DEUTERONOMI 7:9 - Khasi CL Bible (BSI)

⁹ To kynmaw ba U Trai U Blei jong phi u long ma u hi U Blei, U Blei uba ïaineh. Un bat ïa la ka jutang bad pynpaw ïa la ka jingieit kaba ïaineh ha ki hajar pateng bynriew kiba ieit ïa u bad kiba kohnguh ïa ki hukum jong u,

KA BAIBL

⁹ To tip, namar kata, ba U Trai uba U Blei jong me, ma u, uba long U Blei; U Blei uba ïaineh keiñ, uba ïaisumar ïa ka jutang, bad ïa ka jingisynei, bad kita kiba ieit ïa u, bad kiba sumar ïa ki hukum jong u haduh shi hajar ki pateng bynriew;

DEUTERONOMI 7:9 ပူးပေါင်းရင်းမြစ်များ

JENESIS 17:7

“Ngan bat ïa la ka kular bad me bad ki khun ki ksiew jong me ha ki pateng ki ban dang wan ba kan long ka jutang kaba ïaineh junom. Ngan long U Blei jong me bad U Blei jong ki khun ki ksiew jong me.

JENESIS 28:15

To kynmaw, ba ngan long ryngkat bad me bad ïada ïa me kat shaba me leit, bad ngan wallam pat ïa me sha kane ka ri. Ngan ym iehnoh ïa me tad haduh ba ngan da pyndep ïa kata baroh ïa kaba nga la kular ha me.”

JENESIS 9:15

ngan kynmaw ïa la ka kular ha phi bad ha ki mrad baroh ba ka jingshlei um da lei lei ruh kan ym pynjot shuh ïa ki jingthaw ba-im baroh.

1 SYIEM 8:23

bad u duwai, “A Trai U Blei ki Israel, ym don U Blei uba kum ma me ha bneng shajrong ne ha khyndew shapoh! Me bat ïa ka jutang bad me pynpaw ïa la ka jingieit ha la ki jong ki briew kiba kohnguh ïa me naduh ka mynsiem.

1 KHRONIKL 16:15

Wat klet ïa ka jutang U Blei, kaba u la pynlong ban neh junom,

2 KHRONIKL 6:14

U duwai, “A Trai, U Blei ki Israel, ym don U Blei uba kum ma me ha ka bneng lane ha ka pyrthei baroh. Me bat ïa la ka jutang bad ki briew jong me bad me pynpaw ïa ka jingieit jong me haba ki im ha ka jingkohnguh ïa me da la ka mynsiem baroh.

NEHEMAÏAH 1:5

Nga duwai ha U Blei, “A Trai U Blei jong ka bneng! Me long uba khraw, ngi ïeng ha ka jingsheptieng ïa me. Me batskhem ïa la ka jutang bad kito kiba ieit ïa me bad kiba leh ïa kaei kaba me hukum.

NEHEMAÏAH 9:32

“A Blei, U Blei jong ngi, katno me long uba khraw! Katno me long uba shyrkhei bad uba donbor! Me batskhem ïa ki kular ka jingïateh jutang. Naduh ka por ba ki syiem Assyria ki banbeiñ ïa ngi, wat haduh kane ka por, haduh katno ngi shahshitom! Ki syiem jong ngi, ki nongïalam jong ngi, ki lyngdoh jong ngi bad ki nongïathuhlypa, ki kpa tymmen jong ngi, bad baroh ki briew jong ngi ki shitom. To kynmaw haduh katno ngi la shahshitom!

SALM 103:18

ha kito kiba batskhem ïa ka jutang jong u bad kiba ïaineh ha ka jingkohnguh ïa ki hukum jong u.

SALM 105:8

Un bat ïa ka jutang jong u junom, ki jingkular jong u na ka bynta ki hajar ki pateng.

SALM 119:75

Nga tip ba ki jingbishar jong me ki long kiba hok, A Trai, bad ba me la pynshitom ïa nga namar me long uba ïaineh.

