EKLESIASTIS 8:9 - Khasi CL Bible (BSI)

⁹ Nga la ïohi ïa kane baroh haba nga pyrkhat ïa kiei kiei kiba la leh ha kane ka pyrthei, ka pyrthei ha kaba katto katne ki briew ki don ka bor bad kiwei pat ki dei ban shahshitom hapoh jong ki.

KA BAIBL

⁹ Kane baroh nga la ïohi, bad nga la buh la ka dohnud ha ka kam baroh kaba ju leh hapoh ka sngi: don ka por ha kaba uwei u don bor halor uwei pat ban pynsniew ïa u.

EKLESIASTIS 8:9 ပူးပေါင်းရင်းမြစ်များ

2 SYIEM 25:7

Katba u Sedekaïah u dang peit, la pynïap ïa ki khun shynrang jong u; nangta u Nebukhadnessar u la phah khlaw noh ïa ki khmat jong u Sedekaïah, u la buh ïa u ha ki kynjri, bad ïalam ïa u sha Babilon.

EKSODOS 14:28

Ki um ki ïadait biang bad ki la tyllep ïa ki kali ïapom, ïa ki nongñiah, bad ïa ka kynhun shipai baroh jong u Pharaoh kaba la buddien ïa ki Israel sha duriaw, ym don kawei ruh na ki ïa kaba la iehnoh.

EKLESIASTIS 1:14

Nga la ïohi ïa kaei kaei baroh ba la leh ha ka pyrthei, bad nga ong ha phi ba baroh ka long ka bymmyntoi. Ka long kum ka jingbeh ïa ka lyer.

EKLESIASTIS 3:10

Nga tip ïa ki jingkit bakhia kiba U Blei u la buh halor jong ngi.

EKLESIASTIS 3:16

Shuh shuh, nga la ïohi ruh ba ha kane ka pyrthei phi shem ka jingbymman ha ka jaka kaba ka jinglehhok bad ka hok ki dei ban don.

EKLESIASTIS 4:1

Nangta nga la khmih biang ha baroh ki jingbymlehhok kaba trei ha kane ka pyrthei. Kiba la shah banbeiñ ki lynñiar, bad ym don mano mano ban ïarap ïa ki. Ym don mano mano ban ïarap ïa ki namar ki nongbanbeiñ jong ki, ki don ka bor ha ka liang jong ki.

EKLESIASTIS 5:13

Hangne ka don kaei kaei kaba shyrkhei kaba nga la ïohi ha ka pyrthei: Ki briew ki lah ban bat tang shipor ïa la ka pisa haba ki lah ban donkam ïa ka,

EKLESIASTIS 5:7

Kam pher haduh katno phi phohsniew, haduh katno phi trei ïa ka kam bymmyntoi, lane haduh katno phi kren, phi dei ban ïeng ha ka jingtiengburom ïa U Blei.

EKLESIASTIS 5:8

Wat lyngngoh haba phi ïohi ba ka sorkar ka banbeiñ ïa kiba duk bad kam ai ha ki ïa ka jinglehhok bad ïa ki hok jong ki. Ïa uwei pa uwei u rangbah synshar la ïada da uno uno uba kham halor bad ïa baroh ar la ïada da ki rangbah synshar kiba kham halor.

EKLESIASTIS 7:25

Hynrei nga la pynleit ïa lade ha ka jingtip bad ha ka jingpule bniah; nga la kut jingmut ban shem ïa ka jingstad bad ïa ki jubab ïa ki jingkylli jong nga, bad ban tip haduh katno ka jingtasngeng ka long kaba sniew bad kaba bieit.

EKLESIASTIS 7:7

Phi lah ban long uba stad, hynrei lada phi shukor ïano ïano, phi leh la kum u bieit. Lada phi shim klop, phi pynjot ïa la ka jinglong jingim.

DEUTERONOMI 2:30

“Hynrei u syiem Sihon um shah ïa ngi ban ïaid lynti na ka ri jong u. Naba U Trai U Blei jong phi u la pyneh ïa ka mynsiem jong u bad u la pynlong mutlop ïa u, khnang ba ngin ïoh jop bad shim ïa ri jong u ïa kaba ngi dang bat haduh mynta.