EKLESIASTIS 6:2 - Khasi CL Bible (BSI)

² U Blei un ai ha ngi ka spah, ka burom bad ka jingdon jingem, ho-oid baroh kaba ngi kwah, hynrei un ym shah ïa ngi ban ïoh lehkmen ïa ka. Pynban uwei pat u nongwei un ïoh lehkmen ïa ka. Ka long ka bymmyntoi, bad ka shu long ka bym dei.

KA BAIBL

² u briew ha uba U Blei u la ai ki spah, ka jingdon, bad ka burom, katba um kyrduh ei ei ïa la ka mynsiem na kiei kiei ba u kwah, pynban, U Blei um ai bor ïa u ban bam na ka, hynrei, u nongwei u bam ïa ka; kane ka long kaba thala, bad ka jingpang basniew.

EKLESIASTIS 6:2 ပူးပေါင်းရင်းမြစ်များ

1 SYIEM 3:13

Ngan ai ruh ha me ïa kaei kaba mem shym la pan: baroh shi rta ka jingim jong me, men don ka spah bad ka burom, kham bun ban ïa kata ka jong uno uno uwei pat u syiem.

1 KHRONIKL 29:25

U Trai u la pynlong ïa ka jaitbynriew baroh kawei ban tiengburom ïa u Solomon, bad u la pynlong ïa u uba kham donburom ban ïa uno uno uwei pat u syiem uba la synshar ïa ka Israel.

1 KHRONIKL 29:28

U la ïap ha ka rta kaba la tymmen bha, uba la dap kyrhai da ka spah bad ka burom; bad u Solomon u khun jong u, u long syiem ha ka jaka jong u.

2 KHRONIKL 1:11

U Blei u jubab ïa u Solomon, “Me la jied ïa kaba dei. Ha ka jaka ka jingpan ïa ka spah lane ka jingkynshew lane ka nam lane ka jingïap jong ki nongshun jong me lane wat ka jingjlan jong ka jingim jong me, me la pan ïa ka jingstad bad ka jingtip khnang ba me lah ban synshar ïa ki briew jong nga, kiba halor jong ki nga la thung syiem ïa me.

SALM 17:14

pynim ïa nga na kito kiba ha kane ka pyrthei ki don lut ïa kaba ki kwah. Pynshitom ïa ki da ki jingshitom kiba me la kynton na ka bynta jong ki; Ai ba kan dap na ka bynta ki khun ki kti jong ki bad katto katne kaba sah na ka bynta ki khun jong ki khun jong ki!

SALM 39:6

Baroh kaba u leh kam long ei ei; u lum spah, hynrei um tip uei u ban ïoh ïa ka.

SALM 73:7

ki dohnud jong ki, ki theh noh ïa kaba sniew, bad ki jingmut jong ki, ki bunkam da ki jingthmu bymman.

EKLESIASTIS 4:4

Nga la tip ruh balei ba ki briew ki trei shitom ban jop: Ka dei namar ba ki bishni ïa kiei kiei kiba ki paramarjan jong ki, ki don. Hynrei ka long ka bymmyntoi. Ka long kum ka jingbeh ïa ka lyer.

EKLESIASTIS 4:8

Hangne don uwei uba shong basah marwei. Um don khun shynrang lymne u para, pynban u ïai trei, um ju sngewhun ïa ka spah kaba u don. Na ka bynta jongno ba u trei shitom haduh katta katta bad ba u khanglad ïa lade hi na kano kano ka jingpynsngewbha? Kane ruh ka long ka bymmyntoi — bad ka lynti ba-isangsot ban im.

EKLESIASTIS 5:13

Hangne ka don kaei kaei kaba shyrkhei kaba nga la ïohi ha ka pyrthei: Ki briew ki lah ban bat tang shipor ïa la ka pisa haba ki lah ban donkam ïa ka,

EKLESIASTIS 5:16

Hato kam dei kumta? Ngi leit kumba ngi wan. Ngi trei, da kaba pyrshang ban kem ïa ka lyer bad aïu ngi ïoh?

EKLESIASTIS 5:18

Kane ka dei kaei kaba nga la shem: Kaba bha tam kaba ngi lah ban leh ka long ban bam bad ban dih bad ban lehkmen ïa kaei kaba ngi la trei ha ka jingim balyngkot kaba U Blei u la ai ïa ngi; kane ka dei ka kupar jong ngi.

EKLESIASTIS 5:19

Lada U Blei u ai ha ngi ka spah bad ka jingdon jingem bad to ngin lehkmen ha ki, ngi dei ban sngewnguh bad lehkmen ïa kaei kaba ngi la trei. Ka dei ka jingai na U Blei.

ISAÏAH 55:2

Balei ban pynlut pisa ha kaei ka bym ai jinghun? Balei ban pynlut ïa ka bainong jong phi bad ban dang hap shahthngan hi? To shahshkor ïa nga bad leh ïa kaei kaba nga ong, bad phin sngewtynnat ïa ka jingbam kaba bang tam na baroh.

SNGEWSYNEI 5:2

Ka jingdon jingem jong ngi ka don ha ki kti jong ki riewphylla; ki nongwei ki shong ki sah ha ki ïing jong ngi.

DANIEL 5:18

“U Blei Bahakhlieh Tam Eh u la pynlong ïa u Nebukhadnessar, u kpa jong me, u syiem uba khraw bad ai ha u ka burom bad ka jinglong syiem.

HOSIA 7:9

Ki shaniah ha ki jaitbynriew sawdong jong ki bad kim sngewthuh ba kane ka jingshaniah ha ki nongwei ka la bam duh noh ïa ka jingkhlaiñ jong ki. Ki sngi jong ki, ki la jan kut, hynrei kim shym la tip ïa kata.

DEUTERONOMI 28:33

Ki nongwei kin bam ei ïa ki jingmih na ki lyngkha jong phi ha kiba phi la trei shitom, katba phi pat phim ym ïoh ei ei lait tang ka jingshah banbeiñ bad ka jingshah lehbeiñ suda.

DEUTERONOMI 28:43

“Ki nongwei kiba shong hapdeng jong phi kin nang kham ïohbor katba ma phi pat phin nang duh ïa la ka bor.

NONGBISHAR 18:10

Ynda phi poi hangta, phin shem ba ki briew kim suba sniew ei ei. Ka long ka ri kaba heh, ka don lut kiei kiei kiba u briew u lah ban kwah, bad U Blei u la ai ïa ka ha phi.”