DEUTERONOMI 7:2 - Khasi CL Bible (BSI)

² Ynda U Trai U Blei jong phi u aiti ïa kine ki briew ha phi bad phi jop ïa ki, phi dei ban pynïap lut ïa ki baroh. Wat ïateh jutang bad ki bad wat leh-isynei ïa ki.

KA BAIBL

² bad ba U Trai uba U Blei jong me u la aiti ïa ki ha khmat jong me, bad ba me la jop ïa ki; men pynjot noh khoit ïa ki; men ym pynlong ka jutang bad ki, lymne leh isynei ïa ki:

DEUTERONOMI 7:2 ပူးပေါင်းရင်းမြစ်များ

JENESIS 14:20

bad to kan long ka jingïaroh ïa U Blei Bahakhlieh Tam Eh uba ai ha phi ïa ka jingjop halor ki nongshun jong phi!” Bad u Abram u ai ha u Melkhisedek ïa kaba shiphew na ka jinglute kaba u la lah pynïoh pat.

2 SAMUEL 21:2

(Ki paid Gibeon kim dei ki Israel; ki dei ka kynhun barit ki Amor ïa kaba ki Israel ki la kular ban ïada, hynrei u Saul u la pyrshang ban pynjot ïa ki namar ka jingshitrhem na ka bynta ki paid Israel bad Judah.)

1 SYIEM 20:34

U Benhadad u ong ïa u, “Ngan ai pat ha phi ïa ki shnong ba u kpa jong nga u la shim na u kpa jong phi, bad phi lah ban tei ka jaka khaïi na ka bynta ïa lade ha Damaskos, kumba u kpa jong nga u leh ha Samaria.” U Ahab u jubab, “Halor kine ki kyndon, te ngan pyllait ïa phi.” U ïateh kular bad u bad u pyllait noh ïa u ban leit.

ESRA 10:3

Mynta ngi dei ban pynlong ka jingkular bakyntang ha U Blei jong ngi ba ngin phah noh ïa kine ki kynthei bad ki khynnah. Ngin leh ïa kaei kaba ma phi bad kiwei kiba burom ïa ki hukum U Blei kiba hikai ïa ngi ban leh. Ngin leh ïa kaei kaba ka Hukum U Blei ka dawa.

SALM 106:34

Kim shym la pynïap ïa ki nongmane bleithaw, kumba U Trai u la hukum ïa ki ban leh,

EKSODOS 22:20

“Rai pynïap ïa uba kñia ainguh ha uno uno u blei, lait tang ha nga U Trai.

JINGKHEIÑ 21:2

Nangta ki Israel ki la smai ha U Trai: “Lada me shah ïa ngi ban jop ïa kine ki briew, ngin pynkyntang lut khlem kyndon ïa ki bad ïa ki shnong jong ki sha me bad ngin pynjot thiaw ïa ki.”

JINGKHEIÑ 31:17

Kumta pynïap mynta ïa uwei pa uwei u khynnah bad ruh ïa kawei pa kawei ka kynthei kaba la ïathiah shongkha,

JINGKHEIÑ 33:52

phi dei ban beh krad ïa ki nongshong shnong baroh jong ka ri. Pynjot thiaw ïa ki bleithaw maw bad bleithaw nar jong ki baroh bad ïa ki jaka mane blei jong ki baroh.

DEUTERONOMI 13:8

Hynrei wat shah ïa u ban pynkohnguh ïa phi; wat shahshkor ruh ïa u. Wat isynei ïa u lane wat sngewsynei ïa ki, bad wat ïada ïa ki.

DEUTERONOMI 13:9

Pynïap ïa u! Sdang nyngkong ma phi ban lynthem maw ïa u, bad nangta uwei pa uwei ruh un lynthem maw ïa u.

DEUTERONOMI 19:13

Wat leh-isynei ïa u. Rat noh na Israel kum ïa uta u nongpynïap briew, khnang ba phin manbha.

DEUTERONOMI 2:33

hynrei U Trai U Blei jong ngi u la aiti ïa u ha ngi, bad ngi la pynïap ïa u, ïa ki khun shynrang jong u, bad ïa ki briew jong u baroh.

DEUTERONOMI 2:34

Ha kajuh ka por ruh ngi la ïohknieh bad pynjot ïa kawei pa kawei ka shnong, bad ngi la pynïap lut ïa uwei pa uwei u briew, shynrang bad kynthei bad khynnah khlem pynsah ei ei shuh.

DEUTERONOMI 23:14

Sumar khuid ïa ka jaka shong dara jong phi, namar U Trai U Blei jong phi u don ryngkat bad phi hangta ban ïada ïa phi bad ai ha phi ka jingjop ïa ki nongshun jong phi. Wat leh ïa kano kano kaba khlem akor kaba lah ban pynlong ïa U Trai ban phai noh na phi.

DEUTERONOMI 25:12

wat isynei ïa ka; ot noh ïa ka kti jong ka.

DEUTERONOMI 3:3

“Kumta U Trai u aiti ïa u Syiem Og bad ïa ki briew jong u baroh ha ka bor jong ngi, bad ngi pynïap lut ïa ki baroh.

DEUTERONOMI 31:5

U Trai un ïa ha phi ka jingjop halor jong ki bad phin leh ïa ki kumba nga la hukum ïa phi.

DEUTERONOMI 33:27

U Blei u ïailong ka jingïada jong phi; Ki ksang'ti uba na bymjukut ki kyrshan ïa phi. U beh ïa ki nongshun jong phi katba phi nang ïaid sha khmat, Bad u ong ïa phi ban pynjot thiaw ïa ki baroh.

