DEUTERONOMI 4:1 - Khasi CL Bible (BSI)

¹ Nangta u Moses u ong ha uta u paidbah, “Kohnguh ïa ki hukum baroh ïa kiba nga hikai ïa phi, te phin ïoh im bad phin ïohkynti ïa kata ka ri kaba U Trai U Blei ki kpa tymmen jong phi, u ai ha phi.

KA BAIBL

¹ “Te namar kata to sngew, A Israel, ïa ki hukum, bad ïa ki jingbishar, ïa kiba nga hikai ïa phi, ïa ka ban leh ïa ki; ba phin ïoh im, bad phin leit hapoh, ban ïoh ruh ïa kata ka ri ïa kaba U Trai uba U Blei ki kpa jong phi u ai ha phi.

DEUTERONOMI 4:1 ပူးပေါင်းရင်းမြစ်များ

Ka Shithi U Paul Sha Ki Nong Rom 10:5

U Moses u la thoh ïa kane, shaphang ka jingïadei bad U Blei da kaba kohnguh ïa ka Hukum: “Uno uno uba kohnguh ïa ki aiñ jong ka Hukum un ïap.”

DEUTERONOMI 8:1

“Da kohnguh hok ïa ki hukum baroh ba nga la ai ha phi mynta ka sngi, ba phin ïoh im, phin roi, bad phin ïohkynti ïa kata ka ri ïa kaba U Trai u la kular ha ki kpa tymmen jong phi.

ESEKIEL 20:11

Nga la ai ha ki ïa ki hukum jong nga bad nga la hikai ha ki ïa ki aiñ jong nga, kiba wallam ka jingim ïa uno uno uba kohnguh ïa ki.

LEBITIKOS 18:5

Bud ïa ki rukom leh bad ki hukum kiba nga ai ha phi; da kaba leh kumta, phin ïoh im. Nga long U Trai.”

DEUTERONOMI 30:16

Lada phi kohnguh ïa ki hukum U Trai U Blei jong phi ïa kiba nga ai ha phi mynta ka sngi, lada phi ieit ïa u, lada phi kohnguh ïa u, bad lada phi sumar ïa ki aiñ jong u, phin manbha bad phin long ruh ka jaitbynriew kaba bun paid. U Trai U Blei jong phi un kyrkhu ïa phi ha kata ka ri ba phin ïohkynti.

DEUTERONOMI 5:33

Kohnguh ïa ki baroh, khnang ba phin manbha, bad ba phin im slem ha kata ka ri kaba phin sa ïohkynti.

DEUTERONOMI 5:1

U Moses u khot lang ïa ki Israel baroh bad u ong ha ki, “Ko phi ki Israel, shahshkor ïa ki hukum baroh ïa kiba ngan ai ha phi mynta ka sngi. Pule ïa ki bad pynthikna ba phi kohnguh ïa ki.

LEBITIKOS 22:31

“Kumta phin sumar bad leh ïa ki hukum jong nga: nga long U Trai.

LEBITIKOS 19:37

Kohnguh ïa ki aiñ bad ki hukum jong nga baroh. Nga long U Trai.”

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

ESEKIEL 37:24

U syiem uba kum u Dabid, u shakri jong nga un long u syiem jong ki. Kin ïalong kawei hapoh uwei u nongsynshar bad kin kohnguh hok ïa ki aiñ jong nga.

ESEKIEL 36:27

Ngan buh ïa U Mynsiem jong nga hapoh jong phi bad ngan peit ba phi bud ïa ki aiñ jong nga bad sumar ïa ki hukum jong nga kiba nga la ai ha phi.

ESEKIEL 20:21

“Hynrei kata ka pateng bynriew ruh ka la ïaleh pyrshah ïa nga. Ki la pynkheiñ ïa ki aiñ jong nga bad kim shym la bat ïa ki hukum jong nga, kiba wallam jingim ha uno uno uba kohnguh ïa ki. Ki la pyntngit ïa ka Sabbaton. Nga la kloi ban shah ïa ki ban sngew ïa ka bor ka jingbitar jong nga hangta ha ka ri shyiap bad ban pynïap ïa ki baroh.

ESEKIEL 11:20

Te kin sumar ïa ki aiñ jong nga bad kin kohnguh hok ïa ki hukum jong nga. Kin long ki briew jong nga bad ngan long U Blei jong ki.

SALM 119:4

A Trai me la ai ha ngi ïa ki aiñ jong me bad me la ong ïa ngi ban kohnguh biang biang ïa ki.

SALM 105:45

khnang ba ki briew jong u kin kohnguh ïa ki aiñ jong u bad ban bat ïa ki hukum jong u baroh. Ïaroh ïa U Trai!

DEUTERONOMI 30:19

Nga ai ha phi mynta ban jied napdeng ka jingim bad ka jingïap, napdeng ka jingkyrkhu U Blei bad ka jingtim U Blei, bad nga khot ïa ka bneng bad ka pyrthei ban sakhi ïano phi jied. Jied ïa ka jingim.

DEUTERONOMI 16:20

Leh beit bad lehhok borabor, khnang ba phin ïohkynti ïa kata ka ri ba U Trai U Blei jong phi u ai ha phi bad ba phin ïaishong hangta.

DEUTERONOMI 11:32

kynmaw ban kohnguh ïa ki hukum baroh ba nga ai ha phi mynta ka sngi.

