EKLESIASTIS 1:9 - Khasi CL Bible (BSI)

⁹ Kaei kaba la jia mynshuwa kan wan jia biang. Kaei kaba la pyndep mynshuwa yn leh biang. Ym don kano kano kaba thymmai ha ka pyrthei baroh kawei.

KA BAIBL

⁹ Kata kaba la lah long, long kata ka ban sa long; bad kata kaba la lah leh, long kata ka ban sa leh: te ym don ei ei ka bathymmai hapoh ka sngi.

EKLESIASTIS 1:9 ပူးပေါင်းရင်းမြစ်များ

EKLESIASTIS 1:10

“Ha khmih,” ki ong, “hangne ka don kaei kaei kaba thymmai!” Hynrei, em, baroh ka lah jia mynshuwa, slem bah shuwa ban kha ïa ngi.

EKLESIASTIS 2:12

Nalor baroh, u syiem u lah ban leh tang ïa kaei kaba ki syiem kiba ha shuwa ki la leh. Kumta nga la sdang ban pyrkhat aïu ka mut ban long uba stad lane uba thurmur lane uba bieit.

EKLESIASTIS 3:15

Kaei kaei kaba jia lane kaba lah ban jia ka la lah jia mynshuwa. U Blei u pynlong ïa kajuh ban jia bad ïai jia.

EKLESIASTIS 6:10

Kaei kaei kaba jia ka dei kaba la rai lypa slem bah mynshuwa, bad ngi baroh ngi tip ba phim lah ban ïania bad uno uno uba kham khlaiñ ban ïa phi.

EKLESIASTIS 7:10

Wat ju ong, “O! balei mo kiei kiei ki kham bha shibun ha ki sngi mynbarim?” Kam long ka jingkylli kaba shemphang.

ISAÏAH 43:19

To khmih ïa kaba thymmai kaba ngan leh. Ka la jia lypa — phi lah ban ïohi ïa ka mynta! Ngan pynlong ïa ka lynti lyngba ka ri khlaw bad ïa ki wahduid ngan ai ïa phi na ka um hangta.

JEREMAÏAH 31:22

Haduh katno phin pynslem, ko ki briew bym don jingngeit? Nga la thaw kaei kaei kaba thymmai bad kaba pher, kaba pher kum ka briew kaba ïada ïa u briew.”

2 PETROS 2:1

Ki nongïathuhlypa balamler ki la ju mih ha ki por ba la leit noh hapdeng ki briew, bad ha kajuh ka rukom, ki nonghikai balamler kin mih hapdeng jong phi. Kin wallam ïa ki jinghikai bapynjot bad bymshisha ïa ki jinghikai shongtynrai bad kin len ïa U Kynrad uba la siewspah ïa ki, bad kumta kin wallam ha lade ïa ka jingpynjot kaba kynsan.

JINGPYNPAW 21:1

Nangta nga la ïohi ïa ka bneng bathymmai bad ïa ka pyrthei bathymmai. Ka bneng banyngkong bad ka pyrthei banyngkong ki la jah noh, bad ka duriaw kam don shuh.

JINGPYNPAW 21:5

Nangta uta uba shong ha ka khet u la ong, “Bad mynta nga thaw thymmai ïa kiei kiei baroh!” U la ong ruh ïa nga, “Thoh ïa kane, namar kine ki ktien ki long kiba shisha bad kiba lah ban shaniah.”