DEUTERONOMI 7:4 - Khasi CL Bible (BSI)

⁴ ïoh kin phai dien noh na U Trai ban mane ïa kiwei pat ki blei. Lada jia kumta, U Trai un bitar lep ïa phi bad un pynjot ïa phi shisyndon.

KA BAIBL

⁴ Naba kin pynphai noh ïa u khun jong me na kaba bud ïa nga, ba kin ïoh shakri ïa kiwei pat ki blei; kumta keiñ, kan meh ka jingbitar U Trai pyrshah ïa phi, bad un pynjot noh ïa me shisyndon.

DEUTERONOMI 7:4 ပူးပေါင်းရင်းမြစ်များ

1 SYIEM 16:31

Kam shym pat biang ïa u ban leh pop kum u syiem Jeroboam; u leit kham jngai shuh shuh bad u shongkurim ïa ka Jesebel, ka khun jong u Ethbaal u syiem ka Sidon, bad u la mane ïa u Baal.

EKSODOS 20:5

Wat dem lane mane ïa kano kano ka bleithaw, naba nga, nga long U Trai U Blei jong phi bad ngam lah shah ïano ïano ba pyrshah ïa nga. Nga wallam ka jingpynshitom ha kito kiba isih ïa nga bad ha ki khun ki ksiew jong ki haduh kaba lai bad kaba saw pateng bynriew.

EKSODOS 34:16

Ki khun shynrang jong phi kin lah ban ïashongkurim bad ki khun kynthei jong ki, ki ban ïalam ïa ki ban ym ïaineh shuh ha nga bad ban mane ïa ki blei thala jong ki.

DEUTERONOMI 20:18

Pynïap ïa ki, ba kin ym ïoh hikai shuh ïa phi ban leh ïa kiei kiei kiba isaitmet ba ki ju leh haba ki mane ïa ki blei jong ki, kumta ba phin ym leh pop pyrshah ïa U Trai U Blei jong phi.

DEUTERONOMI 4:26

Nga khot ïa ka bneng bad ïa ka khyndew ban sakhi pyrshah ïa phi ba, lada phim kohnguh ïa nga, phin sa jah noh shen na kata ka ri; phin ym im slem ha kata ka ri sha shiliang ka Jordan ïa kaba phin sa ïohkynti. Yn sa pynjot thiaw ïa phi.

DEUTERONOMI 6:15

Lada phi mane ïa kiwei pat ki blei, ka jingbitar U Trai kan wan bad thang ïa phi kum ka ding bad kan pynjot thiaw ïa phi, namar U Trai U Blei jong phi, uba don ryngkat bad phi, um lah shah ba phin shakri ïa kiwei pat ki blei.

JOSHUA 22:15

Ki la wan sha ka ri Gilead, sha ki paidbah jong ki jait Reuben, Gad, bad Manasseh ba sha Mihngi,

JOSHUA 23:12

Lada phi long ki bymïaineh bad ïasnohkti bad kita ki jaitbynriew kiba dang sah hapdeng jong phi bad phi ïashongkha khleh bad ki,

NONGBISHAR 2:11

Nangta ki paid Israel ki la leh pop pyrshah ïa U Trai bad ki la sdang ban shakri ïa ki Baal.

NONGBISHAR 2:20

Nangta U Trai u bitar lep ïa ki Israel, bad u ong, “Kane ka jaitbynriew ka la pynkheiñ ïa ka jutang kaba nga la hukum ïa ki kpa tymmen jong ki ban sumar. Namar ba kim shym la kohnguh ïa nga,

NONGBISHAR 3:6

Ki la ïashongkha khleh bad ki, bad ki la mane ïa ki blei jong ki.