EKLESIASTIS 9:9 - Khasi CL Bible (BSI)

⁹ To lehkmen ha ka jingim bad ka briew kaba phi ieit, katba phi dang im ka jingim ka bymmyntoi kaba U Blei u la ai ha phi ha kane ka pyrthei. Lehkmen ïa kawei pa kawei ka sngi bymmyntoi jong ka, namar kata baroh ka long kaba phin ïoh na ka bynta ka jingjynjar jong phi baroh.

KA BAIBL

⁹ Shong sngewbha bad ka tnga kaba me ieit baroh ki sngi ka rta ka jingthala jong me, ïa kaba u la ai ïa me hapoh ka sngi, baroh ki sngi ka jingthala jong me: namar kane ka long ka bynta jong me ha ka jingim, bad ha ka kam ha kaba me trei hapoh ka sngi.

EKLESIASTIS 9:9 ပူးပေါင်းရင်းမြစ်များ

JENESIS 26:8

Haba u Isaak u la don hangta katto katne por, u syiem Abimelekh u peit na ka jingkhangïit bad u ïohi ïa u Isaak bad ka Rebekka ba ki ïaleh ieit.

SALM 144:4

U long tang kum shisien pyrsad ka lyer; ki sngi jong u ki long kum ka jingïaid ka syrngiew.

SALM 39:5

Katno kaba lyngkot me la pynlong ïa ka jingim jong nga! ha khmat jong me ka jingim jong nga kam long ei ei. Shisha man u briew uba im um don shuh hynrei tang ka jingpyrsad ka lyer, um don shuh hynrei tang ka syrngiew.

PROBERB 18:22

Haba shem ïa ka tnga, phi shem ïa kaei kaba bha; ka pynpaw ba U Trai u lehbha ïa phi.

PROBERB 19:14

U briew u lah ban ïohpateng ïa ka ïing bad ka spah na la ki kmie ki kpa, hynrei tang U Trai uba lah ban ai ha u ïa ka tnga kaba shemphang.

EKLESIASTIS 2:10

Kano kano kaba nga la kwah, nga la ïoh. Ngam shym la pynduh ïa lade ïa kano kano ka jingpynsngewbha. Nga la sngewsarong ïa kaei kaei baroh kaba nga la trei bad kane baroh ka dei ka bainong jong nga.

EKLESIASTIS 2:24

Kaba bha tam kaba u briew u lah ban leh ka long ban bam bad dih bad ban lehkmen ïa kaei kaba u la kamai. Bad wat la katta, nga la sngewthuh ba wat kane ka wan na U Blei.

EKLESIASTIS 3:13

Baroh na ngi, ngi dei ban bam bad dih bad lehkmen ïa kaei kaba ngi la trei. Ka dei ka jingai jong U Blei.

EKLESIASTIS 3:22

Kumta nga la sngewthuh te ba kaba bha tam kaba ngi lah ban leh ka long ban lehkmen ïa kaei kaba ngi la trei. Ym don kano kano kawei pat kaba ngi lah ban leh. Ym don kano kano ka lynti ïa ngi ban tip kaei ka ban jia ynda ngi ïap.

EKLESIASTIS 5:18

Kane ka dei kaei kaba nga la shem: Kaba bha tam kaba ngi lah ban leh ka long ban bam bad ban dih bad ban lehkmen ïa kaei kaba ngi la trei ha ka jingim balyngkot kaba U Blei u la ai ïa ngi; kane ka dei ka kupar jong ngi.

EKLESIASTIS 6:12

Kumno uno uno u lah ban tip kaei kaba bha ïa ngi ha kane ka jingim jong ngi kaba lyngkot bad ka bymmyntoi — ka jingim kaba ïaid kum ka syrngiew? Kumno ngi lah ban tip aïu kan jia ha ka pyrthei hadien ba ngi la ïap?

EKLESIASTIS 7:15

Ka jingim jong nga ka long ka bym don jingmut, hynrei ha ka nga la ïohi ïa kaei kaei baroh. Katto katne ki briew kiba bha ki lah ban ïap katba kiwei pat ki dang im wat haba ki long kiba sniew.

MALAKHI 2:15

Hato U Blei um shym la pynlong ïa phi kawei ka met bad mynsiem bad ka? Kaei ka jingthmu jong u ha kane? Ka long ba phi dei ban don ki khun kiba long ki briew jong U Blei da shisha. Te pynthikna ba yn ym don na phi uba pynkheiñ ïa la ka jingkular ha ka tnga jong u.