EKLESIASTIS 2:3 - Khasi CL Bible (BSI)

³ Haba la pynkhih ïa nga da ka jingkwah ïa ka jingstad, nga la rai ban pynsngewbha ïa la ka dohnud da ka waiñ bad ban ïoh ka por basngewtynnat. Nga la pyrkhat ba kane ka lah ban long ka lynti kaba bha tam ba ki briew ki lah ban pynlut ïa ka jingim jong ki kaba lyngkot ha ka pyrthei.

KA BAIBL

³ Nga la wad ha la ka dohnud kumno ban pynkmen ïa la ka doh da ka Waiñ, ka dohnud jong nga ka dang ïalam ïa nga da ka jingstad, bad kumno ban kem bat ïa ka jingbieit, tad ynda ngan ïohi kaei ka babha ïa ki khun bynriew ba kin leh hapoh ka bneng baroh ki sngi ka rta jong ki.

EKLESIASTIS 2:3 ပူးပေါင်းရင်းမြစ်များ

JENESIS 47:9

U Jakob u jubab, “Ha ka jingim jong nga kaba ïaidwir nawei shawei nga la dap shispah laiphew snem. Kita ki snem ki long kiba khyndiat bad kiba eh, ym kum ki snem kiba jrong ba ki kpa tymmen jong nga ki la pynlut ha ka jingïaid wir.”

Ka Kitab U Job 14:14

Lada u briew u ïap noh, hato u lah mo ban im pat? Hynrei ngan ap ïa ki aïom kiba kham bha, ban ap haduh ka por jong ka jingjynjar kan wai noh.

SALM 104:15

bad pynmih um sohwaiñ ban pynsngewbha ïa u, ka umphniang Olib ban pynkmen ïa u, bad u kpu ban ai jingkhlaiñ ïa u.

PROBERB 20:1

Kaba dih kyiad palat ka pynlong ïa phi uba bunktien bad uba bieit. Ka long ka jingijli ban buaid.

EKLESIASTIS 1:17

Nga la kut jingmut ban tip ka jingïapher hapdeng ka jingtip bad ka jingbieit, ka jingstad bad ka jinglamwir. Hynrei nga shem ba nga ruh imat nga beh ïa ka lyer.

EKLESIASTIS 10:19

Ka jingbam khawai ka pynkmen ïa phi bad ka waiñ ka pyndap jingkmen ïa phi, hynrei phin ym ïoh ïa kano kano na kine khlem ka pisa.

EKLESIASTIS 12:13

Hadien kane baroh, don tang kawei ban ong: To tiengburom ïa U Blei, bad kohnguh ïa ki hukum jong u, namar dei ïa kane keiñ ba la thaw ïa u briew.

EKLESIASTIS 2:24

Kaba bha tam kaba u briew u lah ban leh ka long ban bam bad dih bad ban lehkmen ïa kaei kaba u la kamai. Bad wat la katta, nga la sngewthuh ba wat kane ka wan na U Blei.

EKLESIASTIS 5:18

Kane ka dei kaei kaba nga la shem: Kaba bha tam kaba ngi lah ban leh ka long ban bam bad ban dih bad ban lehkmen ïa kaei kaba ngi la trei ha ka jingim balyngkot kaba U Blei u la ai ïa ngi; kane ka dei ka kupar jong ngi.

EKLESIASTIS 6:12

Kumno uno uno u lah ban tip kaei kaba bha ïa ngi ha kane ka jingim jong ngi kaba lyngkot bad ka bymmyntoi — ka jingim kaba ïaid kum ka syrngiew? Kumno ngi lah ban tip aïu kan jia ha ka pyrthei hadien ba ngi la ïap?

EKLESIASTIS 7:18

Kiar ïa baroh ar tylli ki tduh. Lada phi don ka jingtiengburom ïa U Blei, la kumno kumno phin long kiba jop.

EKLESIASTIS 7:25

Hynrei nga la pynleit ïa lade ha ka jingtip bad ha ka jingpule bniah; nga la kut jingmut ban shem ïa ka jingstad bad ïa ki jubab ïa ki jingkylli jong nga, bad ban tip haduh katno ka jingtasngeng ka long kaba sniew bad kaba bieit.

EKLESIASTIS 8:15

Kumta nga la pdiang ba u briew u dei ban pynsngewbha ïa lade namar ka jingpynsngewbha kaba tang ma ka kaba u ïoh ha kane ka jingim ka long ka jingïabam bad ka jingïadih bad ka jinglehsngewbha ïa lade. U lah la kumno kumno ban leh ïa kane katba u trei ha ka jingim kaba U Blei u la ai ha u ha kane ka pyrthei.

MATHAÏOS 6:24

“Ym don uba lah ban long u mraw jong ar ngut ki kynrad; un isih ïa uwei bad ieit ïa uwei pat; un long uba kohnguh ïa uwei bad ñiewbeiñ ïa uwei pat. Phim lah ban shakri ïa baroh ar, ïa U Blei bad ïa ka pisa.

EPHESOS 5:18

Wat buaid da ka waiñ, ha kaba kan pynjot ïa phi; pynban, to long kiba la pyndap da U Mynsiem.

NONGBISHAR 9:13

Hynrei u dieng sohwaiñ u jubab, ‘Na ka bynta ban synshar ïa phi, ngan hap sangeh ban pynmih ïa ka waiñ jong nga, kaba pynkmen ïa ki blei bad ïa ki khunbynriew.’

1 SAMUEL 25:36

Ka Abigail ka leit phai sha u Nabal, uba don ha ïing ha ka jingkhawai kaba kat ka jingkhawai u syiem. U la buaid bad shongshit, kumta kam shym ïathuh ei ei haduh ka step kaba bud.