EKLESIASTIS 8:3 - Khasi CL Bible (BSI)

³ U syiem u lah ban leh ïa kano kano kaba u mon, kumta mihnoh na khmat jong u; wat shong ha kaba kum kane ka jaka ba ma.

KA BAIBL

³ Wat kyrkieh ban mih noh na khmat jong u; wat dem leh ïa kaei kaei ka basniew: namar u leh kat kaba u sngewbha hi.

EKLESIASTIS 8:3 ပူးပေါင်းရင်းမြစ်များ

JENESIS 47:9

U Jakob u jubab, “Ha ka jingim jong nga kaba ïaidwir nawei shawei nga la dap shispah laiphew snem. Kita ki snem ki long kiba khyndiat bad kiba eh, ym kum ki snem kiba jrong ba ki kpa tymmen jong nga ki la pynlut ha ka jingïaid wir.”

PROBERB 14:29

Lada phi long jai jai, phi long kiba stad, hynrei lada phi long kiba shit khlieh, phi shu pyn-i katno ka jinglong mutlop phi long.

PROBERB 24:21

Ko khun, tiengburom ïa U Trai bad burom ïa u syiem. Wat leh ei ei bad ki briew kiba ïeng ïaleh pyrshah ïa ki;

PROBERB 30:31

ki 'langsohmoh, ki 'iar-ryngkuh kiba ïaid pyn-at shadem, bad u syiem ha khmat ki briew jong u.

EKLESIASTIS 10:4

Lada u nongsynshar jong phi u bitar ïa phi, wat nym ai ïa ka jingiehnoh kam jong phi; ïa ki jingbakla kiba khia lah ban map lada phi long jai jai.

ISAÏAH 48:4

Nga la tip ba phin pynshisha ba phi long kiba mutlop, kiba pyneh kum ka nar bad ka rnong bym lah ban pynkdor.

DANIEL 4:35

U la khmih halor ki briew jong ka pyrthei kum bym long ei ei; ki angel ha bneng bad ki briew ha ka pyrthei ki don hapoh ka jingsynshar jong u. Ym don mano mano ba lah ban pyrshah ïa ka mon jong u lane kylli jingkylli ïa kaei kaba u leh.

DANIEL 5:19

U la long uba khraw katta katta ba ki briew jong ki hima baroh, ki jait ki kynja, bad ki ktien ki thylliej ki la sheptieng ïa u bad khynñiuh. Lada u la kwah ban pynïap ïano ïano u leh kumta; lada u kwah ban ri pynim ïano ïano, u leh kumta. U pyndonburom lane pynjahburom ïa uno uno, uba u kwah.