DEUTERONOMI 26:11 - Khasi CL Bible (BSI)

¹¹ To long kiba sngewnguh namar kiei kiei kiba bha ba U Trai U Blei jong phi u la ai ha phi bad ha ka ïing ka sem jong phi; shah ruh ïa ki Lebi bad ki nongwei kiba shong hapdeng jong phi ban ïalehkmen lem bad phi.

KA BAIBL

¹¹ Men leh kmen ruh ha ka babha baroh ïa kaba U Trai uba U Blei jong me u la ai ha me, bad ha ka ïing jong me, ma me, bad u Lebi, bad u nongwei uba hapdeng jong phi.

DEUTERONOMI 26:11 ပူးပေါင်းရင်းမြစ်များ

DEUTERONOMI 16:11

Lehkmen ha khmat U Trai ryngkat bad ki khun ki kti jong phi, ki shakri shakor jong phi, bad ki Lebi, ki nongwei, ki khunswet, bad ki riewkynthei kiba shong ha ki shnong jong phi. Leh ïa kane ha kata ka jaka mane Blei.

DEUTERONOMI 12:7

Hangta ha khmat U Trai U Blei jong phi, uba la kyrkhu ïa phi, ma phi bad ki ba-ha-ïing ha-sem jong phi phin ïabam bad ïalehkmen ha kiei kiei kiba bha kiba phi la trei shitom.

PHILIPPI 4:4

Ai ba phin shadkmen borabor ha U Trai; nga ban biang ïa ka: To ïakmen.

ISAÏAH 65:14

Kin rwai da kaba kmen, hynrei phi phin ïam ha ka jingpait dohnud.

DEUTERONOMI 28:47

U Trai u la kyrkhu kyrhai ïa phi ha ki bynta baroh, hynrei phim shym shakri ïa u da ka dohnud kaba sngewbha bad kaba kmen.

SEKHARAÏAH 9:17

Katno kaba bha bad kaba itynnat ka ri kan long! Ki samla kin san kin khlaiñ da u kew bad ka waiñ jong ka.

DEUTERONOMI 12:12

Shadkmen ha khmat jong u hangta, lem bad ki khun ki kti jong phi, ki shakri shakor jong phi, bad ki Lebi kiba shong ha ki shnong jong phi; to kynmaw ba ki Lebi kim don bri don khyndew la ka jong.

1 KORINTH 9:11

Ngi la bet ïa u symbai ba kynja mynsiem hapdeng jong phi. Hato ka long palat eh lada ngi shim ïa ki jingmyntoi na phi?

DEUTERONOMI 12:18

Ma phi bad ki khun ki kti jong phi, lem bad ki shakri shakor jong phi, bad ki Lebi ruh kiba shong ha ki shnong jong phi, phi dei ban bam ïa kine ki jingainguh tang ha khmat U Trai U Blei jong phi, ha kawei ka jaka mane Blei kaba u la jied. Bad hangta phi dei ban sngewkmen na ka bynta kaei kaei baroh kaba phi la leh.

DEUTERONOMI 27:7

hangta ruh kñia bad bam ïa ki jingainguh ïasyllok, bad lehkmen ha khmat U Trai U Blei jong phi.

NEHEMAÏAH 8:10

Mynta leit noh sha la ïing bad bam bad dih sngewbha. Ïasam ïa ka jingbam bad ka waiñ bad kito ki bym dap bym biang. Mynta ka sngi ka long kaba khuid ha U Trai jong ngi, kumta wat sngewsih. Ka jingkmen kaba U Trai u la ai ha phi kan pynlong khlaiñ ïa phi.”

EKLESIASTIS 3:12

Kumta nga la sngewthuh ba baroh kaba ngi lah ban leh ka long ban kmen bad leh ïa kaba bha tam kaba ngi lah katba ngi dang im.

EKLESIASTIS 3:13

Baroh na ngi, ngi dei ban bam bad dih bad lehkmen ïa kaei kaba ngi la trei. Ka dei ka jingai jong U Blei.

EKLESIASTIS 5:18

Kane ka dei kaei kaba nga la shem: Kaba bha tam kaba ngi lah ban leh ka long ban bam bad ban dih bad ban lehkmen ïa kaei kaba ngi la trei ha ka jingim balyngkot kaba U Blei u la ai ïa ngi; kane ka dei ka kupar jong ngi.

EKLESIASTIS 7:14

Haba kiei kiei ki bit ki biang ïa phi, to kmen, bad haba ka jingjynjar ka wan, shu kynmaw: U Blei u phah ïa ka jingkmen bad ka jingjynjar; phin ym tip da lei lei kaei ka ban jia hadien.