EKLESIASTIS 9:3 - Khasi CL Bible (BSI)

³ Kawei ka kupar ka wan kumjuh ha baroh, bad kane ka long kaba bakla kum kano kano kaba jia ha kane ka pyrthei. Katba ki briew ki dang im, ki jingmut jingpyrkhat jong ki, ki dap da ka jingsniew bad ka jinglamwir, bad kynsan kynsan ki ïap.

KA BAIBL

³ Kane ka long ka basniew ha kiei kiei baroh ba ju leh hapoh ka sngi, ba kajuh hi ka jia ha baroh: shisha ruh, ka dohnud u khun bynriew ka la dap da ka basniew, bad ka jinglamwir ka don ha ka dohnud jong ki katba ki dang im, bad hadien kata ki leit sha ki baïap.

EKLESIASTIS 9:3 ပူးပေါင်းရင်းမြစ်များ

JENESIS 6:5

Haba U Trai u la ïohi haduh katno ka jingsniew jong uwei pa uwei u briew ha ka pyrthei bad katno ki jingmut jingpyrkhat bymman jong ki ha ki por baroh,

JENESIS 8:21

Ka jingiw jong ka jingkñia ainguh ka la pynsngewbha ïa U Trai, bad U la ong ha lade, “Lano lano ruh ngan ym buh ïa ka pyrthei hapoh ka jingtim namar kaei kaba ki briew ki leh; nga tip ba naduh ba ki dang samla, ki jingpyrkhat jong ki, ki long kiba sniew. Lano lano ruh ngan ym pynjot shuh ïa ki jingthaw ba-im baroh, kumba nga la leh ha kane ka sien.

Ka Kitab U Job 15:16

Bad ngi dih ïa ka jingbymman la kum ba ka dei ka um; ho-oid, ngi long kiba bamsap; ngim dondor ei ei.

Ka Kitab U Job 21:26

Hynrei baroh kumjuh ki ïap bad la tep ïa ki; ïa ki baroh la tap da ki kruiñ.

SALM 51:5

Nga la long u bymhok naduh ka sngi ba la kha ïa nga; naduh ka por ba la pun ïa nga, nga la long uba pop.

SALM 64:7

Hynrei U Blei un siat ïa la ki khnam ha ki, bad kynsan ki la mynsaw.

PROBERB 14:32

Ki briew kiba sniew ki wallam ïa la ka jong ka jingkyllon noh da ki kam basniew jong ki, hynrei ïa ki briew kiba bha la ïada da ka jinglonghok jong ki.

EKLESIASTIS 1:17

Nga la kut jingmut ban tip ka jingïapher hapdeng ka jingtip bad ka jingbieit, ka jingstad bad ka jinglamwir. Hynrei nga shem ba nga ruh imat nga beh ïa ka lyer.

EKLESIASTIS 12:7

Ki met jong ngi kin kylla sha u pui pui khyndew, bad ka jingpyrsad ka jingim kan leit phai pat sha U Blei, uba la ai ïa ka ha ngi.

EKLESIASTIS 2:14

Kiba stad ki lah ban ïohi shano ki leit, bad ki bieit kim lah.” Hynrei nga ruh nga tip ba kajuh ka kupar ka ap ïa ngi baroh.

EKLESIASTIS 7:2

Ka kham bha ban leit sha ka ïing ha kaba don ka jingïambriew ban ïa kata ha kaba don ka jingïaleh-sngewbha, namar kiba im ki dei ban pynkynmaw ïa lade ba ka jingïap ka ap ïa ngi baroh.

EKLESIASTIS 7:25

Hynrei nga la pynleit ïa lade ha ka jingtip bad ha ka jingpule bniah; nga la kut jingmut ban shem ïa ka jingstad bad ïa ki jubab ïa ki jingkylli jong nga, bad ban tip haduh katno ka jingtasngeng ka long kaba sniew bad kaba bieit.

