DEUTERONOMI 11:2 - Khasi CL Bible (BSI)

² Kynmaw mynta ïa kaei kaba phi la tip shaphang U Trai lyngba ki jingïashem jong phi bad u. Dei ma phi, ym ki khun ki kti jong phi kiba la ïohmad ïa kine ki jingïashem. Phi la ïohi ïa ka jingkhraw jong u, ïa ka bor jong u, bad ïa ka jingkhlaiñ jong u, bad ïa ki kambah jong u.

KA BAIBL

² To tip ma phi ha kane ka sngi: naba ngam kren bad ki khun jong phi, ki bym shym la tip, bad ki bym shym la ïohi ïa ka jingsneng saja jong U Trai uba U Blei jong phi, ïa ka jingkhraw jong u, ïa ka kti badonbor jong u, bad ïa ka ksang'ti ba la kner jong u,

DEUTERONOMI 11:2 ပူးပေါင်းရင်းမြစ်များ

SALM 136:12

da ka kti bakhlaiñ jong u, ka ksang'ti badonbor jong u; ka jingieit jong u ka neh bymjukut.

EKSODOS 6:6

Kumta ïathuh ïa ki Israel ba nga ong ha ki, ‘Nga long U Trai; ngan pyllait ïa phi bad pyllaitluid ïa phi na ka jinglongmraw jong phi ha ki nong Ijipt. Ngan rah ïa ka ksang'ti badonbor jong nga ban wallam ka jingpynshitom bashyrkhei halor jong ki, bad ngan pynim ïa phi.

PROBERB 22:19

Nga kwah ïa phi ba phin buh ïa ka jingshaniah jong phi ha U Trai; kata ka long balei ba nga ïai ïathuh ïa ki ha phi mynta.

ISAÏAH 53:5

Hynrei namar ki pop jong ngi ïa u la pynmong, la sympat namar ka jingbymman kaba ngi la leh. La pynkhiah ïa ngi da ka jingpynshitom kaba u la shah, la pynkhiah ïa ngi da ki jingsympat kiba u la ïoh.

KI KAM 26:22

Hynrei haduh kane ka sngi, la ïarap ïa nga da U Blei, bad kumta nga ïeng hangne ban ai ïa ka jingsakhi jong nga ha baroh, ha uba rit bad ha uba khraw kumjuh. Kaei kaba nga ong ka long kajuh hi kaba ki nongïathuhlypa bad u Moses ki la ong ba kan sa jia:

DEUTERONOMI 29:10

“Mynta ka sngi phi ïa-ïeng lang baroh ha khmat U Trai U Blei jong phi — ki nongïalam, ki rangbah synshar jong phi, ki shynrang,

DEUTERONOMI 3:24

‘Ko Trai Nongsynshar, me la pyn-i ha la u shakri dang tang ïa kaba sdang jong ki kam kiba khraw bad kiba phylla jong me. Ym don blei ha bneng ne ha khyndew uba lah ban leh ïa ki kam kiba khraw kiba me, me la leh!

DEUTERONOMI 4:34

Ju don mo u blei uba nud ban leit shim ïa ka jaitbynriew napdeng kawei pat ka jaitbynriew bad pynlong ïa ka, ka jong u hi, kumba U Trai U Blei jong phi u la leh ïa phi ha Ijipt? Phi la ïohi da la ki khmat ba u la pyndonkam ïa la ka borbah; u la wallam ïa ki khlam bad ïa ka thma, u la leh ïa ki kambah bad ki kamphylla, bad u la pynjia ïa kiei kiei kiba ishyrkhei.

DEUTERONOMI 5:24

bad ki ïa-ong, ‘U Trai U Blei jong ngi u la pynpaw ha ngi ïa ka jingkhraw bad ka burom jong u haba ngi ïohsngew ïa u ba u kren napdeng ka ding! Mynta ka sngi ngi la ïohi ba u briew u dang lah hi ban im, wat la U Blei u la kren ha u.

DEUTERONOMI 7:19

Kynmaw ruh ïa ki jingtynjuh kiba shyrkhei kiba phi la ïohi, da ki kambah bad ki kamphylla, bad da ka borbah da ka ksang'ti kaba la kner da kaba U Trai U Blei jong phi u la pyllait ïa phi, kumta ruh un pynjot ïa kita ki jaitbynriew baroh ïa kiba phi sheptieng.

DEUTERONOMI 8:19

Lada phi klet ïa U Trai U Blei jong phi, bad phi phai sha kiwei pat ki blei ban mane bad ban shakri ïa ki, nga maham jur ïa phi ha kane ka sngi ba phin ïap da shisha.

DEUTERONOMI 9:26

Bad nga la duwai, ‘A Trai Nongsynshar, wat pynjot ïa la ki briew, ki briew kiba me la pyllait bad ïalam na Ijipt da ka jingkhlaiñ bad ka borbah jong me.

JOSHUA 24:31

Katba u Joshua u dang im, ki paid Israel ki la shakri ïa U Trai, bad hadien ka jingïap jong u, ki dang bteng ban leh kumta katba dang im kito ki nongïalam kiba la ïohi da lade hi ïa kaei kaei baroh kaba U Trai u la leh na ka bynta ki Israel.