DEUTERONOMI 15:4 - Khasi CL Bible (BSI)

⁴ “U Trai U Blei jong phi un kyrkhu ïa phi ha kata ka ri kaba u ai ha phi. Yn ym don uwei ruh uba duk na ki para jait jong phi,

KA BAIBL

⁴ Khnang keiñ, ban ym don u baduk hapdeng jong phi’; (namar U Trai un kyrkhu ïa me shikatdei eh, ha kata ka ri ïa kaba U Trai uba U Blei jong me u ai ha me, ban ïoh pateng ïa ka kum ka bynta;)

DEUTERONOMI 15:4 ပူးပေါင်းရင်းမြစ်များ

PROBERB 14:21

Lada phi kwah ban long kiba kmen, to lehsbun ïa kiba duk; ka long ka pop ban ñiewbeiñ ïano ïano.

PROBERB 28:27

Ai ha kiba duk bad phin ym don ha ka jingkyrduh lano lano ruh. Lada phi khapbrip la ki khmat sha kiba duk, ki briew kiba bun kin tim ïa phi.

DEUTERONOMI 14:29

Kane ka jingbam ka long na ka bynta ki Lebi, namar kim don bri don khyndew, bad na ka bynta ki nongwei, ki khunswet, bad ki riewkynthei kiba shong ha ki shnong jong phi. Kin ïawan bad kin ïoh kat ïa kaba ki donkam. Leh kumta, bad U Trai U Blei jong phi un kyrkhu ïa phi ha ki kam jong phi baroh.

DEUTERONOMI 15:5

lada phi kohnguh ïa u bad phi sumar biang biang ïa kata baroh kaba nga hukum ïa phi mynta ka sngi.

DEUTERONOMI 28:11

U Trai un ai ha phi kyrhai ki khun ki kti, kyrhai ki masi, bad kyrhai ki soh ha kata ka ri ba u la kular ha ki kpa tymmen jong phi ban ai ha phi.

DEUTERONOMI 3:18

“Nangta nga ai ruh ha ki ïa kine ki jingbthah: ‘U Trai U Blei jong ngi u la ai ïa kane ka ri kaba sha mihngi na Jordan ba phin ïohkynti ïa ka. Mynta pat, pynkieng atiar ïa ki rangïapom jong phi bad phah ïa ki sha shiliang ka Jordan ha shuwa kiwei pat ki jait Israel ban ïarap ïa ki ban ïohkynti ïa ka bynta jong ki de.

DEUTERONOMI 4:21

Dei namar jong phi ba U Trai U Blei jong phi u la bitar ïa nga bad u la kren da kaba shai ba ngan ym ïoh jam ïa ka wah Jordan ban leit sha kata ka ri kaba seisoh kaba u ai kum ka jingïohkynti jong phi.