DEUTERONOMI 11:1

“Ieit ïa U Trai U Blei jong phi, bad ïai kohnguh ïa ki aiñ jong u baroh.

DEUTERONOMI 4:45

Dei hadien ba ki la wan mih na Ijipt bad mynba ki don ha kata ka them kaba sha mihngi na ka wah Jordan, marpyrshah ïa ka shnong Bethpeor, ba u ai ha ki ïa kine ki hukum. Kane ka long ha ka hima u Sihon u syiem Amor, uba synshar ha ka shnong Heshbon. Mynba U Moses bad ki Israel ki la jop ïa u ynda ki la mih na Ijipt.

DEUTERONOMI 4:8

Ym don kawei pat ka jaitbynriew, la ka khraw katno katno, kaba don ki aiñ kiba hok kat kito kiba nga la hikai ïa phi mynta ka sngi.

LEBITIKOS 20:8

Sumar ïa ki hukum jong nga, namar nga long U Trai uba pynkyntang khuid ïa phi.”

ÏOANNIS 15:14

Bad phi long ki paralok jong nga lada phi leh ïa kaei kaba nga hukum ïa phi.

LOUKAS 1:6

Baroh ar ngut ki im ka jingim kaba bha ha khmat U Blei bad ki la kohnguh lut ïa baroh ki aiñ bad ki hukum jong U Trai.

EKSODOS 18:20

Phi dei ban hikai ïa ki shaphang ki hukum jong U Blei bad batai ïa ki kumno ki dei ban im bad aïu ki dei ban leh.

DEUTERONOMI 1:3

Ha ka sngi kaba nyngkong jong u bnai uba khatwei, ha ka snem kaba sawphew hadien ba ki la mih na Ijipt, u Moses u ïathuh ha u paidbah ïa kaei kaei baroh kaba U Trai u la hukum ïa u ban ong ha ki,

DEUTERONOMI 4:40

Kohnguh ïa ki hukum jong u baroh kiba nga la ai ha phi mynta ka sngi, khnang ba ma phi bad ki khun ki ksiew jong phi phin manbha. Phin ïaishong sah ha kata ka ri ïa kaba U Trai U Blei jong phi u la ai ha phi ba kan long ka nongkynti jong phi junom.”

DEUTERONOMI 30:20

To ieit ïa U Trai U Blei jong phi, kohnguh bad ïaineh ha u; te ma phi bad ki khun ki ksiew jong phi phin im slem ha kata ka ri ba u la kular ban ai ha ki kpa tymmen jong phi, u Abraham, u Isaak, bad u Jakob.”

LEBITIKOS 19:19

“Kohnguh ïa ki hukum jong nga. Wat shah ba ki jingri jong phi kin ïapoi kha bad ki bym dei na kajuh ka jait. Wat thung ha kajuh ka lyngkha ar jait u symbai. Wat phong ïa ka jaiñ kaba la suh da ki ar jait ki ksai.

DEUTERONOMI 1:8

Kane baroh ka long kata ka ri kaba nga U Trai nga la kular ban ai ha ki kpa tymmen jong phi, u Abraham, u Isaak, bad u Jakob, bad ha ki khun ki ksiew jong ki. Khie leit kam kynti ïa ka.’ ”

DEUTERONOMI 6:1

“Kine ki long ki aiñ baroh ïa kiba U Trai U Blei jong phi u la hukum ïa nga ban hikai ïa phi. Sumar bad leh ïa ki ha kata ka ri sha kaba phin sa leit bad ïohkynti.

DEUTERONOMI 6:24

Nangta U Trai U Blei jong ngi u la ong ïa ngi ban kohnguh ïa kine ki hukum baroh bad ban tiengburom ïa u, na ka bynta ka jingbha jong ngi ba un ri pynim ïa ngi kumba ha kane ka sngi.

DEUTERONOMI 7:11

Namar kata, kohnguh ïa kaei kaba la lah hikai ïa phi, sumar ban leh ïa ki hukum bad ki aiñ baroh ïa kiba nga la ai ha phi mynta ka sngi.

DEUTERONOMI 8:11

“Sumar ban ym klet ïa U Trai U Blei jong phi; wat lyndet ïa ki hukum bad ki aiñ jong u ïa kiba nga ai ha phi mynta ka sngi.

DEUTERONOMI 9:1

“Shahshkor ko Israel! Mynta ka sngi phin jam ïa ka wah Jordan bad knieh ïa kata ka ri jong ki jaitbynriew kiba kham khraw bad kham donbor ban ïa phi. Ki shnong jong ki, ki long kiba heh, bad ki kynroh jong ki, ki kot haduh suiñbneng.

DEUTERONOMI 13:1

“U nongïathuhlypa ne u nongbatai ïa ki jingphohsniew u lah ban kular ïa ka kambah ne ka kamphylla,

JOSHUA 3:9

Nangta u Joshua u ong ha ki paidbah, “Ale hangne bad sngap ïa kaei kaba U Trai U Blei jong phi u don ban ong.

JEREMAÏAH 11:6

Nangta U Trai u la ong ha nga, “Khie leit sha ki nongbah jong ka Judah bad sha ki lynti jong ka Jerusalem. Pynbna ïa ka khubor jong nga hangta bad ïathuh ïa ki briew ban shahshkor ïa ki kyndon jong ka jutang bad ban kohnguh ïa ki.