DEUTERONOMI 8:2 - Khasi CL Bible (BSI)

² Kynmaw kumno U Trai U Blei jong phi u la ïalam ïa phi baroh shi lynter lynti lyngba ka ri shyiap ha kine ki sawphew snem kiba la dep ba un pyndem ïa phi, u da tynjuh ïa phi ba un ïoh tip aïu phi thmu ban leh, bad la phin kohnguh ne em ïa ki hukum jong u.

KA BAIBL

² To men kynmaw ruh ïa kata ka lynti baroh ïa kaba U Trai uba U Blei jong me u la ïalam ïa me ha kine sawphew snem ha kata ka ri khlaw, ïa ka ban pynrit ïa me, bad ïa ka ban tynjuh ïa me, ïa ka ban tip kaei kaba ha ka dohnud jong me, la men sumar ne em ïa ki hukum jong u.

DEUTERONOMI 8:2 ပူးပေါင်းရင်းမြစ်များ

JENESIS 22:1

Hadien khyndiat por, U Blei u la tynjuh ïa u Abraham; u khot ïa u, “Abraham!” Bad u Abraham u jubab, “Oi, nga hangne!”

2 KHRONIKL 32:31

U Hesekaïah u ïoh jingjop ha kiei kiei baroh kiba u la leh, bad wat haba ki nonglamktien ka Babilon ki wan ban kylli shaphang ki jingjia bym ju kham jia kiba jia ha ka ri, U Blei u shah ba u Hesekaïah un leit ha la ka lynti tang ban tynjuh ïa ka jinglong jong u.

2 KHRONIKL 33:12

Ha ka jingshitom jong u, u la pynrit ïa lade, u phai sha U Trai U Blei jong u, bad u kyrpad ïa ka jingïarap jong u.

2 KHRONIKL 33:19

Ka jingduwai u syiem bad ka jingjubab U Blei ïa ka, bad ka jingthoh shaphang ki pop kiba u la leh ha shuwa ba un kylla-kaba-mut — ka jingsniew kaba u la leh, ki jaka mane blei thala bad ki durblei jong ka blei Asherah kaba u la thaw bad ki bleithaw kiba u la mane — baroh la buh jingthoh ha Ka Histori jong ki Nongïathuhlypa.

NEHEMAÏAH 9:19

Hynrei mem shym iehnoh ïa ki hangta ha ka ri shyiap, namar ka jingisynei jong me ka long kaba khraw. Mem shym la shim noh ïa u lyoh lane ïa ka ding uba pyn-i ha ki ïa ka lynti mynsngi bad mynmiet.

Ka Kitab U Job 33:17

U Blei u kren ban pynlong ïa ki ban pynphai ïa ki na kaba leh pop bad ban pyllait ïa ki na kaba sngewsarong.

SALM 103:2

Ïaroh ïa U Trai, ko mynsiem jong nga, bad wat klet haduh katno u long uba sbun.

SALM 106:7

Ki kpa tymmen jong ngi ha Ijipt kim shym la sngewthuh ïa ki kam baphylla jong U Blei; ki la klet ba bunsien u la pyn-i ha ki ïa ka jingieit jong u, bad ki la ïaleh pyrshah ïa U Badonbor Baroh ha ka Duriaw Basaw.

SALM 136:16

U la ïalam ïa la ki briew lyngba ka ri shyiap; ka jingieit jong u ka neh bymjukut.

SALM 77:11

Ngan kynmaw ïa ki kam bakhraw jong me, A Trai; ngan kynmaw pat ïa ki jingphylla kiba me la leh ha ki por mynbarim.

SALM 81:7

Haba phi la don ha ka jingjynjar, phi la khot kyrpad ïa nga, bad nga la pyllait im ïa phi. Na ka jakarieh jong nga ha ka 'erïong nga la jubab ïa phi. Nga la tynjuh ïa phi ha ki um ka Meribah.

EKSODOS 15:25

U Moses u kyrpad jur ïa U Trai, bad U Trai u pyn-i ha u ïa uwei u lyngkhot dieng, ïa uba u la bret hapoh ka um; bad ka um ka la kylla long kaba bit ban dih. Dei hangta ba U Trai u ai ha ki ïa ki aiñ ba kin bud, bad dei hangta ruh ba u la tynjuh ïa ki.

EKSODOS 16:35

Ki Israel ki la bam ïa ka manna sawphew snem lynter, haduh ba kin da poi ha ka ri Kanaan, ha kaba ki la shongduh.

EKSODOS 16:4

U Trai u ong ha u Moses, “Mynta ngan pynhap bam na bneng ïa phi baroh. Ki briew ki dei ban mih shabar man ka sngi ban lum kat ban biang na ka bynta kata ka sngi. Da kumta nga lah ban tynjuh ïa ki ban shem la kin kohnguh ne em ïa ki jingbthah jong nga.

EKSODOS 20:20

U Moses u jubab, “Wat sheptieng, U Blei u la wan tang ban tynjuh ïa phi bad pynlong ïa phi ban ïai kohnguh ïa u, khnang ba phin ym leh pop.”

PROBERB 17:3

Ïa ka ksiar bad ïa ka rupa la phrang ha ka ding, bad ïa ka dohnud jong u briew la phrang da U Trai.

ISAÏAH 2:17

Ïa ka jingsarong ba kynja briew yn pynkut bad ïa ka jinglehmeng ki briew yn pynjot. Ki bleithaw kin jah noh plain, bad tang ïa U Trai yn kyntiew burom ha kata ka sngi.

