DEUTERONOMI 6:3 - Khasi CL Bible (BSI)

³ Shahshkor ïa ki, ko Israel, bad kohnguh ïa ki! Te phin shem bha, bad phin nang roi bad long ka jaitbynriew kaba donbor bad phin ïoh shong ha kata ka ri kaba tuid da ka dud bad ka ngap, kumba U Trai U Blei ki kpa tymmen jong ngi, u la kular.

KA BAIBL

³ To sngew, namar kata, A Israel, to sumar ruh ïa ka ban leh; ba kan long bha keiñ ïa me, bad ba phin nang roi ruh shibun eh, kumba U Trai, uba U Blei jong ki kpa jong me, u la kular ïa me, ha kata ka ri kaba tuid da ka dud, bad ka ngap.

DEUTERONOMI 6:3 ပူးပေါင်းရင်းမြစ်များ

JENESIS 12:2

Ngan ai ïa me bun ki khun ki ksiew, bad kin sa long ka jaitbynriew kaba khraw. Ngan kyrkhu ïa me bad ngan pyndonnam ïa ka kyrteng jong me, ba kumta men sa long ka jingkyrkhu.

JENESIS 13:16

Ngan ai ha me bun ki khun ki ksiew ba yn ym don mano mano ba lah ban ñiew ïa ki baroh; kan kham jem ban ñiew ïa ki phngit pui pui ha ka khyndew!

JENESIS 15:5

U Trai u ïalam ïa u shabar bad u ong, “Khmih ïa ka sahit bneng, bad pyrshang ñiew ïa ki khlur; men ïoh bun ki khun ki ksiew kat kita.”

JENESIS 22:17

nga kular ba ngan ai ha me ïa ki khun ki ksiew kat ki khlur ka sahit bneng, lane kat ki symboh shyiap harud ka duriaw. Ki khun ki ksiew jong me kin jop ïa ki nongshun jong ki.

JENESIS 26:4

Ngan ai ha me ïa ki khun ki ksiew kat ki khlur ha ka sahit bneng, bad ngan ai ha ki ïa kane ka ri baroh. Ki jaitbynriew baroh kin kyrpad ïa nga ba ngan kyrkhu ïa ki kumba nga la kyrkhu ïa ki khun ki ksiew jong me.

JENESIS 28:14

Kin man bun kum ki phngit pui pui ha ka khyndew. Kin pynïar ïa la u pud u sam ha ki liang baroh; bad da me bad ki khun ki ksiew jong me ngan kyrkhu ïa ki jaitbynriew baroh.

SALM 119:4

A Trai me la ai ha ngi ïa ki aiñ jong me bad me la ong ïa ngi ban kohnguh biang biang ïa ki.

EKSODOS 1:7

hynrei ki khun ki ksiew jong ki, ki la ïaroi shikatdei eh; ki la nang bun nang bun, bad ki la nang khlaiñ haduh ba kata ka ri ka la khapngiah da ki.

EKSODOS 3:17

Nga la kular ba ngan ïalam noh ïa ki na Ijipt ha kaba ki shah lehbeiñ, sha kata ka ri kaba tuid da ka dud bad ka ngap — ka ri jong ki Kanaan, ki Hit, ki Amor, ki Peris, ki Hib bad ki Jebus.

EKSODOS 3:6

Nga long U Blei jong ki kpa tymmen jong me, U Blei jong u Abraham, u Isaak bad u Jakob de.” Kumta u Moses u tap ïa la ka khmat, namar um nud ban peit sha U Blei.

EKSODOS 3:8

bad kumta nga la wan ban pyllait ïa ki na ki nong Ijipt bad ban ïalam noh ïa ki na ka ri Ijipt sha kata ka ri kaba ïar bad kaba seisoh, kaba tuid da ka dud bad ka ngap, ha kaba ki Kanaan, ki Hit, ki Amor, ki Peris, ki Hib bad ki Jebus ki shong mynta.

