပူးပေါင်းရင်းမြစ်များ

JENESIS 20:11

U Abraham u jubab, “Nga la pyrkhat ba yn ym don hangne kiba sheptieng burom ïa U Blei, ba kumta kin pynïap ïa nga ban ïoh ïa ka tnga jong nga.

JENESIS 42:18

Ha ka sngi kaba lai, u Joseph u ong ha ki, “Nga long u briew uba sheptieng Blei, kumta ngan pyllait im ïa phi ha kane ka kyndon:

2 SAMUEL 24:4

Hynrei u syiem u pynlong ïa u Joab bad ïa ki rangbah pynïaidkam jong u ba kin kohnguh ïa ka hukum jong u; ki la mihnoh na khmat jong u bad ki la leit ban ñiew ïa ki paid Israel.

NEHEMAÏAH 5:15

Uwei pa uwei u lat uba don ha ka kam ha shuwa jong nga, u la long ka jingbankhia ïa ki briew bad ki ju dawa sawphew ki pisa rupa shi sngi na ka bynta ka jingbam bad ka waiñ. Wat ki shakri jong ki, ki ju banbeiñ ïa ki briew. Hynrei ngam shym leh kumta, namar nga burom ïa U Blei.

ESTHER 3:3

Kiwei pat ki rangbah synshar jong ka jingtreikam ha ïingsyiem ki la kylli ïa u balei ba um kohnguh ïa ka hukum u syiem;

SALM 31:19

Katno ki long kiba phylla kiei kiei kiba bha ba me sumar ïa kito kiba pyndonburom ïa me! Baroh ki tip katno me long uba bha, katno skhem ka jingïada jong me ïa kito kiba shaniah ha me.

EKSODOS 1:18

Kumta u syiem Ijipt u phah khot ïa kita ki nongpynkha khun, bad u kylli ïa ki, “Balei phi leh kumne, bad phi shah ïa ki khun shynrang ba kin im?”

PROBERB 16:6

Long kiba kohnguh bad kiba ïaineh, bad U Blei un map ïa ka pop jong phi. To kohnguh ïa U Trai bad kaba sniew kan ym jia ha phi.

PROBERB 8:13

Ban pyndonburom ïa U Blei ka long ban isih ïa kaba sniew; nga isih ïa ka jingsarong bad ka jingsngewmeng, ïa ki lynti bymman bad ki ktien lamler.

EKLESIASTIS 12:13

Hadien kane baroh, don tang kawei ban ong: To tiengburom ïa U Blei, bad kohnguh ïa ki hukum jong u, namar dei ïa kane keiñ ba la thaw ïa u briew.

EKLESIASTIS 8:12

U nongpop u lah ban leh shispah tylli ki kam runar bad u dang im. O! ho-oid, nga tip ïa kaei ba ki ong: “Lada phi kohnguh ïa U Blei, kiei kiei baroh kin bit kin biang,

DANIEL 6:13

Nangta ki la ong ha u syiem, “U Daniel, uwei na kiba shah ringmraw na Judah, um shym burom ïa u Syiem Kynrad lane kohnguh ïa ka hukum kaba phi la pynmih. U la duwai tista lai sien shi sngi.”

HOSIA 5:11

Ki Israel kin shah ka jingshah banbeiñ; ka la duh noh ïa ka khyndew kaba dei hok jong ka, namar ka ïai kwah ban wad jingïarap na kito ki bym don ei ei ban ai.

MIKAH 6:16

Kane kan jia namar ba phi la bud ïa ki jingleh ba-ijli jong u syiem Omri bad jong u khun jong u, u syiem Ahab. Phi la ïai bteng ban bud ïa ki rukom pynïaidkam jong ki, bad kumta ngan wallam ïa ka jingjot ha phi, bad baroh kin kyntait ïa phi. Ki briew ha kylleng kin ñiewbeiñ ïa phi.”

MATHAÏOS 10:28

Wat sheptieng ïa kito kiba pynïap ïa ka met hynrei ki bym lah ban pynïap ïa ka mynsiem; hynrei to sheptieng ïa U Blei, uba lah ban pynjot ïa ka met bad ka mynsiem ha dujok.

LOUKAS 12:5

Ngan pyn-i ha phi ïano ban sheptieng: To sheptieng ïa U Blei, uba, hadien ka jingpynïap, u don ka bor ban bret sha ka dujok. To ngeit ïa nga, u long ma u uta uba phi dei ban sheptieng!

KI KAM 5:29

U Petros bad kiwei pat ki apostol ki la phai ktien, “Ngi dei ban kohnguh ïa U Blei, ym ïa ki briew.

1 SAMUEL 22:17

Nangta u ong ha ki nongap kiba ïeng hajan jong u, “Pynïap ïa ki lyngdoh jong U Trai! Ki la ïasylla bad u Dabid bad kim shym la ïathuh ïa nga ba u la phet, wat la ki la tip ïa ka baroh shi katta.” Hynrei ki nongap kim treh ban rah ïa la ka kti ban pynïap ïa ki lyngdoh jong U Trai.