DEUTERONOMI 26:16 - Khasi CL Bible (BSI)

¹⁶ “Mynta ka sngi, U Trai U Blei jong phi u hukum ïa phi ban kohnguh ïa ki aiñ jong u baroh; kumta kohnguh ïa ki da ka dohnud jong phi baroh.

KA BAIBL

¹⁶ “Ha kane ka sngi, U Trai uba U Blei jong me u la hukum ïa me ban leh ïa kine ki aiñ bad ïa ki jingbishar: namar kata, to men sumar ban leh ïa ki da la ka dohnud baroh, bad da la ka mynsiem baroh.

DEUTERONOMI 26:16 ပူးပေါင်းရင်းမြစ်များ

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

ÏOANNIS 14:15

“Lada phi ieit ïa nga, phin sumar ïa ki hukum jong nga.

DEUTERONOMI 10:12

“Mynta, ko ki paid Israel, shahshkor ïa kaei kaba U Trai U Blei jong phi u dawa na phi: Mane ïa U Trai bad leh ïa kata baroh kaba u hukum. Ieit ïa u, shakri ïa u da ka dohnud jong phi baroh, bad kohnguh ïa ki hukum jong u baroh.

DEUTERONOMI 11:1

“Ieit ïa U Trai U Blei jong phi, bad ïai kohnguh ïa ki aiñ jong u baroh.

DEUTERONOMI 11:8

“To kohnguh ïa ki hukum baroh ba nga la ai ha phi mynta ka sngi. Kumta te phin lah ban jam sha shiliang wah bad ban ïohkynti ïa kata ka ri sha kaba phin sa leit rung.

DEUTERONOMI 12:1

“Kine ki long ki hukum ba phi dei ban kohnguh katba phi dang shong ha kata ka ri ïa kaba U Trai, U Blei jong ki kpa tymmen jong phi, u ai ha phi.

DEUTERONOMI 12:32

“Leh ïa kata baroh kaba nga la hukum ïa phi; wat pyntam ha ka ne pynduna ei ei na ka.

DEUTERONOMI 26:17

Mynta ka sngi phi la pynbna ba U Trai u long U Blei jong phi; phi la kular ban kohnguh ïa u, ban sumar ïa ki aiñ bad ki hukum jong u, bad ban leh ruh kat ïa kaba u hukum.

DEUTERONOMI 4:29

Bad hangta phin wad ïa U Trai U Blei jong phi, bad lada phi wad ïa u da ka dohnud jong phi baroh, phin shem ïa u.

DEUTERONOMI 6:1

“Kine ki long ki aiñ baroh ïa kiba U Trai U Blei jong phi u la hukum ïa nga ban hikai ïa phi. Sumar bad leh ïa ki ha kata ka ri sha kaba phin sa leit bad ïohkynti.

DEUTERONOMI 6:17

Kynmaw ba phi dei ban kohnguh ïa ki hukum baroh kiba u la ai ha phi.

DEUTERONOMI 6:5

Phin ieit ïa U Trai U Blei jong phi da ka dohnud jong phi baroh, da ka mynsiem jong phi baroh, bad da ka bor jong phi baroh.

DEUTERONOMI 8:2

Kynmaw kumno U Trai U Blei jong phi u la ïalam ïa phi baroh shi lynter lynti lyngba ka ri shyiap ha kine ki sawphew snem kiba la dep ba un pyndem ïa phi, u da tynjuh ïa phi ba un ïoh tip aïu phi thmu ban leh, bad la phin kohnguh ne em ïa ki hukum jong u.