DEUTERONOMI 10:4 - Khasi CL Bible (BSI)

⁴ Nangta U Trai u thoh ha kita ki mawlyngkniap ïa kijuh ki ktien ba u la thoh ha ka sien kaba nyngkong, ïa ki Shiphew Hukum keiñ ba u la ai ha phi mynba u la kren napdeng ka ding ha kata ka sngi ba phi ïalumlang ha uta u lum. U Trai u ai ha nga ïa kita ki mawlyngkniap, bad nga phai bad leit hiar na uta u lum.

KA BAIBL

⁴ Bad u la thoh ha kita ki maw lyngkniap, katba kum kata ka jingthoh ka banyngkong, ïa ki shiphew hukum keiñ, ïa kiba U Trai u la kren ha phi ha uta u lum, napdeng kata ka ding, ha ka sngi kata ka jingïaseng; bad U Trai u la ai ïa ki ha nga.

DEUTERONOMI 10:4 ပူးပေါင်းရင်းမြစ်များ

DEUTERONOMI 9:10

Nangta U Trai u ai ha nga ïa ki ar tylli ki mawlyngkniap ha kiba u la thoh da la ka kti ïa kata kaba u la kren ha phi napdeng ka ding ha kato ka sngi ba phi ïalumlang ha uta u lum.

EKSODOS 34:28

U Moses u la sah hangta bad U Trai sawphew sngi bad sawphew miet, khlem bam khlem dih. U thoh ruh ha kita ki mawlyngkniap ïa ki ktien jong kata ka jutang — ki Shiphew Hukum keiñ.

DEUTERONOMI 18:16

“Ha kato ka sngi mynba phi ïalumlang ha u Lum Sinai, phi la kyrpad ba phim kwah ban ïohsngew shuh ïa ka sur U Trai, lymne ïohi shuh ïa ka ding ha kaba u don, namar ba phi sheptieng ïoh phi ïap.

EKSODOS 34:1

U Trai u ong ha u Moses, “Shtah ar tylli ki mawlyngkniap kum kito kiba mynshuwa, bad ngan sa thoh ha ki ïa ki ktien kiba la don ha ki mawlyngkniap kiba nyngkong, ïa kiba me la pynpait.

EKSODOS 31:18

Haba U Blei u la dep kren ha u Moses ha u Lum Sinai, u ai ha u ïa ki ar tylli ki mawlyngkniap ha kiba U Blei da lade hi u la thoh ïa ki hukum.