EKLESIASTIS 3:2 - Khasi CL Bible (BSI)

² U buh ka por ban kha bad ka por ban ïap, ka por ban thung bad ka por ban rat noh,

KA BAIBL

² ka por ban kha, bad ka por ban ïap; ka por ban thung, bad ka por ban rat noh ïa kata kaba la thung;

EKLESIASTIS 3:2 ပူးပေါင်းရင်းမြစ်များ

JENESIS 17:21

Hynrei ngan bat ïa la ka jutang bad u khun jong me u Isaak, ïa uba ka Sarah kan sa kha ha me kum ha kane ka aïom ha ka snem ka ban wan.”

JENESIS 47:29

Shuwa ba u Jakob un ïap, u khot ïa u Joseph u khun jong u, bad u ong ha u, “Buh ïa la ka kti hapdeng ki lbong jong nga, bad kular da shisha ba phin ym tep ïa nga ha Ijipt.

1 SYIEM 13:2

Ha kaba bud ïa ka hukum jong U Trai, u nongïathuhlypa u kren pynrem ïa ka duwan: “Ko duwan, duwan! Kane ka long kaba U Trai u ong, ‘U khunlung ïa uba yn khot kyrteng u Josaïah, yn sa kha ha ka longïing jong u Dabid. Un sa pynïap ha pha ïa ki lyngdoh kiba shakri ha ki jaka mane blei thala, bad un thang ïa ki shyieng briew halor jong pha.’ ”

2 SYIEM 4:16

bad u Elisha u ong ha ka, “Kum ha kane ka por ha ka snem kaba bud phin rah ïa u khun ha ki ksang'ti jong phi.” “O!” ka ong da kaba kyndit. “Sngewbha, ko kynrad, wat lamler ïa nga. Phi dei u briew jong U Blei!”

Ka Kitab U Job 14:14

Lada u briew u ïap noh, hato u lah mo ban im pat? Hynrei ngan ap ïa ki aïom kiba kham bha, ban ap haduh ka por jong ka jingjynjar kan wai noh.

Ka Kitab U Job 14:5

Ka jingjrong ka rta ka jingim jong ngi la rai lypa — Ka jingkheiñ ki bnai ba ngin im. Lah dep buh ïa u pud, bad ym lah ban pynkylla.

Ka Kitab U Job 7:1

Ka jingim briew ka long kum ka jingshakri u shipai ba shu pynbor, kum ka jingim u nongbylla sngi uba hap ban trei shitom,

SALM 113:9

U pyndonburom ïa ka tnga ka bym don khun ha ka ïingshong jong ka; u pynkmen ïa ka da kaba ai ki khun ha ka. A to ïaroh ïa U Trai!

SALM 52:5

Kumta U Blei un pynjot ïa me junom; un bat ïa me ha lade bad knieh kynthet ïa me na ka ïing jong me; un weng noh ïa me na ka pyrthei kiba im.

PROBERB 24:27

Wat tei ïa ka ïing jong phi bad pynskhem ïa ka longïing tad haduh ban pynbiang ïa ki lyngkha jong phi, bad phin thikna ba phi lah ban kamai ha ka jingim.

ISAÏAH 28:24

Ym don u nongrep uba lur sah ïa ki lyngkha jong u bad uba pynkhreh ïa ki na ka bynta ka jingbet.

ISAÏAH 38:1

Kum ha kane ka por u Syiem Hesekaïah u la kem pang bad u la jan ïap. U Isaïah u nongïathuhlypa u khun jong u Amos u la leit ban jngoh ïa u bad u la ong ha u, “U Trai u ïathuh ïa phi ba phi dei ban buh beit ïa kiei kiei baroh namar phin ym koit shuh. Pynkhreh ban ïap.”

ISAÏAH 54:1

Ko Jerusalem, pha la long kum ka briew ka bym don khun, hynrei mynta pha lah ban rwai bad risa da ka jingkmen. Mynta phan sa ïoh kham bun ki khun ban ïa ka briew kaba u tnga jong ka um ju iehnoh ïa ka!

JEREMAÏAH 1:10

Ha kane ka sngi nga ai ha me ka iktiar halor ki jaitbynriew bad ki hima ban rat bad ban pynkhyllem, ban pynjot bad ban bret sharud, ban tei bad ban thung.”

JEREMAÏAH 45:4

“Hynrei ma nga, U Trai, nga la pyntwa noh ïa kaei kaba nga la tei bad rat noh ïa kaei kaba nga la thung. Ngan leh ïa kane ha ka pyrthei baroh kawei.

MATHAÏOS 13:41

U Khun U Briew un phah ïa la ki angel ba lumlang napoh ka Hima jong u ïa kito baroh kiba pynlong ïa ki briew jong u ban leh pop bad ïa baroh kiwei pat kiba leh ïa kiei kiei kiba sniew,

MATHAÏOS 15:13

“Ïa u jingthung baroh ïa uba U Kpa jong nga uba ha bneng um shym la thung, yn rat noh,” la jubab U Jisu.

LOUKAS 1:13

Hynrei u angel u la ong ha u, “Wat sheptieng, ko Sekharaïah! U Blei u la shahshkor ïa ka jingduwai jong me, bad ka Elisabeth ka tnga jong me kan kha u khun ïa me. Men kyrteng ïa u, u Ïoannis.

LOUKAS 1:20

Hynrei mem shym ngeit ïa ka khubor jong nga, ka ban urlong shisha ha ka por kaba dei. Namar ba mem shym la ngeit, men ym lah ban kren, men ïailong uba jar jar tad ynda ka sngi ha kaba ka jingkular jong nga ha me ka urlong shisha.”

LOUKAS 1:36

To kynmaw ïa ka ba-ha-ïing jong pha, ka Elisabeth. Ïa kaba la ong ba kam lah ban ïoh khun, hynrei mynta ka la hynriew bnai ka jingpunkhun, wat la ka la long kaba la tymmen bha.

ÏOANNIS 16:21

Haba ka briew kan sa kha khun, ka sngewsih namar ba ka kynta jong ka jingshahshitom jong ka, ka la poi; hynrei haba la kha ïa i khunlung, ka klet noh ïa la ka jingshah shitom, namar ka kmen ba la kha ïa i khunlung sha ka pyrthei.

ÏOANNIS 7:30

Te ki la pyrshang ban kem ïa u, hynrei ym don uba la ktah kti ïa u, namar ba ka kynta jong u kam pat poi.

KI KAM 7:17

“Haba ka por ka la nang jan na ka bynta U Blei ban bat ïa ka kular kaba u la kular ha u Abraham, ka jingdon jong ki briew jong ngi ha Ijipt ka la roi bun shah.

KI KAM 7:20

Ka la long ha kane ka por ba la kha ïa u Moses, u khunlung uba bhabriew haduh katta katta.

GALATIA 4:4

Hynrei haba ka ïa kaba biang ka la poi, U Blei u la phah ïa la U Khun.

DEUTERONOMI 34:5

Kumta u Moses, u shakri U Trai, u la ïap hangta ha ri Moab, kumba U Trai u la ong.

HEBRU 9:27

Uwei pa uwei u dei ban ïap tang shisien, bad hadien kata yn bishar da U Blei.

1 SAMUEL 2:5

Kito kiba la im pahuh pahai shisien mynta ki leit bylla ban ïoh bam, hynrei kito kiba thngan kim thngan shuh. Ka briew kaba lyngki ka ïoh khun hynñiew ngut, hynrei ka kmie kaba bun ki khun ka sah marwei.