JEREMAÏAH 2:6

Kim shym salia ïa nga, wat haba nga la pyllait ïa ki na Ijipt bad ïalam ïa ki lyngba ka ri khlaw: Ka jaka ki ri shyiap bad ki thliew shyiap, ka ri kaba tyrkhong bad kaba ma ha kaba ym don mano mano bashong basah bad ba ym don mano mano wat ban ïaid lyngba.

ESEKIEL 20:19

Nga long U Trai U Blei jong phi. To kohnguh ïa ki aiñ bad ki hukum jong nga.

AMOS 2:10

Nga la wan ïalam ruh ïa phi na ka ri Ijipt, nga la ïalam ïa phi sawphew snem lyngba ka ri shyiap bad nga la ai ïa phi ïa ka ri ki Amor ba phin ïohkynti.

JINGKHEIÑ 14:33

Ki khun ki kti jong phi kin ïaid sakma ha kane ka ri khlaw sawphew snem, kin shitom namar kata ka jingbymïaineh jong phi, tad haduh ba uba khatduh eh napdeng jong phi un ïap.

LOUKAS 18:14

Nga ong ha phi,” U Jisu u la ong, “u nonglum khajna, bad ym u Pharisi, uba don ha ka liang kaba dei bad U Blei haba u leit noh sha ïing. Naba ïa uno uno uba pynkhraw ïa lade yn pynrit, bad ïa uno uno uba pynrit yn pynkhraw.”

ÏOANNIS 2:25

Ym da donkam mano mano ban ïathuh ha u shaphang jong ki, namar u hi u la tip kaei kaba don ha ka dohnud jong ki.

DEUTERONOMI 1:3

Ha ka sngi kaba nyngkong jong u bnai uba khatwei, ha ka snem kaba sawphew hadien ba ki la mih na Ijipt, u Moses u ïathuh ha u paidbah ïa kaei kaei baroh kaba U Trai u la hukum ïa u ban ong ha ki,

DEUTERONOMI 1:33

wat la u leit ha shuwa jong phi borabor ban wad ka jaka ba phin sher dara. Ban kdew lynti ïa phi, u ïaid ha shuwa jong phi ha u rishot ding mynmiet bad ha u rishot lyoh mynsngi.

DEUTERONOMI 13:3

U Trai U Blei jong phi u pyndonkam ïa u ban tynjuh ïa phi, ban khmih la phi ieit ne em ïa U Trai da ka dohnud jong phi baroh.

DEUTERONOMI 2:7

“Kynmaw kumno U Trai U Blei jong phi u la kyrkhu ïa phi ha kiei kiei baroh kiba phi la leh. U la sumar sukher ïa phi haba phi ïaid sakma lyngba kane ka ri shyiap kaba ïar. U la don ryngkat bad phi ha kine ki sawphew snem, bad phi la ïoh ruh kat ïa kaba phi donkam.

DEUTERONOMI 29:5

Sawphew snem U Trai u la ïalam ïa phi lyngba ka ri shyiap, hynrei ki jaiñkup jong phi kim shym man rim, bad ki juti jong phi kim shym jot.

DEUTERONOMI 32:7

“Pyrkhat ïa ki sngi kiba mynbarim, ïa ka por ba la leit noh, kylli na la ki kpa ban ïathuh ha phi aïu ka la jia, kylli na ki tymmen ban ïathuh ha phi ïa ka mynnor.

DEUTERONOMI 7:18

Wat sheptieng ïa ki; hynrei to ïai kynmaw aïu U Trai U Blei jong phi u la leh ïa u Pharaoh bad ïa ki briew jong u baroh.

DEUTERONOMI 8:16

Ha kata ka ri shyiap u la ai ha phi ïa ka manna ban bam, ka jingbam kaba ki kpa tymmen jong phi kim ju ïoh mynno mynno. U la pyndem bad tynjuh ïa phi, khnang ba ha kaba kut un pynmanbha ïa phi da kiei kiei kiba bha.

JAKOB 4:10

To phin pynrit ïa lade ha khmat U Trai, bad un pynkhraw ïa phi.

JAKOB 4:6

Hynrei ka jingaiei kaba U Blei u ai ka long kaba kham khlaiñ shuh shuh. Kumba ka Jingthoh Bakhuid ka ong, “U Blei u pyrshah ïa kiba sarong, hynrei u ai ïa ka jingaiei ha kiba sngewrit.”

1 PETROS 1:7

Ka jingthmu jong ki ka long ban pynshisha ba ka jingngeit jong phi ka long kaba sngur. Wat ïa ka ksiar, ïa kaba lah ban pynduh, la phrang da ka ding; bad kumta ïa ka jingngeit jong phi, kaba kham kordor shuh shuh ban ïa ka ksiar, dei ruh ban phrang, khnang ba kan lah ban shah. Te phin sa ïohpdiang ïa ka jingïaroh bad ka burom bad ka jingpyndonburom ha ka Sngi haba ïa U Jisu Khrist yn pynpaw.

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.

NONGBISHAR 2:22

Ngan pyndonkam ïa ki ban shem la kine ki Israel kin bud ne em ïa ki lynti jong nga, kumba ki kpa tymmen jong ki, ki la leh.”

NONGBISHAR 3:4

Kine ki long ban tynjuh ïa ki Israel, ban lap la kin kohnguh ne em ïa ki hukum ba U Trai u la ai ha ki kpa tymmen jong ki da u Moses.