EKLESIASTIS 7:2 - Khasi CL Bible (BSI)

² Ka kham bha ban leit sha ka ïing ha kaba don ka jingïambriew ban ïa kata ha kaba don ka jingïaleh-sngewbha, namar kiba im ki dei ban pynkynmaw ïa lade ba ka jingïap ka ap ïa ngi baroh.

KA BAIBL

² Kham bha ban leit ha ka ïing baïambriew ban ïa ka ban leit ha ka ïing jingkhawai: naba kata ka long ka bakut ki briew baroh; bad uba im un buh ha la ka dohnud.

EKLESIASTIS 7:2 ပူးပေါင်းရင်းမြစ်များ

SALM 90:12

To hikai ïa ngi katno ka long kaba lyngkot ka jingim jong ngi, khnang ba ngi lah ban long kiba stad.

EKLESIASTIS 2:14

Kiba stad ki lah ban ïohi shano ki leit, bad ki bieit kim lah.” Hynrei nga ruh nga tip ba kajuh ka kupar ka ap ïa ngi baroh.

EKLESIASTIS 2:16

Ym don mano mano ba kynmaw ïa ki briew kiba stad, bad ym don mano mano ba kynmaw ïa kiba bieit. Ha ki sngi ban wan, ïa ngi baroh yn klet. Ngi baroh ngin sa ïap — kiba stad bad kiba bieit kumjuh.

EKLESIASTIS 3:19

Nalor baroh, kajuh ka kupar ka ap ïa ki briew bad ïa ki mrad kumjuh. Uwei u ïap kum uwei pat. Ki long kijuh ki jingthaw. U briew um long uba kham bha ban ïa ka mrad, namar ka jingim kam don jingmut ïa ki baroh ar.

EKLESIASTIS 3:20

Baroh ar ki leit sha kajuh ka jaka — ka khyndew. Baroh ar ki la wan na ka bad baroh ar kin leit phai pat sha ka.

EKLESIASTIS 6:6

kham palat ban ïa u briew u bym ïoh lehkmen ha ka jingim, la u lah ban im ar hajar snem. Nalorkata, baroh ar ki leit sha kajuh ka jaka.

EKLESIASTIS 9:2

Kam don kano kano ka jingpher. Kajuh ka kupar ka wan ha uba hok bad ha uba bymman, ha uba bha bad ha uba sniew, ha kito kiba riewblei bad ha kito ki bymriewblei, ha kito kiba ai ki jingkñia bad ha kito ki bym ai. U briew babha um da ïapher eh na u nongpop; uta uba smai um ïapher eh na uta u bym smai.

EKLESIASTIS 9:3

Kawei ka kupar ka wan kumjuh ha baroh, bad kane ka long kaba bakla kum kano kano kaba jia ha kane ka pyrthei. Katba ki briew ki dang im, ki jingmut jingpyrkhat jong ki, ki dap da ka jingsniew bad ka jinglamwir, bad kynsan kynsan ki ïap.

EKLESIASTIS 9:5

Ho-oid kiba im ki tip ba kin ïap, hynrei kiba ïap kim tip ei ei. Kim don shuh kano kano ka bainong; ki long kiba ym don shuh mano mano ba kynmaw.

ISAÏAH 47:7

Pha pyrkhat ba phan ïailong ka syiem, bad pham shym la shim khia ïa kine kiei kiei lane pyrkhat kumno ba kine baroh kin kut.

JEREMAÏAH 16:8

“Wat rung shapoh ka ïing ha kaba ki briew ki ïakhawai. Wat shong bad ki ban bam bad dih.

HAGGAI 1:5

Hato phim ïohi ïa kaei kaba jia ha phi?

MALAKHI 2:2

Phi dei ban burom ïa nga da kaei ba phi leh. Lada phim shahshkor ïa kaei kaba nga ong, te ngan wallam ka jingtim ha phi. Ngan buh ïa ka jingtim ha kiei kiei kiba phi ïohpdiang na ka bynta ka jingkyrshan ïa phi. Ha ka jingshisha, nga la dep buh lypa ka jingtim ha ki, namar phim shym pdiang sngewkhia ïa ka hukum jong nga.

JINGKHEIÑ 23:10

Ki khun ki ksiew u Israel ki long kum u pui pui — Ki la ïabun palat, ym lah ñiew shuh ïa ki. Shah ba ngan pynkut ïa la ki sngi kum uwei na ki briew jong U Blei, Shah ba ngan ïap ha ka jingsuk kum u riewhok.”

MATHAÏOS 5:4

Suk kito kiba sngewsih; U Blei un pyntngen ïa ki!

DEUTERONOMI 32:29

Kim lah sngewthuh balei ba ki la shahjop; kim lah shemphang ïa kaba la jia.

DEUTERONOMI 32:46

u ong, “Sumar bha ban kohnguh ïa kine ki hukum baroh kiba nga la ai ha phi mynta ka sngi. Ïathuh ïa ki ha ki khun ki kti jong phi, ba ki ruh kin ïai kohnguh ïa baroh ki jinghikai jong U Blei.

PHILIPPI 3:19

Ka jingkut jong ki kan long ha dujok, namar u blei jong ki u long ki jingkwah brai ka doh jong ki. Ki sngewsarong ïa kaei kaba ki dei ban sngewlehrain, bad ki pyrkhat tang ïa kiei kiei kiba long ki jong kane ka pyrthei.

HEBRU 9:27

Uwei pa uwei u dei ban ïap tang shisien, bad hadien kata yn bishar da U Blei.