EKLESIASTIS 3:4 - Khasi CL Bible (BSI)

⁴ U buh ka por ban sngewsih bad ka por ban kmen, ka por ban ïam sngewsih bad ka por ban shad,

KA BAIBL

⁴ ka por ban ïam, bad ka por ban rkhie; ka por ban sngewsih, bad ka por ban shad;

EKLESIASTIS 3:4 ပူးပေါင်းရင်းမြစ်များ

JENESIS 21:6

Ka Sarah ka ong, “U Blei u la wanrah ka jingkmen bad ka jingrkhie ïa nga. Kat kiba ïohsngew ïa kane kin ïa-rkhie bad nga.”

2 SAMUEL 6:16

Katba dang wallam ïa ka Synduk shapoh ka nongbah, ka Mikhal, ka khun jong u Saul, ka la peit na ka jingkhangïit bad ka la ïohi ïa u Syiem Dabid ba u shad bad kynthih kylleng sawdong ha ka jingshad bakyntang, bad ka la i ngiah ïa u.

SALM 30:11

Me la pynkylla ïa ka jingsngewsih jong nga sha ka jingshadkmen; me la shim noh ïa ka jingsngewsih jong nga bad kerkut ïa nga da ka jingkmen.

SALM 30:5

Ka jingbitar jong u ka neh tang shipor, ka jingbha jong u ka neh shi rta. Ki ummat ki lah ban jaw mynmiet, hynrei ka jingkmen ka wan pat mynstep.

EKSODOS 15:20

Te ka Miriam ka nongïathuhlypa, ka para jong u Aaron, ka la shim ïa la ka kanjari, bad ki kynthei baroh ruh ki la ïabud nadien jong ka, ki da tem ïa ki kanjari, bad ki da ïashad ruh.

EKLESIASTIS 3:5

ka por ban phylliew jingieit bad ka por ban ym phylliew jingieit, ka por ban ïadoh bad ka por ban ym ïadoh.

EKLESIASTIS 7:14

Haba kiei kiei ki bit ki biang ïa phi, to kmen, bad haba ka jingjynjar ka wan, shu kynmaw: U Blei u phah ïa ka jingkmen bad ka jingjynjar; phin ym tip da lei lei kaei ka ban jia hadien.

ISAÏAH 40:1

“Pyntngen ïa ki briew jong nga,” ong U Blei jong ngi. “Pyntngen ïa ki!

ISAÏAH 40:2

To pynshlur ïa ki briew ka Jerusalem. To ïathuh ha ki ba ki la jynjar slem bha bad ïa ki pop jong ki la map mynta. Nga la pynshitom ïa ki la biang bha na ka bynta ki pop jong ki baroh.”

MATHAÏOS 11:17

‘Ngi la tem ka jingrwai shongkurim na ka bynta jong phi, hynrei phim shym la shad! Ngi la rwai ïa ki jingrwai ïapbriew, hynrei phim shym la ïam!’

MATHAÏOS 9:15

U Jisu u la jubab, “Hato phi khmih lynti ba kiba shah khot sngewbha sha ka jingkhawai shongkurim kin sngewsih katba u nongleitkurim u dang don lem bad ki? Em kam long kumta! Hynrei ka sngi kan poi haba ïa u nongleitkurim yn shim noh na ki, bad kumta keiñ kin sa shahjingit.

LOUKAS 1:58

Ki paramarjan bad ki ba-ha-ïing jong ka, ki la ïohsngew haduh katno U Trai u la long ka jingbha kaba phylla ïa ka, bad baroh ki la shadkmen lem bad ka.

Ka Shithi U Paul Sha Ki Nong Rom 12:15

To ïakmen bad kito kiba kmen, to ïa-ïam bad kito kiba ïam.

2 KORINTH 7:10

Naba ka jingsngewsih ïa kaba la pyndonkam da U Blei ka wanrah ïa ka jingkylla ha ka dohnud kaba ïalam sha ka jingpynim — bad kam don ka jingbabe ha kata! Hynrei ka jingsngewsih ba kynja briew ka ïalam sha ka jingïap.

JAKOB 4:9

To leh sngewsih, to ïam, bad to ïamkthang; to pynlong ïa ka jingrkhie ban kylla sha ka jingïam, ka jingkmen sha ka jingsngewdiaw!