DEUTERONOMI 26:3 - Khasi CL Bible (BSI)

³ Leit sha u lyngdoh uba dei peit kam ha kata ka por, bad ong ha u, ‘Nga pynbna mynta ka sngi ha U Trai U Blei jong nga ba nga la wan rung ha kata ka ri ba u la kular ha ki kpa tymmen jong ngi ban ai ha ngi.’

KA BAIBL

³ Bad men leit sha uta u lyngdoh u ban long ha kita ki sngi, bad men ong ha u, ‘Nga phla ha kane ka sngi ha U Trai uba U Blei jong me, ba nga la wan sha kata ka ri ïa kaba U Trai u la smai ha ki kpa jong ngi ban ai ha ngi.’

DEUTERONOMI 26:3 ပူးပေါင်းရင်းမြစ်များ

JENESIS 17:8

Ngan ai ha me, bad ha ki khun ki ksiew jong me, ïa kane ka ri ha kaba mynta me long u nongwei. Ka ri Kanaan baroh kawei kan long ka jingïohkynti junom jong ki khun ki ksiew jong me; bad nga ngan long U Blei jong ki.”

JENESIS 26:3

To shong to sah hangne, bad ngan long lem bad me, bad ngan kyrkhu ïa me. Ngan sa ai ïa kane ka ri baroh ha me bad ha ki khun ki ksiew jong me. Ngan bat ïa la ka kular kaba nga la pynlong ha u Abraham u kpa jong me.

DEUTERONOMI 1:8

Kane baroh ka long kata ka ri kaba nga U Trai nga la kular ban ai ha ki kpa tymmen jong phi, u Abraham, u Isaak, bad u Jakob, bad ha ki khun ki ksiew jong ki. Khie leit kam kynti ïa ka.’ ”

DEUTERONOMI 19:17

baroh arliang ki dei ban leit sha kata ka jaka mane Blei ba yn bishar ïa ki da ki lyngdoh bad ki nongbishar kiba treikam ha kata ka por.

DEUTERONOMI 26:2

iwei pa iwei na phi phin buh ha ka shang ïa u soh nyngkong hadien ba phi la lum na uwei pa uwei u jait jingthung, bad leit rah ïa ka sha ka jaka mane Blei.

DEUTERONOMI 26:4

“Uta u lyngdoh un shim ïa kata ka shang na phi bad buh ïa ka ha khmat ka duwan U Trai U Blei jong phi;

HEBRU 10:21

Ngi don u lyngdoh uba khraw uba peit ïa ka ïing U Blei.

HEBRU 13:15

Namarkata, to ngin ai jingïaroh ïa U Blei khlem da pud kum ka jingkñia da U Jisu, kaba long ka jingainguh da ki rmiang shyntur kiba phla ïa u kum U Trai.

HEBRU 7:26

U Jisu, te, u long U Rangbah Lyngdoh uba pynbiang ïa ki jingdonkam jong ngi. U long uba khuid; um shym don kano kano kaba bakla lane ka pop ha u; la pynkyrpang ïa u na ki nongpop bad la kyntiew ïa u sha ki bneng.

1 PETROS 2:5

To wan kum ki maw ba-im, bad to shah ïa lade ba yn pyndonkam ha kaba tei ïa ka Templ ba kynja mynsiem, ha kaba phin shakri kum ki lyngdoh bakhuid ban ai ïa ki jingkñia ba kynja mynsiem bad ba pdiang hun ha U Blei da U Jisu Khrist.