EKLESIASTIS 5:8 - Khasi CL Bible (BSI)

⁸ Wat lyngngoh haba phi ïohi ba ka sorkar ka banbeiñ ïa kiba duk bad kam ai ha ki ïa ka jinglehhok bad ïa ki hok jong ki. Ïa uwei pa uwei u rangbah synshar la ïada da uno uno uba kham halor bad ïa baroh ar la ïada da ki rangbah synshar kiba kham halor.

KA BAIBL

⁸ Lada men ïohi ïa ka jingbanbeiñ ïa u baduk, bad ïa ka jingpynduh ïa ka jingbishar bad ïa ka hok ha ka ilaka, wat sngewkyndit shaphang kata: namar uta uwei uba kham ha khlieh ban ïa uba ha khlieh u khmih; bad don uba kham ha khlieh ban ïa ki.

EKLESIASTIS 5:8 ပူးပေါင်းရင်းမြစ်များ

EKLESIASTIS 4:1

Nangta nga la khmih biang ha baroh ki jingbymlehhok kaba trei ha kane ka pyrthei. Kiba la shah banbeiñ ki lynñiar, bad ym don mano mano ban ïarap ïa ki. Ym don mano mano ban ïarap ïa ki namar ki nongbanbeiñ jong ki, ki don ka bor ha ka liang jong ki.

SALM 12:5

“Hynrei mynta ngan wan,” ong U Trai, “namar ïa kiba kyrduh la banbeiñ bad kiba shah pynshitom beiñ ki ud ha ka jingshitom. Ngan ai ha ki ïa ka jingshngain kaba ki thrang eh.”

EKLESIASTIS 3:16

Shuh shuh, nga la ïohi ruh ba ha kane ka pyrthei phi shem ka jingbymman ha ka jaka kaba ka jinglehhok bad ka hok ki dei ban don.

SALM 82:1

U Blei u pynïaid ha ka dorbar bneng; ha ka jingïaseng bah jong ki blei u ai ïa ka rai jong u:

JAKOB 2:13

Naba U Blei un ym pyn-i jingsngewsynei haba u bishar ïa u briew u bym shym la leh-isynei; hynrei ka jinglehisynei ka jop noh halor ka jingbishar.

KI KAM 12:23

Mar kumta hi u angel jong U Trai u la tied ïa u Herod, namar ba um shym ai burom ïa U Blei. La bam ïa u da ki ksaiñ, bad u la ïap.

LOUKAS 1:76

“Ïa me, ko khun jong nga, yn khot u nongïathuhlypa jong U Blei Bahakhlieh Tam Eh. Men leit ha shuwa jong U Trai ban pynkhreh ka lynti na ka bynta jong u,

LOUKAS 1:35

U angel u la jubab, “U Mynsiem Bakhuid un sa wan ha pha, bad ka bor jong U Blei kan shong halor jong pha. Na kane ka daw, ïa i khunlung bakhuid yn khot U Khun U Blei.

LOUKAS 1:32

Un long uba khraw, bad yn khot ïa u, U Khun jong U Blei Bahakhlieh Tam Eh. U Trai Uba U Blei un pynlong syiem ïa u, kumba u Dabid u kpa tymmen jong u, u la long,

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

SEKHARAÏAH 8:6

“Kane ka lah ban i kum ka bym lah long ha kito ki jaitbynriew kiba dang sah mynta, hynrei kam long ka bym lah ban long ïa nga.

MIKAH 2:9

Phi beh noh ïa ki kynthei jong ki briew jong nga na ki ïing ba ki ieit, bad phi lute khlem kut ïa ki jingkyrkhu jong nga na ki khun jong ki.

AMOS 6:12

Hato ki kulai ki ju mareh halor ki mawsiang? Hato ki briew ki ju lur ïa ka duriaw da ki masi dab? Pynban phi la pynkylla ïa ka jingbishar hok sha ka bih, bad ïa kaba dei sha ka bymdei.

AMOS 5:12

Nga tip haduh katno ki pop jong phi ki long kiba sngewshyrkhei bad katno kiba bun ki kam runar phi la leh. Phi pynshitom beiñ ïa ki briew kiba bha, phi bamsap, phi khang noh ïa kiba duk ban ïoh ïa ka jingbishar hok ha ki ïingbishar.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 37:36

U angel jong U Trai u leit sha ka jaka shong dara ki Assyria bad u pynïap shi lakh phraphew san hajar ngut ki shipai. Dang step phyrngab ka sngi kaba bud hangta ki thiah, baroh ki la ïap!

