DEUTERONOMI 13:3 - Khasi CL Bible (BSI)

³ U Trai U Blei jong phi u pyndonkam ïa u ban tynjuh ïa phi, ban khmih la phi ieit ne em ïa U Trai da ka dohnud jong phi baroh.

KA BAIBL

³ to wat shahshkor me ïa ki ktien jong uta u nongïathuhlypa, lane ïa uta u nongphohsniew ïa ki jingphohsniew, namar U Trai uba U Blei jong phi u tynjuh ïa phi, ïa ka ban tip la phi ieit ne em ïa U Trai uba U Blei jong phi da la ka dohnud baroh, bad da la ka mynsiem baroh.

DEUTERONOMI 13:3 ပူးပေါင်းရင်းမြစ်များ

1 SYIEM 13:19

Kumta u nongïathuhlypa uba na Judah u leit sha ka ïing jong u nongïathuhlypa tymmen bad u bam u dih bad u.

SALM 119:2

Suk kito kiba bud ïa ki hukum jong u, kiba kohnguh ïa u da la ka dohnud baroh.

SALM 66:10

Me la buh ïa ngi ha ka jingtynjuh, A Blei; kumba ïa ka rupa la phrang da ka ding kumta me la tynjuh ïa ngi.

SALM 81:7

Haba phi la don ha ka jingjynjar, phi la khot kyrpad ïa nga, bad nga la pyllait im ïa phi. Na ka jakarieh jong nga ha ka 'erïong nga la jubab ïa phi. Nga la tynjuh ïa phi ha ki um ka Meribah.

EKSODOS 20:20

U Moses u jubab, “Wat sheptieng, U Blei u la wan tang ban tynjuh ïa phi bad pynlong ïa phi ban ïai kohnguh ïa u, khnang ba phin ym leh pop.”

ISAÏAH 8:20

Me dei ban jubab ïa ki, “To shahshkor ïa kaei kaba U Trai u hikai ïa phi! Wat shahshkor ïa ki nongkren byrtong — kaei kaba ki ong ïa phi kan ym weng ïa ka jingjynjar.”

MATHAÏOS 24:24

Naba ki Messaïah lamler bad ki nongïathuhlypa lamler kin ïamih, kin leh ïa ki kambah bakhraw bad ki kamphylla khnang ban shukor wat ïa ki briew kiba la jied jong U Blei, lada ka long kaba lah.

KI KAM 17:11

Ki briew hangta ki long kiba kham ïar jingmut ban ïa ki briew kiba ha Thessaloni. Ki la shahshkor ïa ka khubor da ka jingangnud bakhraw, bad man ka sngi ki ju pule bniah ïa ki Jingthoh Bakhuid ban khmih lada kaei kaba u Paul u ong ka long kaba shisha.

1 KORINTH 11:19

(Khlem artatien ka don ka jingïapait hapdeng jong phi khnang ba yn ithuh shai ïa kita kiba leh ïa kaba dei.)

2 KORINTH 8:8

Ngam buh ïa kino kino ki aiñ. Hynrei da kaba pyn-i kumno kiwei ki kloi ban ïarap, nga pyrshang ban wad katno ka jingieit jong phi hi ka long kaba shisha.

EPHESOS 4:14

Te ngin ym long shuh kum ki khynnah, ba la pynshad kynting da ki jingat phyllung bad ka jingbeh ka 'erïong man ba ka kylla da ka jinghikai jong ki riewshukor, kiba ïalam ïa kiwei pat sha ka jingbakla da ki buit sianti ba ki pynmih.

DEUTERONOMI 6:5

Phin ieit ïa U Trai U Blei jong phi da ka dohnud jong phi baroh, da ka mynsiem jong phi baroh, bad da ka bor jong phi baroh.

DEUTERONOMI 8:16

Ha kata ka ri shyiap u la ai ha phi ïa ka manna ban bam, ka jingbam kaba ki kpa tymmen jong phi kim ju ïoh mynno mynno. U la pyndem bad tynjuh ïa phi, khnang ba ha kaba kut un pynmanbha ïa phi da kiei kiei kiba bha.

DEUTERONOMI 8:2

Kynmaw kumno U Trai U Blei jong phi u la ïalam ïa phi baroh shi lynter lynti lyngba ka ri shyiap ha kine ki sawphew snem kiba la dep ba un pyndem ïa phi, u da tynjuh ïa phi ba un ïoh tip aïu phi thmu ban leh, bad la phin kohnguh ne em ïa ki hukum jong u.

2 THESSALONI 2:11

Bad kumta U Blei u phah ïa ka bor ka jingbakla ban trei ha ki khnang ba kin ngeit ïa kaei ka bymshisha.

1 ÏOANNIS 2:19

Kine ki briew da shisha kim don ha ka jingïasyllok jong ngi, bad kata ka long balei ba ki la iehnoh ïa ngi; lada ki la don ha ka jingïasyllok bad ngi, kin jin da la sah bad ngi. Hynrei ki mihnoh, ba kan paw shai ba ym don napdeng jong ki kiba dei shisha ki jong ngi.

1 ÏOANNIS 4:1

Ko ki paralok ba-ieit jong nga, wat ngeit ïa baroh kiba kam ba ki don U Mynsiem, hynrei, to phin da tynjuh ïa ki ban shem lada u mynsiem ba ki don u wan ne em na U Blei. Naba shibun ki nongïathuhlypa balamler ki la leit kylleng sawdong.

1 ÏOANNIS 4:4

Hynrei ma phi, phi long ki jong U Blei, ko ki khun jong nga, bad phi la jop ïa ki nongïathuhlypa balamler, namar U Mynsiem uba don ha phi, u long uba kham donbor ban ïa u mynsiem ha kito kiba long na ka pyrthei.

JINGPYNPAW 13:14

Bad u la shukor ïa ki briew baroh kiba im ha ka pyrthei da ki kambah ïa kiba la shah ïa u ban leh ha khmat jong uta u mradkhlaw uba nyngkong. U mradkhlaw u la ong ïa ki ban tei ka durblei ha ka jingpyndonburom ïa u mradkhlaw ïa uba la shah pynmynsaw da ka waitlam bad pynban uba dang im.

NONGBISHAR 2:22

Ngan pyndonkam ïa ki ban shem la kine ki Israel kin bud ne em ïa ki lynti jong nga, kumba ki kpa tymmen jong ki, ki la leh.”

1 SAMUEL 26:19

Ko syiem kynrad, sngap ïa kaei ba ngan ong. Lada dei U Trai uba la pynkhih ïa phi pyrshah ïa nga, ka jingainguh ïa u, to kan pynkylla ïa ka jingmut jong u; hynrei lada ki briew ki la leh ïa ka, to ka jingtim U Trai kan hap ha ki. Naba ki la beh noh ïa nga na ka ri U Trai sha ka ri ha kaba nga lah ban mane tang ïa ki blei nongwei.