SALM 146:6

U Nongthaw jong ka bneng, ka pyrthei bad ka duriaw, bad baroh kiba don ha ki. U bat ïa ki jingkular jong u borabor;

SALM 36:6

Ka hok jong me ka kerkut kum ki lumbah, ka jingbishar hok jong me ka long kum ki jingjylliew ka duriaw, ki briew bad ki mrad ki don ha ka jingsumar jong me.

EKSODOS 20:6

Hynrei nga pyn-i ïa ka jingieit jong nga ha ki hajar ki pateng bynriew jong kito kiba ieit ïa nga bad kiba kohnguh ïa ki hukum jong nga.

ISAÏAH 49:7

U Blei Bakhuid bad u nongpynim ki Israel u ong ïa uta uba shah ibeiñ, ïa uba la isih da ki jaitbynriew bad uba long u shakri jong ki nongsynshar: “Ki syiem kin ïohi ba la pyllait ïa me bad kin ïeng ban pynpaw ïa ka jingñiewburom jong ki; ki khun syiem ruh kin ïohi ïa kata, bad kin dem khrup ban pyndonburom ïa me.” Kane kan jia namar U Trai u la jied ïa la u shakri; U Blei bakhuid jong ki Israel u bat ïa la ki kular.

JEREMAÏAH 32:18

Me la pyn-i ïa ka jingieit baneh sha ki hajar, hynrei me pynshitom ruh ïa ki briew na ka bynta ki pop ki kmie ki kpa jong ki. Me long U Blei bakhraw bad badonbor; me long U Trai Badonbor Baroh.

SNGEWSYNEI 3:23

Ka pyngngad kum ka step, ka thikna kum ka jingmih ka sngi.

DANIEL 9:4

Nga la duwai ha U Trai U Blei jong nga bad nga la phla ïa ki pop jong ki briew jong nga. Nga la ong, “A Trai U Blei, me long uba khraw, bad ngi pyndonburom ïa me. Me long uba bat ïa la ka jutang bad me pyn-i ka jingieit baneh ïa kito kiba ieit ïa me bad leh ïa kaei kaba me hukum.

JINGKHEIÑ 14:18

‘Nga, U Trai nga long uba suki ban bitar, bad nga pyn-i ïa ka jingieit bakhraw bad ka jingïaineh bad map ïa ka pop bad ïa ka jingïaleh pyrshah. Nalorkata, ngam pep ban pynshitom ïa ki khun bad ki ksiew haduh kaba lai bad kaba saw pateng namar ki pop jong ki kmie ki kpa jong ki.’

Ka Shithi U Paul Sha Ki Nong Rom 8:28

Ngi tip ba ha kiei kiei baroh, U Blei u trei na ka bynta ka jingpynbha ïa kito kiba ieit ïa u, ïa kito ïa kiba u la khot kat kum ka jingthmu jong u.

1 KORINTH 1:9

U Blei u long uba dei ban shaniah, U Blei uba la khot ïa phi sha ka jingïasyllok bad U Jisu Khrist u khun jong u, uba U Trai jong ngi.

1 KORINTH 10:3

Baroh ki la bam ïa ujuh u kpu ba kynja mynsiem bad ki la dih ïa kajuh ka jingdih ba kynja mynsiem. Ki la dih na uta u mawsiang ba kynja mynsiem ba la leit lem bad ki; bad uta u mawsiang u la long U Khrist hi.

1 KORINTH 8:3

Hynrei ïa u briew uba ieit ïa U Blei la ithuh da u.

2 KORINTH 1:18

Kat kumba U Blei u kren ïa ka jingshisha, ka jingkular jong nga ïa phi kam long kaba “Ho-oid” bad kaba “Em.”

