DEUTERONOMI 4:9 - Khasi CL Bible (BSI)

⁹ Da leh husiar! Kynmaw ba katba phi dang im phim dei ban klet ïa kaei kaba phi la ïohi da la ki khmat.

KA BAIBL

⁹ “Tang ba men sumar ïa lade, bad sharai minot bha ïa la ka mynsiem, ïoh ba men klet ïa kine kiei kiei kiba ki khmat jong me ki la ïohi, bad ïoh ba kin kynriah noh ruh na ka dohnud jong me, baroh ki sngi ka rta jong me; hynrei, to hikai ïa ki ha la ki khun shynrang, bad ha ki khun shynrang ki khun shynrang jong me keiñ;

DEUTERONOMI 4:9 ပူးပေါင်းရင်းမြစ်များ

JENESIS 18:19

Nga la jied ïa u khnang ba un hukum ïa la ki khun shynrang bad ïa ki khun ki ksiew jong u ba kin kohnguh ïa nga bad ban leh ïa kata kaba dei bad kaba hok. Lada ki leh kumta, ngan leh lut ïa kata kaba nga la kular ha u.”

SALM 119:11

Nga ri khop ïa ka hukum jong me ha la ka dohnud, khnang ba ngan ym leh pop pyrshah ïa me.

SALM 71:18

Mynta ba nga la tymmen ruh bad ba u shñiuh jong nga u la lieh, wat iehnoh ïa nga, A Blei! to long bad nga katba nga pynbna ïa ka bor bad ka jingkhlaiñbor jong me ha ki pateng baroh ki ban sa wan.

EKSODOS 10:2

bad ba phi lah ban ïathuh ha ki khun ki ksiew jong phi kumno nga la pynpaw bieit ïa ki nong Ijipt haba nga leh ïa kine ki kambah. Phi baroh phin tip ba nga long U Trai.”

EKSODOS 23:13

“Shahshkor ïa kaei kaei baroh kaba nga U Trai nga la kren ha phi. Wat duwai ha kiwei pat ki blei; bad tang ïa ka kyrteng jong ki ruh wat ïalap.

PROBERB 1:8

Ko khun jong nga, to pynleit jingmut ïa kaei kaba u kpa bad ka kmie jong phi ki ong ïa phi.

PROBERB 23:26

Ko khun, to shahshkor bha, bad shah ba ka jingim jong nga kan long ka nuksa ïa phi.

PROBERB 3:21

Ko khun jong nga, batskhem ïa la ka jingstad bad ka jingsngewthuh. Wat shah lano lano ba kin lait noh na phi.

PROBERB 7:1

Ko khun jong nga, to kynmaw ïa kaei kaba nga kren, bad wat ju klet ban leh ïa kaei kaba nga ong ïa phi ban leh.

ISAÏAH 38:19

Dei kiba im kiba ïaroh ïa me, kumba nga ïaroh ïa me mynta. Ki kpa ki ïathuh ïa la ki khun katno me long uba ïaineh.

ISAÏAH 42:20

Ko Israel, phi la ïohi shibun bha, hynrei ka don jingmut aïu ïa phi? Phi don ki shkor ban sngew, hynrei phi ïohsngew aïu da shisha?”

JEREMAÏAH 17:21

Ïathuh ïa ki ba lada ki ieit ïa la ka jingim, kim dei ban kit kano kano ka jingkit ha ka Sabbaton; kim dei ban rah ïa kano kano shapoh lyngba ki khyrdop jong ka Jerusalem

LOUKAS 8:18

“Da phikir, te, kumno phi pynshahshkor; namar ha uno uno uba don yn ai kham bun shuh, hynrei ha uno uno u bym don, un shah shim noh na u wat ïa kata kaba rit tam kaba u pyrkhat ba u don.”

EPHESOS 6:4

Phi ruh ki kmie ki kpa, wat leh ïa la ki khun ha kata ka rukom ban pynbitar ïa ki, pynban to pynheh pynsan ïa ki ha ka jingsneng bad jinghikai ba kynja mynsiem.

DEUTERONOMI 11:19

Hikai ïa ki ha ki khun ki kti jong phi. Ïalap shaphang jong ki haba phi don ha ïing bad haba phi ïaid ha lynti, haba phi shongthait bad haba phi trei phi ktah.

DEUTERONOMI 12:1

“Kine ki long ki hukum ba phi dei ban kohnguh katba phi dang shong ha kata ka ri ïa kaba U Trai, U Blei jong ki kpa tymmen jong phi, u ai ha phi.

DEUTERONOMI 16:3

Haba phi bam ïa kane ka jingbam, wat bam ïa u kpu ba la khleh thiat. Hynñiew sngi phin bam ïa u kpu khlem thiat, kumba phi la bam mynba phi la dei ban mihnoh kyrkieh na Ijipt. Bam ïa une u kpu — yn khot ïa u, u kpu ka jingshah shitom — ba katba phi dang im phin ïai kynmaw ïa kata ka sngi mynba phi mihnoh na Ijipt, kata ka jaka ka jingshah shitom.

DEUTERONOMI 17:19

Un buh bad u ïa kata ka kitab bad un pule na ka synñia sngi, ba un tip ban tiengburom ïa U Trai bad kohnguh hok ïa ki aiñ bad ki hukum baroh ïa kiba la thoh hangta.

