EKLESIASTIS 9:2 - Khasi CL Bible (BSI)

² Kam don kano kano ka jingpher. Kajuh ka kupar ka wan ha uba hok bad ha uba bymman, ha uba bha bad ha uba sniew, ha kito kiba riewblei bad ha kito ki bymriewblei, ha kito kiba ai ki jingkñia bad ha kito ki bym ai. U briew babha um da ïapher eh na u nongpop; uta uba smai um ïapher eh na uta u bym smai.

KA BAIBL

² Kiei kiei baroh ki jia kumjuh ha baroh: don kajuh ka jingjia ha u bahok bad ha u bymman; ha u babha bad ha u bakhuid bad ha u bymkhuid; ha uta uba kñia bad ha uta u bymkñia: kumba u babha u long, kumta u nongpop u long; bad uta uba smai, kum uta uba sheptieng ïa ka jingsmai.

EKLESIASTIS 9:2 ပူးပေါင်းရင်းမြစ်များ

JENESIS 24:3

Nga kwah ïa me ban pynlong ka jingsmai ha ka kyrteng U Trai, U Blei jong ka bneng bad ka khyndew, ba men ym jied ka tnga ïa u khun jong nga na ki briew hangne ha ri Kanaan.

SALM 73:3

namar nga la bishni ïa kiba sarong haba nga ïohi ba kiei kiei ki bit ki biang ïa ki bymman.

EKLESIASTIS 2:26

U Blei u ai ka jingstad, ka jingtip bad ka jingkmen ha kito kiba pynsngewbha ïa u, hynrei u pynlong ïa ki nongpop ban trei, ban kamai bad ban kynshew, ba kumta kaei kaba ki ïoh lah ban ai ha kito kiba pynsngewbha ïa u. Baroh ka long ka bymmyntoi. Ka long kum ka jingbeh ïa ka lyer.

EKLESIASTIS 3:19

Nalor baroh, kajuh ka kupar ka ap ïa ki briew bad ïa ki mrad kumjuh. Uwei u ïap kum uwei pat. Ki long kijuh ki jingthaw. U briew um long uba kham bha ban ïa ka mrad, namar ka jingim kam don jingmut ïa ki baroh ar.

EKLESIASTIS 6:6

kham palat ban ïa u briew u bym ïoh lehkmen ha ka jingim, la u lah ban im ar hajar snem. Nalorkata, baroh ar ki leit sha kajuh ka jaka.

EKLESIASTIS 7:18

Kiar ïa baroh ar tylli ki tduh. Lada phi don ka jingtiengburom ïa U Blei, la kumno kumno phin long kiba jop.

EKLESIASTIS 7:2

Ka kham bha ban leit sha ka ïing ha kaba don ka jingïambriew ban ïa kata ha kaba don ka jingïaleh-sngewbha, namar kiba im ki dei ban pynkynmaw ïa lade ba ka jingïap ka ap ïa ngi baroh.

EKLESIASTIS 9:11

Nga la sngewthuh sa kawei pat, ba ha kane ka pyrthei ki nongmareh kiba stet kim ju ïai jop sah ïa ki jingïamareh thong, bad kiba shlur kim ju ïai jop sah ïa ka thma. Ki briew kiba stad kim ju ïai kamai sah ban im, ki briew kiba proh jingmut kim ju ïai ïoh spah, bad ki briew kiba lah ban leh ei ei kim ju ïai kiew sha ki kyrdan bashalor. Ka kupar basniew ka jia ha uwei pa uwei.

EKLESIASTIS 9:3

Kawei ka kupar ka wan kumjuh ha baroh, bad kane ka long kaba bakla kum kano kano kaba jia ha kane ka pyrthei. Katba ki briew ki dang im, ki jingmut jingpyrkhat jong ki, ki dap da ka jingsniew bad ka jinglamwir, bad kynsan kynsan ki ïap.

MALAKHI 3:15

Kumba ngi ïohi ïa ka, ki briew kiba sarong ki long kita kiba kmen. Ki briew kiba sniew ym tang ba ki roi kyrhai, hynrei ki tynjuh ïa ka jingïaishah U Blei da ki kam basniew jong ki bad ki lait na kata.’”

MALAKHI 3:18

Sa shisien pat ki briew jong nga kin ïohi ïa ka jingïapher hapdeng kaei kaba jia ïa kiba hok bad ïa ki bymman, ha u briew uba shakri ïa nga bad ha uta u bym leh kumta.”

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

1 SAMUEL 14:26

Ki dieng ki la dap da ka ngap, hynrei ym don uwei ruh uba la bam ei ei na ka namar baroh ki sheptieng ïa ka jingtim ka jong u Saul.