DEUTERONOMI 32:39

“ ‘Nga, bad tang ma nga hi, nga long U Blei; ym don uwei pat u blei uba shisha. Nga pynïap bad nga ai jingim, nga pynmong bad nga pynkoit, bad ym don uba lah ban ïaleh pyrshah ïa kaei ba nga leh.

DEUTERONOMI 32:4

“U Trai u long u nongïada bakhlaiñbor jong phi, ki lynti jong u ki long kiba janai, bad bahok; U Blei jong phi u long uba ïaineh bad uba shisha; u leh ïa kaba hok bad kaba beit.

DEUTERONOMI 4:35

U Trai u la pynpaw ha phi ïa kane, ban pynshisha ha phi ba tang ma u hi u long U Blei, bad ba ym don uwei pat lait na u.

DEUTERONOMI 4:39

Namar kata, kynmaw ïa kane ka sngi, bad wat klet ïa ka lano lano: U Trai u long U Blei ha bneng bad ha pyrthei. Ym don blei da uwei pat.

DEUTERONOMI 5:10

Hynrei nga pynpaw ïa la ka jingieit ha ki hajar ki pateng kiba ieit ïa nga, bad kiba sumar ïa ki hukum jong nga.

1 THESSALONI 5:24

Uta uba khot ïa phi un leh ïa kata, namar u long uba ïaineh.

2 THESSALONI 3:3

Hynrei U Trai u long uba ïaineh, bad un pynshaitbor ïa phi bad ri sumar ïa phi na Uta u Basniew.

2 TIMOTHI 2:13

Lada ngim long kiba ïaineh, u ïaisah hi uba ïaineh, namar um lah ban shukor ïa lade.”

TITOS 1:2

kaba pynshong nongrim ha ka jingkyrmen ïa ka jingim bymjukut. U Blei, u bym ju shukor, u la kular ïa ngi ïa kane ka jingim naduh mynnyngkong,

HEBRU 10:23

To ngin batskhem da ka jingkyrmen ïa kaba ngi ïaphla, namar ngi lah ban shaniah ba U Blei u bat ïa la ka kular.

HEBRU 11:11

Dei ka jingngeit kaba la pynlong ïa u Abraham ban ïoh long u kpa, wat haba u la tymmen bha bad ka Sarah hi kam lah ban ïoh khun. U la shaniah ba U Blei un bat ïa la ka kular.

HEBRU 6:18

Te, don kine ar tylli kiei kiei ki bym lah ban kylla bad ïa kiba U Blei um lah ban lamler. Kumta ïa ngi kiba la shem ka jingshngain ha u la nang pynshlur shuh shuh ban batskhem ïa kata ka jingkyrmen ïa kaba la buh ha khmat jong ngi.

JAKOB 1:12

Suk uta u briew uba ïaineh hapdeng ki jingtynjuh, namar ynda u jop haba u la ïaid lyngba ïa kaba kum kata ka jingtynjuh, un ïohpdiang kum ka bainong jong u ïa ka jingim kaba U Blei u la kular ha kito kiba ieit ïa u.

1 ÏOANNIS 1:9

Hynrei lada ngi phla ïa ki pop jong ngi ha U Blei, un bat ïa la ka kular bad un leh ïa kaei kaba dei: Un map ïa ngi ïa ki pop jong ngi bad un pynkhuid ïa ngi na ki kam bymman baroh.

NONGBISHAR 2:1

U angel jong U Trai u leit na Gilgal sha Bokhim bad u ong ha ki Israel, “Nga la shim ïa phi na Ijipt bad wallam ïa phi sha ka ri kaba nga la kular ha ki kpa tymmen jong phi. Nga la ong, ‘Ngan ym pynkheiñ lano lano ïa ka jutang jong nga bad phi.

NONGBISHAR 5:31

Ai ba ki nongshun jong me baroh kin ïap kumta, A Trai hynrei ai ba ki paralok jong me kin tyngshaiñ kum ka sngi kaba mih! Bad la don ka jingsuk ha ka ri haduh sawphew snem.