ISAÏAH 10:12

Hynrei U Trai u ong, “Haba nga pyndep ïa kaei kaba nga leh halor u lum Seïon, ngan pynshitom ïa u patsha jong ka Assyria namar ki jingkob bad ki jingsarong jong u baroh.”

ISAÏAH 5:7

Ka Israel ka dei ka bri sohwaiñ jong U Trai Badonbor Baroh; ki briew ka Judah ki dei ki dieng sohwaiñ kiba u la thung. U la khmih lynti ba kin leh ïa kaei kaba bha, hynrei pynban ki la pynïap briew. U la khmih lynti ba kin leh ïa kaba dei, hynrei kiba shah lanot jong ki, ki kyang ïa ka jingbishar hok.

ISAÏAH 3:15

Phim don hok ban khñiot ïa ki briew jong nga bad ban shim kabu ïa kiba duk. Ma nga U Nongsynshar U Trai Badonbor baroh nga la kren.”

PROBERB 8:17

Nga ieit ïa kito kiba ieit ïa nga; kita kiba wad ïa nga kin shem ïa nga.

SALM 95:3

Naba U Trai u long U Blei bakhlaiñbor, u syiem uba khrawbor halor ki blei baroh.

SALM 83:18

Ai ba kin tip ba tang ma me hi me long U Trai u nongsynshar uba hakhlieh tam ha ka pyrthei baroh kawei.

SALM 55:9

To pynkulmar ïa ka jingkren ki nongshun jong nga, A Trai! Nga ïohi ïa ka jinglehbor bad ka jingïakhih ha ka nongbah,

1 ÏOANNIS 3:13

Phi wat sngewlyngngoh, ko ki para jong nga, lada ki briew jong ka pyrthei ki isih ïa phi.

1 PETROS 4:12

Ko ki paralok ba-ieit jong nga, to wat sngewphylla ïa ka jingtynjuh ba-eh kaba phi shahshitom, kumba kiei kiei kiba khyllah ki wan jia ha phi.

Ka Shithi U Paul Sha Ki Nong Rom 11:33

Katno ka long kaba khraw ka spah jong U Blei! Katno ki long kiba jylliew ka jingstad bad ka jingtip jong u! Uei uba lah ban batai ïa ki jingrai jong U? Uei uba lah ban sngewthuh ïa ki lynti jong u?

PROBERB 22:16

Lada phi ai sngewbha sha ki briew kiba riewspah lane banbeiñ ïa kiba duk ban ïoh riewspah, phin long uba duk ïa lade.

PROBERB 24:12

Phi lah ban ong ba kam dei ka kam jong phi, hynrei U Blei u tip bad u bishar ïa ki jingthmu jong phi. U ïai ap khmih ïa phi; u tip. Un ainong ïa phi kat kum kaei kaba phi leh.

EKLESIASTIS 5:9

Wat u syiem u shaniah ha ka jingot.

EKLESIASTIS 7:7

Phi lah ban long uba stad, hynrei lada phi shukor ïano ïano, phi leh la kum u bieit. Lada phi shim klop, phi pynjot ïa la ka jinglong jingim.

EKLESIASTIS 8:9

Nga la ïohi ïa kane baroh haba nga pyrkhat ïa kiei kiei kiba la leh ha kane ka pyrthei, ka pyrthei ha kaba katto katne ki briew ki don ka bor bad kiwei pat ki dei ban shahshitom hapoh jong ki.

ESEKIEL 18:18

Ha kawei pat ka liang, u kpa jong u, u la shukor bad lute bad u ïai leh ïa kaba sniew ha uwei pa uwei baroh. Bad kumta u la ïap namar ki pop kiba ma u hi u la leh.

2 KHRONIKL 26:10

U tei ruh ki kut kiba skhem ha ki rudnong, bad u tih shibun ki pukri, naba u don ki kynhun jingri kiba bun ha kjat ki lum bashaphang sepngi bad ha ki pyntha. Namar ba u ieit ïa ka rep ka riang, u pynshlur ïa ki briew ban thung dieng sohwaiñ ha ki jaka lum bad ban rep ha ki jaka kiba seisoh.

Ka Kitab U Job 24:23

U Blei u lah ban shah ïa u ban im khlem jingpynthut, hynrei u peit-thuh pat ïa u man la ka por.