DEUTERONOMI 7:1 - Khasi CL Bible (BSI)

¹ “U Trai U Blei jong phi un wan ïalam ïa phi sha kata ka ri kaba phin ïohkynti, bad un beh noh nangta ïa ki jaitbynriew kiba bun. Katba phi nang ïaid sha khmat, un beh noh ïa ki hynñiew ki jaitbynriew kiba kham bun paid bad kham khrawbor ban ïa phi. Kita ki dei ki Hit, ki Girgash, ki Amor, ki Kanaan, ki Peris, ki Hib, bad ki Jebus.

KA BAIBL

¹ “Ynda U Trai uba U Blei jong me u la wallam ïa me sha kata ka ri sha kaba me leit ban ïoh ïa ka, bad ynda u la beh noh ruh ïa bun ki jaid bynriew na khmat jong me, ïa ki Hit, bad ïa ki Girgash, bad ïa ki Amor, bad ïa ki Kanaan, bad ïa ki Peris, bad ïa ki Hib, bad ïa ki Jebus ruh, hynñiew keiñ ki jaid bynriew kiba kham khraw, bad kiba kham don bor ban ïa me;

DEUTERONOMI 7:1 ပူးပေါင်းရင်းမြစ်များ

1 SYIEM 16:31

Kam shym pat biang ïa u ban leh pop kum u syiem Jeroboam; u leit kham jngai shuh shuh bad u shongkurim ïa ka Jesebel, ka khun jong u Ethbaal u syiem ka Sidon, bad u la mane ïa u Baal.

1 KHRONIKL 1:14

U Kanaan u dei ruh u kpa tymmen jong ki Jebus, ki Amor, ki Girgash,

2 KHRONIKL 8:7

U Solomon u pyndonkam ha kaba pyntrei jubor ïa baroh ki khun ki ksiew jong ki briew ka Kanaan kiba ki Israel kim shym la pynïap mynba ki knieh ïa ka ri jong ki. Kine ki kynthup ïa ki Hit, ki Amor, ki Peris, ki Hib, bad ki Jebus, kiba ki khun ki ksiew jong ki, ki dang long ki mraw haduh mynta.

ESRA 9:1

Hadien ba la pyndep ïa kane baroh, katto katne ngut na ki nongïalam jong ki Israel ki wan bad ïathuh ïa nga ba ki briew, ki lyngdoh bad ki Lebi kim shym la pynkyrpang ïa lade na ki briew jong ki ri ba-marjan jong ki Ammon, Moab, bad Ijipt lane na ki Kanaan, ki Hit, ki Peris, ki Jebus bad ki Amor. Baroh na ki, ki la leh ïa kijuh kiei kiei kiba ijli kiba kito ki briew ki la leh.

NEHEMAÏAH 13:23

Ha kata ka por, nga shem ruh ba bun na ki rangbah Jiw ki la shongkurim ïa ki kynthei na Ashdod, Ammon, bad Moab.

SALM 78:55

U la beh noh ïa ki nongshong shnong katba ki briew jong u ki dang jam shaphrang; u la pynbynta ïa ka ri jong ki hapdeng ki jait jong ka Israel bad u la ai ïa ki ïing jong ki ha ki briew jong u.

EKSODOS 15:7

Da ka jingjop bakhraw me pynliem ïa ki nongshun jong me; ka jingbitar jong me ka meh bad ka bam duh ïa ki kum ïa u phlangïap.

EKSODOS 23:28

Ngan pyntieng kulmar ïa ki nongshun jong phi. Ngan beh noh ïa ki Hib, ki Kanaan, bad ki Hit katba phi nang tur sha khmat.

EKSODOS 23:32

Wat ïateh kano kano ka jutang bad ki lane bad ki blei jong ki.

EKSODOS 23:33

Wat shah ba kita ki briew kin shong kin sah ha ka ri jong phi; lada phi leh kumta, kin pynlong ïa phi ban leh pop pyrshah ïa nga. Lada phi mane ïa ki blei jong ki, kan long ka jingriam ka ban pynïap duh ïa phi.”

EKSODOS 33:2

Ngan phah ïa u angel jong nga ban ïalam ïa phi, bad ngan beh noh ïa ki Kanaan, ki Amor, ki Hit, ki Peris, ki Hib, bad ki Jebus.

EKSODOS 6:8

Ngan ïalam ïa phi sha ka ri kaba nga la kular skhem ban ai ha u Abraham, ha u Isaak, bad ha u Jakob; bad ngan ai ïa ka ha phi kum ka nongkynti jong phi hi. Nga long U Trai.’ ”

LEBITIKOS 14:34

ïa kine ki jingbuhbeit ryntih kiba ïadei bad ki ïing kiba bit bthuh. (Kine kin treikam hadien ba ki Israel ki la rung sha ri Kanaan, ha kaba U Trai un ai ha ki kum ka jingïohkynti.) Lada uno uno u shem ba U Trai u phah ïa ka jingpang bthuh ha ka ïing jong u, te u dei ban leit ïathuh ha u lyngdoh shaphang kata.

JINGKHEIÑ 13:29

Ki Amalek ki shong shaphang shathie jong ka ri; ki Hit, ki Jebus, bad ki Amor ki shong ha ri lum; bad ki Kanaan ki shong ha ki rud ka duriaw Mediterranian bad ha ki rud ka wah Jordan.”

