DEUTERONOMI 7:5 - Khasi CL Bible (BSI)

⁵ Kumta, pynpra ïa ki duwan jong ki, pynpait pharia ïa ki rishot mawkyntang jong ki, mait ïa ki dak ka blei Asherah jong ki, bad thang ïa ki bleithaw jong ki.

KA BAIBL

⁵ Hynrei, kumne phin leh bad ki: phin ïa-pynkyllon ïa ki duwan jong ki, bad phin ïa-pynkheiñ lyngkhot lyngkhot ïa ki durblei jong ki, bad phin ïakhet noh ïa ki 'law kyntang jong ki, bad phin ïathang ruh ïa ki durblei ba la mut jong ki da ka ding.

DEUTERONOMI 7:5 ပူးပေါင်းရင်းမြစ်များ

2 SYIEM 10:26

ki sei shabar ïa u rishot bakyntang uba don hangta bad ki thang ïa u.

1 KHRONIKL 14:12

Mynba ki Philistia ki la phet ïap, ki la ieh ïa ki bleithaw jong ki shadien, bad u Dabid u ai hukum ban thang ïa kita.

2 KHRONIKL 14:3

U weng noh ïa ki duwan nongwei bad ïa ki jaka mane blei thala, u pynpra ïa ki rishot maw bakyntang, bad u ot noh ïa ki dur jong ka blei Asherah.

EKSODOS 23:24

Wat nguh wat dem ha ki blei jong ki, lane mane ïa ki, bad wat bud ïa ki rukom lehniam jong ki. Pynjot ïa ki blei jong ki, bad pynpra lyngkhot lyngkhai ïa ki païa mawkyntang jong ki.

EKSODOS 32:20

U shim ïa uta u khun masi uba ki la thaw, u pynum ïa u ha ka ding, bad u tylliat pynlwet jin ïa u, bad u la khleh ïa kata ha ka um. Nangta u la pynlong ïa ki paid Israel ban dih ïa ka.

EKSODOS 34:13

Pynban, pynpra ïa ki duwan jong ki, pynjot ïa ki rishot kyntang jong ki, bad pom pynduh ïa ki shab jong ka Asherah, ka blei jong ki.

ISAÏAH 17:8

Kin ym shaniah shuh ha ki duwan kiba ki la thaw da ki kti jong ki, lane shaniah ha ki kam ki kti jong ki hi — ki dak jong ka bleithaw Asherah bad ki duwan ban thang jingiwbih.

LEBITIKOS 26:1

U Trai u ong, “Wat thaw ki bleithaw lane pynïeng durblei, ki païa maw, lane ohdur ha ki maw ban mane ïa ki. Nga long U Trai U Blei jong phi.

JINGKHEIÑ 33:52

phi dei ban beh krad ïa ki nongshong shnong baroh jong ka ri. Pynjot thiaw ïa ki bleithaw maw bad bleithaw nar jong ki baroh bad ïa ki jaka mane blei jong ki baroh.

DEUTERONOMI 16:21

“Haba phi tei ïa ka duwan U Trai U Blei jong phi, wat pynïeng hajan jong ka ïa uno uno u dieng uba don ka dur jong ka bleithaw Asherah.

DEUTERONOMI 16:22

Wat pynïeng ruh ïa uno uno u païa maw na ka bynta ka jingmane bleithaw; U Trai u isih ïa kita.

DEUTERONOMI 7:25

Thang ïa ki bleithaw jong ki. Wat ikwah ïa ka rupa lane ïa ka ksiar kaba don ha ki, bad wat shim ïa ka sha lade ïoh phi ïap, namar U Trai u isih ïa ka jingmane bleithaw.

DEUTERONOMI 9:21

Nga shim ïa kata kaei kaei kaba long hi ka pop — kata ka dur khun masi keiñ kaba phi la thaw bad nga bret ïa ka ha ka ding. Nangta nga pynpait pharia ïa ka, nga tylliat ni ïa ka haduh ba kan da long kum u pui pui, bad nga bret ïa kata ha ka wah kaba tuid na uta u lum.