DEUTERONOMI 29:29

“Don kiei kiei kiba U Trai U Blei jong ngi u dang buhrieh na ka jingtip u briew; hynrei u la pynpaw ïa ka Aiñ jong u, bad ma ngi lem bad ki khun ki ksiew jong ngi, ngi dei ban kohnguh ïa ka junom.

DEUTERONOMI 31:19

“Mynta, thoh ïa kane ka jingrwai. Hikai ïa ka ha ki Israel, khnang ba ka kan ïeng kum ka sakhi pyrshah ïa ki.

DEUTERONOMI 32:46

u ong, “Sumar bha ban kohnguh ïa kine ki hukum baroh kiba nga la ai ha phi mynta ka sngi. Ïathuh ïa ki ha ki khun ki kti jong phi, ba ki ruh kin ïai kohnguh ïa baroh ki jinghikai jong U Blei.

DEUTERONOMI 4:10

Ïathuh pateng ha ki khun ki ksiew jong phi shaphang kata ka sngi ba phi ïeng ha khmat U Trai U Blei jong phi ha u Lum Sinai, mynba u ong ha nga, ‘Lumlang ïa u paidbah. Nga kwah ba kin ïohsngew aïu ngan ong, ba kumta kin tiengburom ïa nga katba ki dang im bad ba kin hikai ïa la ki khun ki kti ban leh kumjuh.’

DEUTERONOMI 4:15

“Mynba U Trai u kren ha phi napdeng ka ding ha u Lum Sinai, phim shym la ïohi ïa kano kano ka dur.

DEUTERONOMI 4:23

Sumar ban ym klet ïa ka jutang ba U Trai U Blei jong phi u la pynlong bad phi. Kohnguh ïa ka hukum jong u ban ym thaw na ka bynta ïa lade ïa kano kano ka durblei,

DEUTERONOMI 6:12

kynmaw ba phin ym klet ïa U Trai uba la pyllait ïa phi na ka ri Ijipt, ha kaba phi la long ki mraw.

DEUTERONOMI 6:2

Katba phi dang im, ma phi bad ki khun ki ksiew jong phi, phi dei ban tiengburom ïa U Trai U Blei jong phi, bad kohnguh ïa ki hukum jong u ïa kiba nga ai ha phi, khnang ba phi lah ban im slem ha kata ka ri.

DEUTERONOMI 6:20

“Hadien habud, ki khun ki kti jong phi kin kylli ïa phi, ‘Balei mo U Trai U Blei jong ngi u ong ïa ngi ban kohnguh ïa kine ki hukum baroh?’

DEUTERONOMI 6:7

Hikai ïa ki ha ki khun ki kti jong phi. Ïai pynkynmaw ïa ki haba phi don ha ïing bad haba phi ïaid ha lynti, haba phi shongthait bad haba phi trei phi ktah.

DEUTERONOMI 8:11

“Sumar ban ym klet ïa U Trai U Blei jong phi; wat lyndet ïa ki hukum bad ki aiñ jong u ïa kiba nga ai ha phi mynta ka sngi.

DEUTERONOMI 8:14

kynmaw ban ym sngewsarong bad ban ym klet ïa U Trai U Blei jong phi uba la pyllait ïa phi na ka ri Ijipt ha kaba phi la long ki mraw.

HEBRU 2:1

Namar kata ngi dei ban kham batskhem ïa kita ki jingshisha ïa kiba ngi la ïohsngew, kumta ba ngin ym shah rong noh.

HEBRU 2:3

Da kumno te ngin lait, lada ngi leh bymsuidñiew ïa ka jingpynim kaba khraw katta katta? U Trai hi u la pynbna nyngkong ïa kane ka jingpynim, bad kita kiba la ïohsngew ïa u ki pynshisha ha ngi ba ka long kaba shisha.

JAKOB 2:22

Hato phim ïohi? Ka jingngeit jong u bad ki kam jong u ki ïatreilang; ïa ka jingngeit jong u la pynlong janai da ki kam jong u.

JOSHUA 1:18

Uno uno uba artatien ïa ka iktiar jong me lane u bymkohnguh ïa kano kano na ki hukum jong me un shah pynïap. To long uba kut jingmut triang bad uba skhem.”

JOSHUA 23:11

Da sumar bha te, ban ieit ïa U Trai U Blei jong phi.

JOSHUA 4:21

Bad u la ong ha ki paid Israel, “Hadien habud, haba ki khun ki kti jong phi ki kylli ïa phi aïu kine ki maw ki mut,

JINGPYNPAW 3:3

Kynmaw te, ïa kaei kaba la hikai ïa pha bad ïa kaei kaba pha la ïohsngew; kohnguh ïa kata bad phai noh na ki pop jong pha. Lada pham kyndit bynriew noh, ngan wan ha pha kum u nongtuh, bad phan ym lah wat ban tip ïa ka por lano ngan wan.

NONGBISHAR 3:7

Ki paid Israel ki la klet ïa U Trai U Blei jong ki; ki la leh pop pyrshah ïa u bad mane ïa ki bleithaw Baal bad Asherah.

NONGBISHAR 8:34

bad kim shym la shakri shuh ïa U Trai U Blei jong ki, uba la pynim ïa ki na ki nongshun baroh kiba sawdong jong ki.