EKLESIASTIS 2:7 - Khasi CL Bible (BSI)

⁷ Nga la thied shibun ki mraw bad la don bun ki mraw kiba la kha ha ka ïing jong nga. Nga la don bun ki jingri ban ïano ïano ba la ju shong ju sah ha Jerusalem.

KA BAIBL

⁷ nga la thied ki shakri shynrang bad ki shakri kynthei, bad nga la don ki shakri kiba la kha ha ka ïing jong nga; nga la don ruh bun ki kynhun masi bad ki kynhun langbrot, tam ïa baroh kiba la long mynshuwa ïa nga ha Jerusalem:

EKLESIASTIS 2:7 ပူးပေါင်းရင်းမြစ်များ

JENESIS 13:2

U Abram u la long uba riewspah shibun, ha ka jingdon ïa ki langbrot bad ki blang, kumjuh ruh ha ka jingdon ïa ka rupa bad ka ksiar.

JENESIS 14:14

Haba u Abram u la ïohsngew ba la kem koidi ïa u pyrsa jong u, u khot lang ïa ki nongïapom kiba don hapoh ka dara jong u, baroh ki long laispah khatphra ngut, bad u la thwet ïa ki saw ngut ki syiem haduh Dan.

JENESIS 15:3

Mem shym la ai khun ïa nga, bad uwei na ki mraw jong nga un ïohpateng ïa ka spah ka phew jong nga.”

1 SYIEM 4:23

shiphew tylli ki masi ba la bsa pynsngaid ha sem, arphew tylli ki masi bam phlang ha lum, bad shispah tylli ki langbrot, nalor ki skei, ki khiat, ki 'keirang, bad ki syiar.

2 SYIEM 3:4

U Mesha u syiem ka Moab u ri pynroi langbrot, bad man ka snem u ai ka jingnguh ïa u syiem Israel shi lakh tylli ki khunlangbrot, bad u 'saiwul na ki shi lakh tylli ki langbrot.

2 KHRONIKL 26:10

U tei ruh ki kut kiba skhem ha ki rudnong, bad u tih shibun ki pukri, naba u don ki kynhun jingri kiba bun ha kjat ki lum bashaphang sepngi bad ha ki pyntha. Namar ba u ieit ïa ka rep ka riang, u pynshlur ïa ki briew ban thung dieng sohwaiñ ha ki jaka lum bad ban rep ha ki jaka kiba seisoh.

ESRA 2:55

Ki kur jong ki shakri u Solomon kiba wan phai na ka jingshah ringmraw: Sotai, Hassophereth, Peruda, Jaalah, Darkon, Giddel, Shephataïah, Hattil, Pokhereth Hassebaim bad Ami.

ESRA 2:58

Baroh ki khun ki ksiew jong ki nongtrei ka Templ bad ki shakri u Solomon kiba la wan phai na ka jingshah ringmraw ki long laispah khyndaiphew ar ngut.

NEHEMAÏAH 7:57

Ki kur ki shakri u Solomon kiba wan phai na ka jingshah ringmraw: Sotai, Sophereth, Perida, Jaalah, Darkon, Giddel, Shephataïah, Hattil, Pokhereth Hassebaim bad Amon.

Ka Kitab U Job 1:3

U don ruh shibun ngut ki shakri bad u la long u briew bariewspah tam ha ka ri Mihngi.

Ka Kitab U Job 42:12

U Trai u la kyrkhu ïa ka bynta kaba khatduh jong ka jingim u Job kham palat ban ïa kaba u la kyrkhu ha kaba mynnyngkong. U Job u long trai ïa ki khatsaw hajar tylli ki langbrot, hynriew hajar tylli ki ut, ar hajar tylli ki masi, bad shihajar tylli ki kada.

LOUKAS 12:45

Hynrei lada uta u shakri u ong ha lade ba u kynrad jong u, u shim por slem ban wan phai bad lada u sdang ban shoh ïa kiwei pat ki shakri, shynrang bad kynthei, bad bam bad dih bad buaid,