DEUTERONOMI 15:6 - Khasi CL Bible (BSI)

⁶ U Trai un kyrkhu ïa phi kumba u la kular. Phin sa ai kylliang ha kiba bun ki jaitbynriew, hynrei phin ym hap shim kylliang nano nano; phin long kynrad halor kiba bun ki jaitbynriew, hynrei yn ym don ka jaitbynriew ka ban long kynrad halor jong phi.

KA BAIBL

⁶ Namar U Trai uba U Blei jong me un kyrkhu ïa me, kumba u la kular ïa me: te men sa ai kylliang ha ki bun ki jaid bynriew, hynrei, men ym shim kylliang; te men synshar ruh halor bun ki jaid bynriew, hynrei, kin ym ïoh synshar keiñ halor jong me.

DEUTERONOMI 15:6 ပူးပေါင်းရင်းမြစ်များ

1 SYIEM 4:21

Ka hima u Solomon ka kynthup ïa baroh ki ri naduh ka wah Ïuphratis haduh ka ri ki Philistia bad ka pud Ijipt. Ki la siew khajna ïa u bad ki la hap hapoh jong u katba u dang im.

1 SYIEM 4:24

U Solomon u la synshar ïa ka jaka baroh kaba sha sepngi jong ka wah Ïuphratis, naduh Tiphsah kaba ha Ïuphratis haduh shaphang sepngi ka nongbah Gasa. Baroh ki syiem kiba sha sepngi jong ka Ïuphratis ki la hap hapoh jong u, bad u la don ha ka jingïasuk bad ki ri ba-marjan baroh.

1 KHRONIKL 17:27

Nga kyrpad ïa me ban kyrkhu ïa ki khun ki ksiew jong nga khnang ba kin ïai lehkmen ha ka jinglehbha jong me. Ma me, A Trai, me la kyrkhu ïa ki, bad ka jingkyrkhu jong me kan neh bad ki junom.”

2 KHRONIKL 9:26

U long u nongsynshar uba hakhlieh tam na ki syiem baroh ha ka thain naduh ka wah Ïuphratis haduh ka ri Philistia bad haduh khappud ka Ijipt.

ESRA 4:20

Ki syiem bakhlaiñbor ki la synshar hangto bad ki la synshar ïa ka probins jong ka Ïuphratis Sepngi baroh kawei, ki da lum khajna bad ki jingmih.

NEHEMAÏAH 9:27

kiba ong ïa ki ba ki dei ban phai pat sha me. Ki la ñiewbeiñ ïa me na ka por sha ka por, ba kumta me shah ïa ki nongshun jong ki ban jop bad synshar ïa ki. Ha ka jingeh jong ki, ki khot ïa me na ka bynta ka jingïarap, bad me jubab ïa ki na bneng. Ha ka jingisynei bakhraw me phah ki nongïalam ïa ki kiba pyllait ïa ki na ki nongshun jong ki.

SALM 112:5

Suk uta u briew uba sbun ha ka jingairam jong u, uba pynïaid hok ïa ka kam khaïi jong u.

SALM 37:21

U bymman u shim kylliang, bad um ju pynphai shuh; hynrei u briew uba bha u sbun da ki jingai sngewbha jong u.

SALM 37:26

Ha ki por baroh u ai ei bad u ai kylliang sha kiwei, bad ki khun ki kti jong u ki long ka jingkyrkhu.

PROBERB 22:7

Ki briew kiba duk ki long ki mraw jong u briew bariewspah, pan kylliang pisa bad phin long u mraw jong u nongai ram.

LOUKAS 6:35

Em! Ieit ïa ki nongshun jong phi bad lehbha ïa ki; to ai kylliang bad wat khmih lynti ban ïoh ei ei pat. Te phin ïoh ka bainong kaba khraw, bad phin long ki khun jong U Blei Uba Hakhlieh Tam Eh. Naba u long uba bha ïa u bymsngewnguh bad ïa uba bymman.

DEUTERONOMI 15:5

lada phi kohnguh ïa u bad phi sumar biang biang ïa kata baroh kaba nga hukum ïa phi mynta ka sngi.

DEUTERONOMI 28:44

Kin don ka spah ka phew kat ban ai kylliang ïa phi, hynrei phi pat phin ym don ei ei ban ai kylliang ïa ki. Ha kaba khatduh kin sa long ki nongsynshar jong phi.