EKLESIASTIS 8:11

Balei ki briew ki stet haduh katta katta ban leh ïa ki kam sniew? Namar ïa ka kam sniew ym ju kham pynshitom kloi.

EKLESIASTIS 9:11

Nga la sngewthuh sa kawei pat, ba ha kane ka pyrthei ki nongmareh kiba stet kim ju ïai jop sah ïa ki jingïamareh thong, bad kiba shlur kim ju ïai jop sah ïa ka thma. Ki briew kiba stad kim ju ïai kamai sah ban im, ki briew kiba proh jingmut kim ju ïai ïoh spah, bad ki briew kiba lah ban leh ei ei kim ju ïai kiew sha ki kyrdan bashalor. Ka kupar basniew ka jia ha uwei pa uwei.

EKLESIASTIS 9:2

Kam don kano kano ka jingpher. Kajuh ka kupar ka wan ha uba hok bad ha uba bymman, ha uba bha bad ha uba sniew, ha kito kiba riewblei bad ha kito ki bymriewblei, ha kito kiba ai ki jingkñia bad ha kito ki bym ai. U briew babha um da ïapher eh na u nongpop; uta uba smai um ïapher eh na uta u bym smai.

EKLESIASTIS 9:4

Hynrei uno uno uba im ha ka pyrthei kiba im u don katto katne ka jingkyrmen; u ksew uba im u kham bha ban ïa u sing ba la ïap.

JEREMAÏAH 16:12

Hynrei phi la leh wat kaba kham sniew ban ïa ka jong ki kpa tymmen jong phi. Ma phi baroh phi long kiba mutlop bad kiba sniew, bad phim shym kohnguh ïa nga.

JEREMAÏAH 17:10

Ma nga, U Trai, nga wad ïa ki jingmut bad nga tynjuh ïa ki dohnud jong ki briew. Nga leh ïa uwei pa uwei kat kum ka lynti ba u im, kat kum kaei kaba u leh.”

JEREMAÏAH 17:9

“Mano ba lah ban shemphang ïa ka dohnud briew? Ym don kano kano kawei pat kaba shukor katta katta; ka pang jur eh ban ïa kaba ïoh jingkoit.

LOUKAS 15:17

Ha kaba khatduh u la kyndit bynriew bad u la ong, ‘Baroh ki nongtrei wai jong i pa jong nga ki don kyrhai ban ïa kaba ki lah ban bam, bad nga pat hangne ngan sa ïapthngan!

LOUKAS 6:11

La pyndap ïa ki da ka jingbitar shla bad ki la sdang ban ïaphylliew jingmut para ma ki ïa kaei ba ki lah ban leh ïa U Jisu.

KI KAM 12:23

Mar kumta hi u angel jong U Trai u la tied ïa u Herod, namar ba um shym ai burom ïa U Blei. La bam ïa u da ki ksaiñ, bad u la ïap.

KI KAM 26:11

Bunsien nga la phah pynshitom ïa ki ha ki synagog baroh bad pyrshang ban pynlong ïa ki ban len ïa la ka jingngeit. Nga la bitar haduh katta katta ïa ki ba nga da leit sha ki nongbah nongwei ban pynshitom beiñ ïa ki.

KI KAM 26:24

Katba u Paul u dang ïasaid da ïa lade ha kane ka rukom, u Phestos u la pyrta ha u, “Me la lamwir, ko Paul! Ka jingstad bakhraw jong me ka la pynlamwir ïa me!”

TITOS 3:3

Naba ngi ruh ngi la long shisien kiba bieit, ki bymkohnguh bad kiba leh bakla. Ngi la long ki mraw ha ki jingkwah brai bad ki jingsngewbha babun jait. Ngi la pynlut ïa la ka jingim ha ka jingsniew bad jingpihuiñ; kiwei ki la isih ïa ngi bad ngi la isih ïa ki.

2 PETROS 2:16

bad la sneng ïa u na ka bynta ka pop. U kada jong u, u la kren ha ka sur briew bad u la khang ïa ka kam leh bieit jong u nongïathuhlypa.