EKLESIASTIS 5:1 - Khasi CL Bible (BSI)

¹ Da sumar shaphang kaba leit sha ka Templ. Ka kham bha ban leit hangta ban ïoh jinghikai ban ïa kaba ai jingkñia kum ki briew ba-bieit ki bymtip ïa kaba dei na kaba bakla.

KA BAIBL

¹ Sumar ïa la ka sla'jat haba me leit ha ka ïing U Blei; namar kaba leit hajan ban sngap, ka long kham bha ban ïa ka ban ai ka jingainguh kiba bieit: namar ki kim tip ba ki leh sniew.

EKLESIASTIS 5:1 ပူးပေါင်းရင်းမြစ်များ

2 KHRONIKL 26:16

Hynrei haba u syiem Ussaïah u la kylla long uba khlaiñbor, u la sngewmeng noh pynban, bad kata ka ïalam sha ka jingkhyllem noh jong u. U ïaleh pyrshah ïa U Trai U Blei jong u da kaba u leit rung sha ka Templ ban thang jingiwbih ha ka duwan thang jingiwbih.

Ka Kitab U Job 22:12

Hato U Blei um shong ha ki bneng kiba hajrong tam bad jngoh shapoh ïa ki khlur, wat la ki don hajrong?

SALM 89:7

Ïa me la sheptieng ha ka jingïalang jong kiba khuid, bad baroh na ki, ki ïeng ha ka jingtiengburom ïa me.

EKSODOS 3:5

“Wat wan sha jan,” ong U Blei. “Loit noh ïa la ki juti, namar me ïeng ha ka jaka kaba khuid.

EKSODOS 30:18

“Shna kawei ka dabor rnong, kaba ka jingpynshong jong ka ruh dei da ka rnong. Buh ïa ka hapdeng ka Ïingjaiñ bad kata ka duwan, bad pyndap um ïa ka.

PROBERB 10:19

Katba phi nang bunktien, katta phi nang leh pop. Lada phi long uba stad phin sngap jar.

PROBERB 15:8

U Trai u sngewbha haba ki briew kiba bha ki duwai, hynrei u isih ïa ki jingkñia kiba ki bymman ki wallam ha u.

PROBERB 21:27

U Trai u ijli ïa kata, haba ki briew ba-bymman ki ai ki jingkñia ha u, khamtam lada ki leh ïa kata na ki jingthmu bymman.

ISAÏAH 66:3

“Ki briew ki leh katba ki sngewbha. Baroh ka long kajuh ïa ki, la ki pynïap ïa u masi kyrtong kum ka jingkñia lane jingkñia da u briew; la ki kñia da u khunlangbrot lane ki pyndkut ïa ka ryndang u ksew; la ki wanrah ka jingainguh kew ne ki ainguh da ka snam sniang; la ki thang jingiwbih ne ki duwai ha ka bleithaw. Ki shem sngewbha ha ki rukom ba-ijli ha ka jingmane.

LEBITIKOS 10:3

Te u Moses u ong ha u Aaron, “Kane ka long kaei kaba U Trai u la kren shaphang jong ka mynba u ong, ‘Baroh kiba shakri ïa nga ki dei ban burom ïa ka jinglongkhuid jong nga; ngan pynpaw ïa ka burom jong nga ha la ki briew.’ ” Hynrei u Aaron u shu sngap jar.

KI KAM 10:33

Bad kumta shisyndon nga la phah khot ïa me, me ruh me la long uba sbun eh ban wan. Mynta ngi baroh ngi don hangne ha ka jingdon ryngkat jong U Blei, da kaba ap ban ïohsngew ïa kano kano kaba U Trai u la bthah ïa me ban ong.”

KI KAM 17:11

Ki briew hangta ki long kiba kham ïar jingmut ban ïa ki briew kiba ha Thessaloni. Ki la shahshkor ïa ka khubor da ka jingangnud bakhraw, bad man ka sngi ki ju pule bniah ïa ki Jingthoh Bakhuid ban khmih lada kaei kaba u Paul u ong ka long kaba shisha.

1 KORINTH 11:22

Hato phim don la ka jong ka ïing ban ïabam ïadih? Lane hato phi da kwah ban ñiewbeiñ ïa ka balang U Blei bad ban pynlehrain ïa ki briew kiba kyrduh? Kaei ba phi khmih lynti ïa nga ban ong ha phi shaphang kane? Hato ngan ïaroh ïa phi? Em, ngan ym leh kumta!

HEBRU 10:26

Naba yn ym don shuh kano kano ka jingkñia kaba lah ban kit noh ïa ki pop lada ngi ïai leh pop hadien ba ngi la tip ïa ka jingshisha.

JAKOB 1:19

To kynmaw ïa kane, ko parabangeit ba-ieit jong nga! Uwei pa uwei u dei ban long uba kloi ban shahshkor, hynrei uba suki ban kren bad uba suki ban bitar.

JOSHUA 5:15

Te uta u rangbah ai hukum jong ka kynhun ïapom U Trai u ong ha u, “Loit noh ïa ki juti jong me, naba kata ka jaka ha kaba me ïeng ka long kaba khuid.” Bad u Joshua u la leh kumba la bthah ïa u.