EKLESIASTIS 8:12

U nongpop u lah ban leh shispah tylli ki kam runar bad u dang im. O! ho-oid, nga tip ïa kaei ba ki ong: “Lada phi kohnguh ïa U Blei, kiei kiei baroh kin bit kin biang,

ISAÏAH 3:10

Ki briew kiba hok kin kmen, bad kiei kiei baroh kin bit kin biang ïa ki. Kin ïoh ban lehkmen ïa kaei kaba ki la trei.

JEREMAÏAH 42:6

La ka long kaba pynsngewbha ïa ngi ne kam long kumta, ngin kohnguh ïa U Trai U Blei jong ngi, ha uba ngi kyrpad ïa phi ban duwai. Baroh kan bha ïa ngi lada ngi kohnguh ïa u.”

JEREMAÏAH 7:23

Hynrei nga la hukum ïa ki ban kohnguh ïa nga, khnang ba ngan ïoh long U Blei jong ki bad ki kin ïoh long ki briew jong nga. Bad nga la ong ha ki ban im kumba nga la lah hukum ïa ki, khnang ba kiei kiei kin bit kin biang ïa ki.

KI KAM 7:17

“Haba ka por ka la nang jan na ka bynta U Blei ban bat ïa ka kular kaba u la kular ha u Abraham, ka jingdon jong ki briew jong ngi ha Ijipt ka la roi bun shah.

DEUTERONOMI 11:9

Phin ïoh shong slem ruh ha kata ka ri kaba tuid da ka dud bad ka ngap kaba U Trai u la kular ban ai ha ki kpa tymmen jong phi bad ha ki khun ki ksiew jong ki.

DEUTERONOMI 26:15

To khmih nangto na ka jaka shong bakhuid jong me ha bneng bad kyrkhu ïa ki briew jong me, ki Israel, bad ïa kane ka ri kaba tuid da ka dud bad ka ngap ba me la ai ha ngi, kumba me la kular ha ki kpa tymmen jong ngi.’

DEUTERONOMI 26:9

U la wan ïalam ïa ngi shane bad u la ai ha ngi ïa kane ka ri kaba tuid da ka dud bad ka ngap.

DEUTERONOMI 27:3

bad thoh ha ki ïa kine ki aiñ bad ki hukum baroh. Ynda phi la rung sha kata ka ri kaba tuid da ka dud bad ka ngap ba U Trai U Blei jong ki kpa tymmen jong phi u la kular ha phi,

DEUTERONOMI 31:20

Ngan ïalam ïa ki sha kata ka ri kaba tuid da ka dud bad ka ngap, kumba nga la kular ïa ki kpa tymmen jong ki. Hangta kin ïoh bam katba ki kwah, bad kin im pahuh pahai. Hynrei kin phai noh sha kiwei pat ki blei bad kin mane ïa ki. Kin sa kyntait ïa nga bad pynkheiñ ïa ka jutang jong nga,

DEUTERONOMI 4:40

Kohnguh ïa ki hukum jong u baroh kiba nga la ai ha phi mynta ka sngi, khnang ba ma phi bad ki khun ki ksiew jong phi phin manbha. Phin ïaishong sah ha kata ka ri ïa kaba U Trai U Blei jong phi u la ai ha phi ba kan long ka nongkynti jong phi junom.”

DEUTERONOMI 4:6

Sumar bad lehhok ïa ki, bad kata hi kan kren ha ki briew jong kiwei pat ki jaitbynriew haduh katno phi long kiba stad bad kiba shemphang. Haba ki ïohsngew shaphang kine ki aiñ, kin sa ïa-ong, ‘Haduh katne pleng, kane ka jaitbynriew ka don ka jingstad bad ka jingshemphang!’

DEUTERONOMI 8:8

ka ri kaba pynmih ïa u kew bad u barli, u dieng sohwaiñ bad u diengsoh Dumbur, u diengsoh Pomkranet bad u diengsoh Olib, bad ka ngap.