JINGKHEIÑ 14:31

Phi ong ba ki khun ki kti jong phi kin shah kem, hynrei ngan wallam ïa ki sha kata ka ri ïa kaba phi, phi la kyntait, bad kan long ka jaka shong jaka sah jong ki.

KI KAM 13:19

U la pynjot ïa ki hynñiew tylli ki jaitbynriew ha ka ri Kanaan bad u la pynlong ïa ki briew jong u ki trai jong ka ri.

DEUTERONOMI 11:29

Ynda U Trai u wan ïalam ïa phi sha kata ka ri kaba phin ïohkynti, phin pynbna ïa ka jingkyrkhu nalor u lum Gerisim bad ïa kata ka jingtim nalor u lum Ebal.

DEUTERONOMI 20:1

“Haba phi leit ïaleh ïa ki nongshun jong phi bad phi ïohi ba ki kali ïaleh thma, ki kulai, bad ki shipai jong ki, ki kham bun ban ïa ki jong phi, wat sheptieng ïa ki. U Trai U Blei jong phi, uba la pyllait ïa phi na Ijipt, un don ryngkat bad phi.

DEUTERONOMI 20:16

“Hynrei haba phi ïohknieh ïa ki shnong kiba hapoh kata ka ri ba U Trai U Blei jong phi u ai ha phi ban long ka jingïohpateng, pynïap ïa uwei pa uwei.

DEUTERONOMI 31:20

Ngan ïalam ïa ki sha kata ka ri kaba tuid da ka dud bad ka ngap, kumba nga la kular ïa ki kpa tymmen jong ki. Hangta kin ïoh bam katba ki kwah, bad kin im pahuh pahai. Hynrei kin phai noh sha kiwei pat ki blei bad kin mane ïa ki. Kin sa kyntait ïa nga bad pynkheiñ ïa ka jutang jong nga,

DEUTERONOMI 31:3

U Trai U Blei jong phi hi un leit ha shuwa jong phi bad un pynjot ïa ki jaitbynriew kiba shong hangta, khnang ba phin ïohkynti ïa ka ri jong ki; bad u Joshua un long u nongïalam jong phi, kumba U Trai u la ong.

DEUTERONOMI 4:38

Katba nang ïaid sha khmat, u la beh noh ïa ki jaitbynriew kiba kham khraw bad kham khlaiñ ban ïa phi, khnang ba un buh ïa phi ha ka ri jong ki, bad ai ïa ka ha phi kum ka jingïohkynti jong phi.

DEUTERONOMI 6:1

“Kine ki long ki aiñ baroh ïa kiba U Trai U Blei jong phi u la hukum ïa nga ban hikai ïa phi. Sumar bad leh ïa ki ha kata ka ri sha kaba phin sa leit bad ïohkynti.

DEUTERONOMI 6:10

“Kumba U Trai U Blei jong phi u la kular ïa ki kpa tymmen jong phi, u Abraham, u Isaak, bad u Jakob, un ai ha phi ïa ka ri kaba don ki shnong kiba heh bad kiba pahuh pahai kiba phim shym la tei.

DEUTERONOMI 6:19

bad beh ïa ki nongshun jong phi, kumba u la kular.

DEUTERONOMI 6:23

U la pyllait ïa ngi na Ijipt ban wan ïalam ïa ngi shane bad ban ai ha ngi ïa kane ka ri, kumba u la kular ha ki kpa tymmen jong ngi.

DEUTERONOMI 9:1

“Shahshkor ko Israel! Mynta ka sngi phin jam ïa ka wah Jordan bad knieh ïa kata ka ri jong ki jaitbynriew kiba kham khraw bad kham donbor ban ïa phi. Ki shnong jong ki, ki long kiba heh, bad ki kynroh jong ki, ki kot haduh suiñbneng.

DEUTERONOMI 9:3

Hynrei to tip mynta ba U Trai U Blei jong phi un ïaid ha shuwa jong phi kum ka ding kaba bam duh. Un jop bad pyndem ïa ki katba phi nang ïaid sha khmat, ba phi lah ban beh krad bad pynjot ïa ki kloi kloi, kumba u la kular.

DEUTERONOMI 9:4

“Wat ong ha la ka dohnud ynda U Trai U Blei jong phi u la pynher krad ïa ki na khmat jong phi, ka long namar ka hok jong ngi ba U Trai u la wan ïalam ïa ngi ban ïohkynti ïa kata ka ri.” Pynban ka long namar ka jingbymman kita ki jaitbynriew ba U Trai u la beh krad ïa ki namar jong phi.

JOSHUA 11:3

U la phah ktien ruh sha ki Kanaan kiba don ha baroh arliang jong ka Jordan, sha ki Amor, sha ki Hit, sha ki Peris, bad sha ki Jebus kiba ha ka ri lum, kumjuh ruh sha ki Hib kiba shong ha trai u Lum Hermon ha ka ri Mispah.

JOSHUA 24:11

Phi la jam ïa ka Jordan bad wan poi sha ka Jerikho. Ki rangbah ka Jerikho ki la ïaleh pyrshah ïa phi, kumba la leh ki Amor, ki Peris, ki Kanaan, ki Hit, ki Girgash, ki Hib bad ki Jebus. Hynrei nga la ai ha phi ka jingjop halor jong ki baroh.

JOSHUA 3:10

Katba phi nang tur sha khmat, un beh noh da shisha ïa ki Kanaan, ki Hit, ki Hib, ki Peris, ki Girgash, ki Amor, bad ki Jebus.