DEUTERONOMI 7:16

Pynjot ïa kawei pa kawei ka jaitbynriew kat ïa kaba U Trai U Blei jong phi u aiti ha phi, bad wat sngewsynei ïa ki. Wat mane ïa ki blei jong ki, namar kata kan long ka jingma ïa me.

DEUTERONOMI 9:3

Hynrei to tip mynta ba U Trai U Blei jong phi un ïaid ha shuwa jong phi kum ka ding kaba bam duh. Un jop bad pyndem ïa ki katba phi nang ïaid sha khmat, ba phi lah ban beh krad bad pynjot ïa ki kloi kloi, kumba u la kular.

JOSHUA 10:28

U Joshua u la tur ïaleh bad kurup ïa ka Makkedah bad ïa u syiem jong ka ha kata ka sngi. U pynïap ïa uwei pa uwei u briew ha ka nongbah; ym don uwei ruh uba lait im. U leh ïa u syiem ka Makkedah kumba u la leh ïa u syiem ka Jerikho.

JOSHUA 10:30

U Trai u la ai ruh ha ki Israel ka jingjop ïa kane ka nongbah bad ïa u syiem jong ka. Kim shym la iehnoh wat uwei ruh, hynrei ki la pynïap ïa uwei pa uwei u briew uba don ha ka. Ki la leh ïa u syiem jong ka kumba ki la leh ïa u syiem ka Jerikho.

JOSHUA 10:32

U Trai u ai ha ki Israel ka jingjop halor ka Lakhish ha ka sngi kaba ar jong ka thma. Kumba ki la leh ha Libnah, kim shym iehnoh wat uwei ruh, hynrei ki la pynïap ïa uwei pa uwei u briew ha ka nongbah.

JOSHUA 10:40

Kumta u Joshua u la jop thiaw ïa kata ka ri baroh kawei. U la jop ïa ki syiem jong ka ri lum, kiba ha ki sharing lum ha ka phang mihngi, bad kiba ha trai ki lum ha ka phang sepngi, bad ïa kito ki jong ka ri ryngkhiang ha ka phang bashathie. Um shym la pynsah ïano ïano, u pynïap lut khoit ïa ki baroh. Kane ka long kaba U Trai U Blei ki Israel u la hukum.

JOSHUA 10:42

U Joshua u la jop ïa kine ki syiem baroh bad ïa ka ri jong ki tang shisien ïaleh namar U Trai, U Blei ki Israel, u ïaleh na ka bynta ki Israel.

JOSHUA 11:8

U Trai u ai ha ki Israel ka jingjop halor jong ki; ki Israel ki tur ïaleh bad ki bad ki beh kthong ïa ki shaphang shatei haduh Misrephoth Maim bad Sidon, bad shaphang mihngi haduh ka them Mispah. Ka jingïaleh ka neh haduh ba ym don shuh uwei ruh u nongshun uba lait im.

JOSHUA 2:14

Ki rangbah ki ong ha ka, “Ai ba U Blei un shim noh ïa ka jingim jong ngi lada ngim leh kumba ngi kular! Lada phim ïathuh hano hano ïa kaei kaba ngi la leh, ngi kular ïa phi ba ynda U Trai u ai ha ngi ïa kane ka ri, ngin lehbha shisha ïa phi.”

JOSHUA 21:44

U Trai u la ai ha ki ka jingshongsuk ha kata ka ri baroh kawei, kumba u la kular ïa ki kpa tymmen jong ki. Ym don uwei ruh na ki nongshun jong ki baroh uba lah ban ïeng pyrshah ïa ki, namar U Trai u la ai ha ki Israel ka jingjop ïa ki nongshun jong ki baroh.

JOSHUA 8:24

Ki Israel ki la pynïap ïa uwei pa uwei u nongshun ha ka jaka bashrah ha kaba ki la beh ïa ki. Nangta ki la leit phai pat sha Ai bad ki la pynïap ïa uwei pa uwei uba don hangta.

JOSHUA 9:24

Ki la jubab, “Bah, ngi la leh ïa ka namar ngi la tip shisha ba U Trai U Blei jong phi u la hukum ïa u Moses u shakri jong u ban ai ha phi ïa ka ri baroh kawei, bad ban pynïap ïa ki briew baroh kiba shong ha ka katba phi nang ïaid sha khmat. Ngi la leh ïa ka namar ba ngi la sngewsheptieng ïa phi; ngi don ha ka jingsyier ïa la ka jingim.

JOSHUA 9:7

Hynrei ki Israel ki ong, “Balei ngin pynlong ka jingïateh lok bad phi? Ka lah ban long pynban ba phi shong phi sah hajan.”

NONGBISHAR 1:24

kiba la ïohi ïa uwei u briew uba wan mih bad ki ong ha u, “Pyni ïa ngi kumno ngin ïohrung shapoh ka nongbah bad ngin ym pynmynsaw ïa phi.”

NONGBISHAR 1:4

bad Judah ki la leit ryngkat sha ka thma. U Trai u la ai ha ki ka jingjop halor ki Kanaan bad ki Peris, bad ki la jop ïa ki shiphew hajar ngut ki rangbah ha Besek.

NONGBISHAR 2:2

Phim dei ban ïateh jutang bad ki briew kiba shong ha kane ka ri. Phi dei ban pynpra ïa ki duwan jong ki.’ Hynrei phim shym la leh ïa kaei kaba nga la bthah ïa phi. Phi la leh pynban ïa kaba pyrshah!